Ihabaku 3:17 - IWE ỌNỊNỊ

¹⁷ Ọ daka vị ka ọchị uhwigi nịnị ẹ yị jị ododo, dị ẹ yị nyị ẹtụtụ ịnị ọchị ịvayịnị nị; ọchị orivi nịnị ẹ yị daka tụ́, dị ẹ yị nyị ịsọyịrị ịnị aarẹ nị, dị ịsụpa sù ha, dị ịga vị osusu nị,

Ihabaku 3:17 Referans Kwoze

Ijeremaya 5:17

Ịsa ọnị ụ mẹ tụ ịnị aarẹ ọnịrị ịsọyịrị awụ nịnị vị ọnị ẹnịnị vee duu ha. Ezi ọnọrụ awụ nịnị ọnịrị ezi anẹẹ awụ nịnị vị ẹnẹ vaa wụ̀ vàa ha. Ịsụpa awụ nịnị vị ọnị e vee vú ẹtẹ beri ọchị ịvayịnị ọnịrị ọchị ihwigi awụ nịnị. Ẹkụra awụ nịnị ana jị ọvọ kara ọnị ụ vavọọ aa tụra eyi nịnị avọọ vị ọnị isoja ẹnịnị vee vú ẹtẹ.

2 Anịkọrịntị 4:8

Ịrẹyị irenyi-irenyi ee tù yị, ama ẹ yị nyị ẹbẹẹba ayị. Ayị ayịị̄ vaa zi, ama ye yi hụrẹ eyi.

2 Anịkọrịntị 4:9

Aa sị ụyaa rị yị, ama Ohomorihi o yi yi yị tịtẹ. Ịjị ẹnyị e si yi hú ẹtẹ, ama ye yi vu ẹtẹ.

Ijeremaya 12:4

Ọ kà, ịzị ẹkụra ẹnịnị vaa maanị wụ naa za, dị avaba avị ịnị aarẹ kụ wụ? Ịsụpa ẹnịrị inomi nịnị ee su vaa ha agụvị ebira odivi ana aza ene hi ịnị ẹkụra aa mẹ. Aza anaa kà a ka Ohomorihi e yi re ịsị ẹnị aa mẹ.

Imika 6:15

Wàa dà aarẹ pooro we yi yèe re ịsa sị ịnị anị. Ụ vaa mẹ angwẹ, ama we yi ve da sisi ẹngụ awụ. Ẹtụtụ ana a si mẹ eche wàa mẹ̀ ẹ, we yi re hú ịnị anị.

Ịmarakayị 3:11

Dị ọ ka ọnị ẹ yị vaa zẹ ka akụvarịva e du ịsa ịnị aarẹ ẹnịnị ha. Ọnị ẹ va zẹ ka ẹtụtụ ịvayịnị ẹnịnị ẹ wọrọ ẹbazị.