Ihabaku 3:16 - IWE ỌNỊNỊ

¹⁶ Ịjị Ihabaku wụ́ avaba ịsa ẹnẹnị, dị ayị hụrẹ ẹ ịnẹ, dị ẹgahị ngụ ọ ẹngụ nị. Di o ne ku hẹẹ ee zi ịhị Ohomorihi vaa sị ụya rị ọnịvị ẹnịnị ana kụ́ ọ ka ẹnị ụhwẹ aanị nị.

Ihabaku 3:16 Referans Kwoze

Ijeremaya 23:9

Ijeremaya ka, ayị anị ọ sị sị rugurugu. Ẹngụ anị aa dá ẹgahị. Ọnị ragaragaa zị ọza ene eche aa mẹrị avọọ. Ẹnẹyịmavara ọnịrị ịrẹyị ọnị ọ kà, ọnị kụkụ sị mẹ anka ọza ene hú eche ẹnẹmẹhị dị aa mẹrị ọ avọọ nị.

Ihabaku 3:2

Dị ọ ka ọnị ọ wụ́ ịtọpa ịsị ẹbanyị-ẹbanyị ọnị Ẹnẹyịmavara mẹ̀ ịnị ịyẹẹyẹ, di o hi ọnị irenu nị. Dị ọ da ịpẹ ka ọ navọ ọ rẹ mẹ̀ yị ẹnị ịnị ụmẹ ẹnịnị anka ọ mẹẹ mẹ̀ ịyẹẹyẹ, dị ọ sị ụkata anị dọ ẹnịnị tụ́. Aarịhịnị ọ va hụụnị ọyịkụ anị, dị ọ vayị ẹnịnị.

Ịdanịyẹrị 10:8

Dị ahịka ọnị ịnya ộ vọ jẹẹ ene re ẹtẹ ohyozirenu ọnọnị nị, ọnị ẹ ị kụkụ nyị ụkata vụrụ-vụrụ. Angwahi mẹ za ọnị dị ọnị vara ọza òo re ọnị ẹ yị hyakụ a yẹ ọnị.

Ahẹ Ụgama 119:120

Angwa awụ vi ene ee hí mị, dị ẹngụ amị aa dá ẹgahị agụvị ọkarẹyị ọnị ụụ̄ mẹ.

Ahẹ Ụgama 91:15

Ohomorihi ka aza ana vavọọ sị ayị tụra ọnị ẹ̀ẹ hị́ ọnị, ọnị vee tụ́ wa ohi. Ọ kà èe hi ịnị ẹngụkata ọnị ọ yị vaa hụrẹ wa ụvọ, ama ọnị vaa dọ waa tụ́, dị ọnị sị ụbanyị yị wa.

Ịdanịyẹrị 8:27

Ịdanịyẹrị ka ịrẹyị ọnọnị ộ za ọnị zizi, dị ọ vara ẹngụ aa zị ọnị nị. Ẹngụ ộ zị ọnị mẹ ẹkụhị chee, ịjị ọnị sị kwẹẹtẹ, dị ọnị naa mẹ̀ ụkọrọ ọnị ohinọyị sị yị ọnị nị. Ama ẹtẹ oni oni re aanị ô hi oni irenu; e yị re ye ọnị bẹẹ.

Ezikẹẹrị 3:14

Ọ kà Ẹnẹyịmavara ộ sị ụkata yị ọnị ẹtẹẹtẹrẹ, ịjị ụhwẹ Ohomorihi va sị ọnị kwooze, ayị anị sị du, dị ayị aa kụ ọnị nị.

Iruuku 21:19

Wàa jẹẹ geri-geri nịnị, ọnị ọ vaa mẹ ka wa zụ yara nịnị obooro nị.”

Ijoovu 30:17

Ịrahụ-ịrahụ vị ọnị avaba ẹchụkụ anị aa chị ọnị rị, dị ọnị ẹ yị nyị ụhwọtụ vụrụ-vụrụ.

Ijoovu 30:30

Ijoovu ka ụpẹngụ anị ọ ta mine. Ẹngụ anị ọ ta jịnẹ ịra yị ovanggoro.

Ụhịrẹyị 12:4

Ọnẹẹ obooro ọ vị okurẹsụ ọva anị nị ama ọnẹẹ ana mẹ̀ ụhị nyị ọva anị sị mẹ anka ịtahụ ọ̀ọ tụra ọza avọọ nị.

Ụhịrẹyị 14:30

Ayọnẹtẹ vị anaā sịị ẹngwọọrọ yị ọza ama ọza anaā kụ ụhị ẹ mā nyị ẹngwọọrọ.

Ijeremaya 4:19

Ijeremaya ka, aa daa zị ọnị, ọnị ẹ yị kụkụ zụ zaa. Ayị anị ọ sị vazi, di ee ji bii-bii nị. Ọnị ẹ yị zụ sị irenu anị ku oku. Ọnị ộ wụ́ ịkakanchị ịrẹkụ; ọnị ộ wụ́ owu ịrẹkụ.

Ijeremaya 5:15

Ẹwụ nịnị Anisirẹrị, Ẹnẹyịmavara ọ ra mẹ ka anẹkụra ene noze ẹ̀ kụ ịrẹkụ ve tu wu nịnị. Anẹkụra hụrị ụmọrụmọ, ana katẹngụ, dị wẹ yị wụ ẹkụra ẹnị ẹ yaa kà a vị nị.

Arụwẹ 1:13

Ohomorihi ọ raà ka ịra ku ẹnị hụrị ẹbẹẹba, ẹngụ ẹnịnị ọ ta jịnẹ ịra gogogo. Ịrẹpa ọnị Ohomorihi va zi ẹnị, ọ sị ẹnị za nya ẹtẹ, dị ọ navọ ẹnị ka ẹnị ẹ̀ maanị rị ụya nị.

Ayịsaya 21:3

Ịrẹyị ọnị mị wụ́ m mẹ̀ vavọọ re ẹtẹ ọnọọ ộ mẹ̀ ka avaba ẹngụ ọ̀ọ zị mị. Ộ kata mị ẹngụ anka ọnẹẹ ana aa barẹẹ avọọ. Ịsị mị wụ́ ọnịrị ịsị mi re ô chire mi angwa.

Ijeremaya 30:7

Ẹnẹyịmavara kà ẹkụhị odivi aa vẹ. Ẹ́ yị nyị ẹkụhị ana vaa wụra juwe anị: Ọ kà ụmẹ ọnị aza anị vaa sị rị ụya ọ vaa vị nị, ama ẹnịnị vaa ha.

Arụwẹ 1:20

Tee! Ẹnẹyịmavara navọ we re ẹngụkata ọnịrị ụya ọnị yaa rị aanị. Ayị ayị o si du chuku-chuku ịsị ebira odivi sị yị mẹ̀. Aà wụ̀ aza ha ịnị ubooro, wàa va yà ịnị eehi usu rẹ sị ngụ tu wu.

Ịdanịyẹrị 10:9

Ịjị ọnị wụ ọngwẹ ọza ọnọnị kẹnẹ, dị ewu za ọnị, dị ọnị hyẹdụ na va eyi ku ẹtẹ nị.