Ihabaku 3:10 - IWE ỌNỊNỊ

¹⁰ Ataba nịnị e re Ẹnẹyịmavara, di ee ziizi, dị eguhi aa zụ́ orihi hị́ ẹtẹ. Dị ẹnyị ịnị oku aa da gụgụrụgụ.

Ihabaku 3:10 Referans Kwoze

Anihiburu 11:29

Anisirẹrị nịnị ẹ́ẹ sị ayị tụra Ohomorihi. Ọnị ọ rẹ mẹ ka ẹ̀ zụ jịnẹ Irehu Ovivi anka èe rere zị ụsẹ ị́rẹsụ eteesu avọọ nị. Anijipiti nịnị mẹ̀ ka ẹnị aa sị eyii sì waa mẹẹ, enyi ộ mụnẹ wa.

Ahẹ Ụgama 93:3

Ẹnẹyịmavara, òkū nịnị ee nowu, e yee nowu dị ẹ yaa da vụ̀ụ́vụụ nị.

Imatiwu 27:51

Dị achị ọratụpọ anaa sị che irehi Ohomorihi, há hi ẹẹva hụrẹ ẹbẹẹba na ngụ ụvẹtẹ waara nị. Dị ẹtẹ henyi, dị ịrẹta nịnị há hi ẹẹva nị.

Ijeremaya 4:24

Ọnị ô ré ataba nịnị, e yee zizi, dị ẹ yaa wọrọ ọba nị.

Ayịsaya 43:20

Uye edivi nịnị vaa sị ụbanyị yị mị. Irezi ini enyi ẹnịrị ọgọdọbẹ nịnị vaa kụ́ mị avọ, ịjị màa mẹ okuha nịnị ee sii yị enyi ịnị ụnọmị, dị mị sị enyi yị aza amị ọnị mị nyị nị.

Ijosuwa 4:18

Obobooro ọnị ohirẹsụ ẹnẹẹ jịnẹ tụ ẹhẹ dị irehu ọnọọ vana kụ́ ọhaara dị o hi na ka abobo anị anka ọ mẹ vịdị ya nị.

Ẹtore 20:11

Mée re aga ohinọyị ọnya aanị. Ọ́ọ banyị ẹtẹẹtẹrẹ, dị ọ vị ọvwọọvụ nị. Dị ọza ịnya yaayịtẹ ịnị anị nị. Dị ẹtẹ ọnịrị ẹbẹẹba ee zwee hụrẹ ọvịdị anị, dị ọza ò yi kuku re wa nị.

Ẹtore 16:12

Dị anggẹẹrị ọhụhịnọnyị ọnị rẹ và ene hi ịnị ịchacha hi ini okuha Iyuhureti ana banyị nị. Dị enyi anị wụ, ka oze ò tenyi tịtẹ yị ohinọyị nịnị ana yà eyi ọnị ọyịị̄ zịị hụrẹẹ vẹ nị.

Ẹtore 6:14

Dị ẹbẹẹba kara kwooze, anka èe rere kara iwe kwooze avọọ nị. Dị ataba nịnị ẹnịrị ẹtẹ ene enyi kara, hụrẹ aha ẹnịnị nị.

Ihabaku 3:6

Ẹnẹyịmavara ọ̀ọ jẹẹ kẹnẹ dị ẹtẹ e ziizi. Ọ̀ọ kana eyi kẹnẹ, dị ivoovo sị aza za, dị ataba ana jẹẹ hụrẹ ụmọrụmọ aa gara rugurugu va hi ẹtẹ. Ama Ohomorihi ẹ yị maa vara.

Ịnahụmị 1:5

Ẹnẹyịmavara òọ kana eyi kẹnẹ, dị ataba nịnị ee ziizi; dị otutu nịnị nā anka ụsụ ana gụrị ịra avọọ. Dị ẹtẹ ziizi, dị ivoovo za avaba aza ene hi ịrẹsụ ẹtẹ.

Imika 1:4

Ịjọnọọ, dị ataba nā ahẹtẹ anị anka ụsụ ana yà ịnị ịra avọọ; dị ẹ yaa va hi ẹte hi inoze anka enyi ene ee sii chi ataba avọọ nị.

Ayịsaya 55:12

Ịrajẹ ụ vaa sị hụrẹ Ịbabịrọnị nịnị nị; ẹngwọọrọ a vaa sịị kụ́ wụ nịnị varẹma hụrẹ ẹkụra ọnọọ nị. Ataba ẹbanyị ẹnịrị ataba eweyi vee nyima aa jị ahẹ, dị avaba ọchị ịnị avị aa kụ̀rà ụvọ ẹnịnị.

Ahẹ Ụgama 66:6

Ộ mẹ ka òkū ọ̀ vara ẹtẹ ọyịwụ, dị aza anị sị ahụ na para hu ini okuha ọnọọ nị. Dị ị yà ịzọọ dị yaa jẹ agụvị ịsa ọnị ọ mẹ nị.

Ahẹ Ụgama 65:13

Ịsụpa vị ana gụ hi ini ozi avọọ ịsa ịnị aarẹ mẹ̀ rẹ mẹ hi ẹtẹ nị Avaba ịsavị-ịsavị vị ana nyayịnẹ zoza, dị ẹngụ ẹnịnị hunẹnẹ.

Ahẹ Ụgama 18:15

Ẹnẹyịmavara, ịjị ụ kụ́ ayị dị ụ kara eyi hi ọnịvị awụ òkū vị ana maanị tịnọ yaara dị aza ee re iruvo enyi Ẹtẹ vi ana ha hi, dị aza ee re iruvo ẹtẹ nị.

Inehemaya 9:11

Ô che oku hi oze ẹẹva, dị ezi Anisirẹrị zị ụsẹ ịnị ẹtẹ ọyịwụ nị, ama dị ọ mẹ ka oku ọ̀ mụnẹ aza anaa dụ wa anka ịrẹta ene hí uruvo enyi avọọ nị.

Imatiwu 8:24

Kẹnẹ, dị opomi ọbanyị ọnya aa tụ́ nị, dị enyi aa dàa kú ẹpa nị, ama dị Ijeesu aa sụ ara ịnị ẹpa nị.

Ahẹ Ụgama 104:32

Wâ kana eyi re ẹhẹ, dị aa banyị nị. Ụ mẹ̀ kanyị ataba, dị aa tụ́ areyi nị.

Ahẹ Ụgama 148:7

Ẹwụ nịnị ene hi ịrẹsụ ẹtẹ, wa kụ́ Ẹnẹyịmavara avọ nịnị. Ẹwụ nịnị uye ẹbanyị-ẹbanyị ene hi ini enyi ọnịrị avaba ịsị e hi iruvo oku ọ̀ọ kụ́ Ẹnẹyịmavara avọ.