Ihabaku 2:7 - IWE ỌNỊNỊ

⁷ Angwa vee hi wa ịhị aza ẹnẹ rị ụta ẹ ngụ tu wa avaavoo. Dị ẹ ngụ tu wa, dị ẹ dọ wa avaba ịsa ẹnẹ ẹ nyị, di ivoovo za wa jẹẹ.

Ihabaku 2:7 Referans Kwoze

Ụhịrẹyị 29:1

Ọza anaa ka ọnị ọ mā dọ ohuvọ ọza, vị ana jị obo nee vu.

1 Anịtẹsaronika 5:3

Ịjị aza àa kà a ka ẹ́ yị nyị ịrẹyị vụrụ-vụrụ, dị ịrẹyị vana ngụ tù wa kẹnẹ anka ọnẹẹ ọnị ịrẹẹ aa zị avọọ. Dị ẹnịnị ẹ́ yị zụ há.

Ijeremaya 51:57

Ọnị vaa kà ọdọvịdị ẹnịnị ọnịrị aza ana yẹ ịrẹyị hị́ ịzọọ eche. Ọnị vaa kà Ịgọvọnọ ẹnịị ọnịrị isoja ẹnịnị eche. Ẹnịnị vanaa sụ̀ dị ẹ́ yị ma vanaa ha kwẹẹtẹ. Ọnị ohinọyị ọ kà avọọ nị. Ịrẹha anị ọ rị Ẹnẹyịmavara Ochẹtẹẹngụ nị.

Ijeremaya 51:11

Ẹnẹyịmavara ọ na raa hị́ ẹnị ohinọyị Animediya nịnị, agụvị ka ee si ka ọnị ò vu Ịbabịrọnị ẹtẹ. Avọọ Ẹnẹyịmavara mẹmẹ vaa mẹẹ họ̀ oponu irehi anị ọnị ẹnịnị du ha nị. Ọdọvịdị isoja anaa vẹ wa ịrẹkụ ka, ọzọza ọ sị ọpa anị dị ò nee. Ọzọza ọ̀ sị ogonto anị rị ụvọ o.

Ijeremaya 8:17

Ẹnẹyịmavara kà, re, ọnị aa tụ́ ẹ́wụ́ ana nyị ẹchịpa odivi vaa ngụ ịnị awụ nịnị. Ẹ vaa jị wụ nịnị ịrẹrụ. Ọza ẹ yị vaa zụ mẹ irere anị.

Ayịsaya 47:11

Ama ịrẹyị odivi vee tu wu, ọnị ụ wẹ̀ yị va zụụ sị ahọnọ zaa jẹẹ. Ẹngụkata odivi vee tu wu ọnị ụ wẹ̀ yị va zụụ za ka a sị ọ vẹ. Ịsị ee vu ọza ẹtẹ ọnị ụ wẹ yị yẹ ahụ, yẹ ụvọ tụ ịnị anị vaa hụrẹẹ hi wu.

Ayịsaya 46:11

Maa hị́ inomi eneē che ịsaa hụrẹ eyi ọnị ọyịị̄ zịị vẹ, maa hị́ ọza ana vaa mẹ ịsị mị ka mị vaa mẹ hụrẹ ẹkụra ene noze. Ịsị mị raa kà, mị vaa mẹ̀ ẹ; ịsị mị me eto anị, mi vaa mẹ̀ ẹ.

Ayịsaya 41:25

Ẹnẹyịmavara kà ọnị ọ raà nyị̀ ọdọvịdị hụrẹ eyi ẹbẹẹba ọnịrị eyi ịzị ọyịị̄ hụrẹ vẹ ka o vị eyi ịraazị ka anẹkụra nịnị. Ọnị vaa sị ọ nyị ẹbẹẹba ohinọyị nịnị anka ọjụnọkọ nịnị mẹẹ sị ahụ pịrị ụmọpa avọọ.

Ịrẹyị Ọzwọzịsa 10:8

Ọza anaa chị ụsị ọ vee horo ngụ ọ nị. Ọza anaa jị ugene roo ẹ́wụ́ ọ zụ jị ọ ịrẹrụ.

Ayịsaya 11:13

Anisirẹrị e yi kuku vee pè Anijudaa kụ̀ ụhị. Anijuda ẹnị ẹyị rẹ kuku vee re Anisirẹrị ọnịvịị ẹnịnị.