Ihabaku 2:6 - IWE ỌNỊNỊ

⁶ Aza ẹnẹ ẹ yaa mẹ ẹvaya yị vaa jị ahẹ mẹ wa isiya. Dị ẹ yaa kà a ka ọ yị vee zee yị aza anaa mẹ ọza rị, dị aa kụ́ ogu aza gụ́ tẹ̀ yị ẹngụ ẹnịnị.

Ihabaku 2:6 Referans Kwoze

Imika 2:4

Ẹnẹyịmavara kà ịrẹyị ene vee tù wa vị ẹnị vaa sịị pa ịta. Dị a maanị aa sị orere jị wa atẹ ka, “A sị yị wụ tụ̀ ịnị ẹhẹ o! Ịhị Ẹnẹyịmavara aa naa sị ẹtẹ ayịị yị? Ọ raà sị ẹtẹ ayị dị ọ gà ẹ yị ọnịvị ana kụ́ ịrẹkụ va hụ yị nị. Dị ọ za ẹyị ọrịhị ne hi ịnị ẹtẹ ọnịnị ayị ẹnẹẹ nị.”

Ijeremaya 50:13

Ẹnẹyịmavara kà, agụvị ayị anaa kụ ọnị, ọza ẹ́ yị ma vanaa rá Ịbabịrọnị. Vị́ á vaa jị ọ eburuu tịtẹ nị. Avaba aza anaa zị avọọ vị ọnị ọ́ vaa zaa zizi, dị o hi wa irenu.

Ijeremaya 29:22

Ịhị aza ana a za ọrịhị hụrị Ijerusarẹmị ne hi Ịbabịrọnị aanị ẹẹ ka ẹnị aa tụ ozirenuu hi ọza, ẹnịnị kụkụ vaa kà a ka; Ẹnẹyịmavara ọ̀ mẹ wụ anka ọ́ mẹ mẹ Ịzẹdẹkaya ọnịrị Ahabị ọnị ohinọyị Ịbabịrọnị hù irenyi-irenyi avọọ.

Ịrịka 23:7

Dị Ịbaraamị kà, Ịbarakị ohinọyị Animowabi ộ sị ọnị hụrị ịrẹsụ ataba Aramị vẹ ịzẹnị nị. Ọ kà ọnị o chi hi Anisirẹrị, dị ọnị o du wa.

1Ipita 4:7

Ụmẹ ẹnẹ ẹhẹ ọnọnị vaa sị zẹtẹ, ọ sị gụrị ẹtẹ. Agụvị avọọ sị ụvọ za ẹngụ awụ nịnị, dị ụ wa sị eyi pe ẹtẹ, agụvị dị ụ wa zụụ mẹ̀ aduwa nịnị!

Iruuku 12:20

Ama di Ohomorihi va kà a yọ ka: ‘Ẹwụ ọnụra ọnọnị, ịrahụ ajịnị aa dọ wụ ụhwẹ nọ! Avaba ịsa ọnị ụ kụ́ gụ yị ẹngụ aanị, ẹnẹ kụkụ vaa nyị?’

Ihabaku 2:13

Ama Ẹnẹyịmavara Ochẹtẹẹngụ kà ọnị vaa sị ịra rị avaba ịsa ana aza ọnịrị ẹkụra sị ẹhị ẹnịnị sì nị.

Ihabaku 1:15

Agụvị avọọ, ọnịvị vaa sị arị ọnịrị ọhaa kụ́ wa hụụnị enyi. Ịjị ẹ raa kú wa gụ́, dị ayị ẹnịnị ee hine ka ẹnị ẹ raa nyị ẹkẹhị ọnị ẹnị vaa sị rị ịsa ene zẹ ẹnị eyi.

Ezikẹẹrị 32:21

Aza ana na gụ Anijipiti nịnị ụvọ kụ̀ ịrẹkụ, vị ene hi ịdị aneku aa kụ waa nyaasẹ. Ẹnịnị ê nowu ka: Aza ẹnẹ ẹ̀ yị yẹ Ohomorihi ana a wụ a maa kụ̀ ịrẹkụ hi ịzẹnị, ẹnị ẹ sụ̀tẹtẹ aanị nị.

Ayịsaya 55:2

Sị ẹ vẹ di ú wee du ẹkẹhị awụ nịnịị ha tụ ịnị ịsa ẹnẹ ẹ̀ yị vaa ha ọza ịnẹ? Sị ẹ vẹ dị ụ́ waa mẹ̀ ụkọrọ, dị ụ́ wàa kụ̀ ẹkẹhịị ha nịnị, dị ụngwẹ aa yịị kụ̀ wụ nịnị? Sị ụtọ pe mi nịnị, dị ụ waa rị ịsa ene zoza nịnị. Ụ vaa rị ịsa ọyịza-ọyịza nịnị dị ayị awụ nịnị ee hine.

Ayịsaya 44:20

Vị́ ọ kụkụ sị mẹẹ anka ọza anaa rị atịtọ avọọ nị. Ịrẹyị ụrụụra ẹnẹẹ ro ọ́ raa mẹ̀ ẹ nyeeyi. Ẹ yị zụ dọ ẹngụ anị tụ. Ẹ yị zụ họ̀ ẹngụ anị ka, “ẹ yị vị evene kẹnẹ ori ọnị mị sị rị ụvọ ụvọrị aanị vị?”

Ụhịrẹyị 22:16

Ọza ọbanyị anaa za onosiye mẹ̀ ụngwẹ ọnịrị ọza anaa kụ ịsa na yị ọza ọbanyị vị ọnị iruwa vaa za.

Ahẹ Ụgama 94:3

Ẹnẹyịmavara, aanị ụ wáá mẹ̀ vaa navọ aza edivi ka ẹ̀ẹ jẹ ịrajẹ pooro nị?

Ịrịka 23:18

Dị Ịbaraamị tụ̀ ohi ka Ịbarakị ozi Izipọ si ụtọ pe ẹtẹ dị ọ wụ́ ịrẹyị anị.

Ayịsaya 10:13

Anasiriya aa kà a ka ụkata ẹngụ ẹnịnị ọnịrị ịrẹyọyẹ ẹngụ ẹnịnị ẹnị vavọọ sị nyị ehuna ẹkụra nị. Ẹ ka ẹnị ẹ nyị ụkata ẹnị ẹnị sị za ohinọyị anẹkụra dị ẹnị kụ́ ogu ẹnịnị nị.

Ihabaku 2:12

Ọ yị vee zee yị wa agụvị ebira odivi ẹnịnị ọnịrị anya ọza beri ogu onogu ẹnị ẹ sị da ẹkụra ẹnịnị nị.

Ayịsaya 5:8

Avaba ẹwụ nịnị ana za avaba irehi ọnịrị ẹtẹ dị waa hị́ waa hi ẹtẹ nịnị aanị, wa sị dà nịnị. Aza ana vọ e yi kuku ee vee re aha yà. Ẹwụ nịnị ịnya kẹnẹ ọ kụkụ aa vaa ra ịnị ẹtẹ ọnọọ aanị nị.

Ijeremaya 17:11

Ijeremaya ka, ọza anaa sị irikichii nyị ẹkẹhị; vị ana sị mẹẹ anka irekwose enee kú ajẹ ẹnẹ ẹ yị vị ọnị ọ tụ́ avọọ. Avaba ogu anị vana vaa taa hi ọ ụvọ ẹhẹ anị ọọ maanị ta jẹẹ yị ọ kẹnẹ. Ọvavẹ ịrẹma anị dị o ne tù ka ọnụra kẹnẹ ọnị vị nị.