Ihabaku 2:8 - IWE ỌNỊNỊ

⁸ Ẹnịnị vị anaā vịdị aa sị àko dọ aza ọnịrị anẹkụra ẹnya para hu, dị ẹ yaa wụ́ aza ha. Booro aanị aza ana ha hụụnị ụvọ ẹnịnị vaa vara eyii sị ụya rị wa agụvị aza ẹnẹ wụ̀ ọnịrị ezigi ẹnẹ ẹ kụ́ hi ẹtẹ.

Ihabaku 2:8 Referans Kwoze

Ayịsaya 33:1

Wa sị dà, ẹwụ nịnị ana maanị aa wụ̀ aza, dị à yị nyị ọza ana aa wụ nịnị. Mị ka wa sị da, ẹwụ nịnị onireche ene ee vene ọza dị ọza ò yi vene ẹwụ nịnị. Ụ màa wụ̀ ọza nịnị aanị, ịjị ụmẹ awụ nịnị ọ̀ọ ta, a rẹ vaa wụ̀ ẹwụ nịnị. Ịjị wè yi rè kuku vene ọza nịnị, ụmẹ ọnọọ e vee vene wu nịnị nị.

Ihabaku 2:17

Avaba ẹngụkata ọnị ọ kụ́ tu aza vee tu ọ. Ọnị ọ sẹ́ iruku Ịrẹbanọnị va ha nị, dị ọ wụ́ uye ịnị iruku ẹnẹẹ va ha. Uye vee chire e angwa. Ẹnịnị ẹ̀ yị vaa nyị ẹngwọọrọ agụvị ẹngụkata oni e ku tu aza, dị ẹ wụ́ aza va ha, dị ẹ rẹ dụ ẹkụra ha.

Ijeremaya 27:7

Avaba anẹkụra vị ana vaa kụụ hẹkẹ e. Ẹnịnị vaa kụụ hẹkẹ ezi anị ọnịrị aazị anị pooro nee tu ụmẹ ọnị ẹkụra anị ọnị rẹ vaa sị sẹ̀ ẹdụ. Dị anẹkụra anị ẹnị rẹ vaa kụụ hẹkẹ anẹkụra ọrụrụ-ọrụrụ ana nyị ụkata ẹtẹẹtẹrẹ ẹnịrị ohinọyị ẹbanyị-ẹbanyị nịnị.

Ẹtore 6:10

Di e yee nowu booboro, dị ẹ ka: Ananyị yị ana vị ọnịrẹyịzẹyịza dị ẹ̀ yị nyị ẹngụ anị, ịhị ọ vaa mẹ̀ ọkarẹyị yị anẹhẹ di ò sí wa atọ ọyịwụ̀ ẹnẹ ẹ wụ̀ ẹnị?

Ịzakaraya 14:12

Aanị Ẹnẹyịmavara mẹ ka ọnị vaa kụ ụkụ tù avaba anẹkụra ana gẹ ịrẹkụ tu Ijerusarẹmị nị. Ẹnịnị e yi yee su dị ụpẹngụ ẹnịnị ẹẹ vụ, dị eyi ẹnịnị vụ hi wa eyirẹsụ, dị ịrarẹ ẹnịnị vụ hị́ wa irenu.

Ịzakaraya 1:15

Ọnị nyayịnẹ ee du ayị hi anẹkụra nịnị ana vọ ene ro ka ẹnị ẹ nyị ẹngwọọrọ. Ọnị vị ana kụ́ ayị chee hi aza anị dị ẹnịnị sị ụya rị wa hu avọọ nị.

Ihabaku 2:10

Ụhị ẹ yaa mẹ nyị ovwoovu ẹnịnị nị. Ee vee vú ẹtẹ anka ẹ mệ mẹ̀ aza nị.

Ijeremaya 51:48

Ẹnẹyịmavara kà, aa nyị aza ana hụrị eyi ẹbẹẹba vẹ. Eyee vee du ẹtẹ Ịbabịrọnị ha. Ịjị ụvọ ẹnịnị òo ku Ịbabịrọnị, avaba ịsị ene hi ẹhẹ ọnọnị ọnịrị ẹbẹẹba vee hine ayị, dị ẹyaa jị ahẹ.

Ijeremaya 51:44

Ẹnẹyịmavara kà, ọnị vaa sị ụyaa rị ori Anibabironi nịnị ana aā hị́ Ịbẹẹrị, dị ọnị mẹ ka ọ̀ hẹ̀rẹ avaba ịsa ọnị o yi. Anẹkụra-ẹkụra nịnị ẹ́ yị ma vana va mẹ̀ ẹ. Ọvọ Ịbabịrọnị o si wu o.

Ijeremaya 51:24

Ẹnẹyịmavara kà, ọnị vee sí Ịbabịrọnị ọnịrị aza ene hi ịzọọ atọ avaba ịsị odivi ẹnẹ ẹ́ mẹ hi Anijerusarẹmị nịnị, dị u re e.

Ijeremaya 51:13

Irehu ene hi Ịbabịrọnị ẹẹ rụrụ, dị ẹtẹ ọnọọ rẹ nyị ogu ẹtẹẹtẹrẹ nị. Ama eyi anị ọ sị nị, a sị avaba ịsị ọ sị eyi tụra gara ha.

Ijeremaya 51:8

Ụvọ ô ku Ịbabịrọnị, asị o vú ẹtẹ. Waa jị òrèrè anị nịnị. Ne sì ahọ̀nọ va tụ ịnị ụnava anị yọ nịnị ka ẹyịyara ọ vaa vị.

Ijeremaya 50:37

Ọ kà, è vu avaba umaata ẹnịnị ọnịrị ụkẹkẹ ịrẹkụ ẹnịnị ẹtẹ. À wụ̀ avaba isoja ọzọga ẹnẹ ẹ na kụ hụrị aha ọsa vẹ va ha, ẹnịnị ẹẹ da vị ọkụmị kẹnẹ. È du avaba ogu ẹnịnị ha beri avaba ịsa ẹnẹ ẹ sị ụkata-ụkata na kụ hụrị aha ọsa avọọ.

Ijeremaya 50:28

Ijeremaya ka, wụ́ nịnị, aza ene zwè hụrị Ịbabịrọnị va tẹ, maa kà a, Ananyị yị Ohomorihi ayị mẹmẹ aa họ̀ oponu ịsị Anibabironi nịnị vịdị va mẹ ịnị Irehi anị.

Ijeremaya 30:16

Ama booro aanị, avaba aza ana va gara ụ nịnị ha vị ana a vaa garaa ha; avaba ọnịvị awụ nịnị vị ana a vaa za ọrịhị nee hi ẹkụra ọsa. Avaba aza ana sị ụya rị ụ nịnị vị ana a vaa sị ụyaa rị. Aza ana kụ ẹnya awụ nịnị vị ana a vaa kụ ẹnya ẹnịnị.

Ayịsaya 47:6

Ayị ộ kụ́ mị tu aza amị; mâ mẹ̀ ebira hi wa anka vị ẹ̀ yị vị aza amị ẹ kụkụ vị nị. Mâ sị wa chire wụ ụvọ, dị wẹ̀ yị vayị ẹnịnị vụrụ-vụrụ nị. Azọkụ ẹnịnị vị ọnị ụ hyakụ tụ́ ọkẹẹkẹrẹ ana rata.

Ayịsaya 33:4

Ẹwụ nịnị anẹkụra aza vị ana vaa sùu kú ogu awụ nịnị dị ẹ kụ́ ọ anka akụvarịva mèe sùu kú avị avọọ.

Ahẹ Ụgama 137:8

Ẹwụ Ịbabịrọnị, vị a maanị vee du wu ha saka-saka nị. Ọza ene èe zụ si wu atọ ebira ọnị ụ mẹ yị aanị vị oni o vee zee yị.

Ijeremaya 50:14

Ọ kà, ẹwụ nịnị ana kụ́ ọkịta ọ tenyi ẹngụ ịrẹkụ, di wa tara kara Ịbabịrọnị nịnị. We ne avaba ọpa awụ nịnịị hi Ịbabịrọnị nịnị, agụvị ka ẹnịnị ẹ sị ebira odivi mẹ hi ọnị Ẹnẹyịmavara.

Ezikẹẹrị 28:16

Ohu vị ọnị waa sẹ pooro kẹnẹ. Ọnị ọ mẹ wụ naa sị ụkata mẹ ịrẹyị, dị waa mẹ̀ ebira odivi nị. Ẹnẹyịmavara kà agụvị avọọ ọnị dụ wụ hụụnị ataba ọnịnị anị, dị anggẹẹrị ene vịdị ê sere wu kụkụ dụ wụ hụụnị akakana ịrẹta anaa jị ịra aanị nị.

Ezikẹẹrị 39:10

Ẹ́ yị kụkụ vaa nyị ka ẹnịnị ẹ̀ ngụ ịnị avị ne si ọkụ. Ẹnịnị ẹ́ yị kụkụ vaa ngụ iruku naa má ọchị ọ̀ yị va kà ịra, agụvị ka ẹnya ịrẹkụ ẹnẹnị vaa hụ waa kà ịra. Aza ana vịdị va sị ụkata-ụkata va kụ wa ẹnya, vị ẹnẹ nị rẹ va naa kụ ẹnya. Ẹnẹyịmavara Ananyị yị ọ kà avọọ nị.

Emọsị 3:10

Ọ kà ẹnịnị ẹ yị yẹ a mẹẹ̄ mè ịsa ana vọrọ. Ẹnịnị vị ana sị àko kụ ogu aza hi irehi ẹnịnị.

Ọbadaya 1:15

Ụmẹ ọnị Ẹnẹyịmavara vaa sị họ̀ oponu ịrẹsụ avaba anẹkụra ẹnẹẹ aa gụrị ẹtẹ. Avaba odivi ọnị Anedomi nịnị mẹ̀ vị ana vaa vẹ ịrẹsụ ẹnịnị.

Ụhịrẹyị 22:23

Ẹnẹyịmavara vaa jẹẹ yị wa, ịsị aza ẹ̀ẹ kụ tu wa ọnị rẹ vaa kụ tu ẹnị nị.