Ihabaku 2:5 - IWE ỌNỊNỊ

⁵ Ogu ẹhẹ ọnọnị vị eneē vene ọza. Ịsa ọ yị mā hụụ aza ana si ẹngụ tụ́ ẹba. Ọza anaā ha ọhọha sị mẹ anka uswọọza avọọ nị. Ẹtẹ anaā rị ọza ịnẹ ọ yị mā ha. Avọọ Anibabironi mẹ ha irenu aa za ẹkụra ana vọ mụnẹ nị.

Ihabaku 2:5 Referans Kwoze

Ụhịrẹyị 27:20

Ịnẹ ọ mā ha iswọọza ọnịrị ikuta, avọọ ọza ẹ̀ yị ma zụ nyị avaba ịsa ee sì nị.

Ụhịrẹyị 20:1

Ọza ọnị e hu eche ahaahara vị ọnị echee jị ụra. Ọnụra oō hu eche dị a mẹrị ọ nị.

Ayịsaya 21:5

Ịnị ẹtẹ ọnị mị vavọọ re, mê re ka a kụ́ ịsọyịrị tenyi hi ẹtẹ. A rẹ kụ́ aha ana aza vaa yàa tenyi hi ẹtẹ. Dị aza nyima dị ẹ yaa rị di e re yèe hú nị. Dị mị vana wụ́ ka ê nowu ka, “Ẹwụ nịnị isoja, tenyi ogonto awụ nịnị!”

Ayịsaya 16:6

Anijuda ka ẹnị ệ vịdị yẹ Animowabi mẹmẹẹ mẹ eyi. Vị ọ nyayịnẹ ẹ mẹ eyi ẹnẹmẹhị nị. Ama irenu osusu kẹnẹ ẹ vavọọ nyị nị.

Ayịsaya 5:8

Avaba ẹwụ nịnị ana za avaba irehi ọnịrị ẹtẹ dị waa hị́ waa hi ẹtẹ nịnị aanị, wa sị dà nịnị. Aza ana vọ e yi kuku ee vee re aha yà. Ẹwụ nịnị ịnya kẹnẹ ọ kụkụ aa vaa ra ịnị ẹtẹ ọnọọ aanị nị.

Ayịsaya 2:17

Dị ọ za avaba ịsị ọza ee sii wu ika dị ọ vara a ụtẹ, ịsa aza aa sịị mẹ eyi dị ọ vara a ịrẹyị ụhị. Ịhị ọnọọ Ẹnẹyịmavara ịnya kẹnẹ aza vaa sị ụbanyịị yị nị.

Ịrẹyị Ọzwọzịsa 5:10

Aza ene sì ịrẹyị ẹkẹhị ọnịrị ogu baaba ẹ maa nyị ana hụ wa. Osusu kẹnẹ ọsọnị vị nị.

Ahẹ Ụgama 138:6

Ịzẹyịza Ẹnẹyịmavara vị ana yà ẹbẹẹba, ama ọ yị kà ka ẹ yị nyị ịzị ịrẹyị onosiye gẹ ọnị. Aza ana aa mẹ eyii zi ẹ yị zụ kà ka wẹ yị yẹ ịsị ẹnị aa mẹ.

2 Ohinọyị 14:10

Amaziya, agụvị ka wâ nyị ẹbẹẹba Anedomi nịnị ụ kụkụ aà sị ẹngụụ tụ ẹba nị. Jẹẹ ịzị ụ ngụrẹyị ne tu aanị ọ̀ zee wu, dị ụ wa ya ịnị eehi awụ. Sị ẹ vẹ di u wee sì ịrẹyị ana vaa kụ́ ẹngụkataa tu ẹwụrị aza awụ?”

Ijemiisi 4:6

Ama ụkata oni Ohomorihi sị yị ọ banyị hu nị, agụvị ka Iwe Ohomorihi ọ́ kà a ka: Ohomorihi o yi sì aza anaā sịị ẹngụ ẹnịnịị̄ tụ́ ẹba ama ọọ̄ mẹ̀ ọyịzaa yị aza anaā kà ẹngụ ẹnịnịị chi.

1 Anịtẹsaronika 4:11

Re ka wáa nyị ebira hẹẹ nịnị, dị ọzọza ò sị eyi pe ụkọrọ anị. Ọzọza ọ̀ọ sị ụvọ anịị mẹ̀ ụkọrọ anka ị mẹ̀ vịdị kà a wụ nịnị.

Ihabaku 2:4

Ree, ọza ana aa sị ẹngụ tụ ẹba dị a mẹ̀ ebira odivi ọ yị vaa ha. Ama aza ana a sị ayị tụra Ohomorihi vaa ra agụvị ka ẹ yaa mẹ̀ ebira ọyịza.

Ijeremaya 51:39

Ẹnẹyịmavara kà, ịjị aa raa hị́ wa ịrẹkụ kẹnẹ, ọnị vaa mẹ ịsọyịrị yị wa, dị ọnị kà wa eche, di ẹyaa jẹ. Ẹnịnị vanaa sụ̀ dị ẹ yị ma vana ha.

Ijeremaya 50:29

Hị́ aza anaā sịị ọkịtaa kụ̀ ịrẹkụ ka ẹ̀ kwẹẹtẹ tu Anibabironi nịnị; Kàa ka ẹnịnị ẹ̀ ta kara wa, asị ẹ́ zẹẹ ka ọza ọnyọọnyị ò zwè. Sị wa ụta avaba ịsị ẹ vịdị mẹ. Mẹ wa anka ẹnị mẹ rẹ vịdị mẹ aza ana vọ, agụvị ka ẹnịnị ệ sị ẹngụ tụ ẹba, dị ẹ sị eyi wụ ọnị Ẹnẹyịmavara, Ohomorihi Anisirẹrị nịnị.

Ijeremaya 25:9

Ọnị vaa tụ́ụ hị́ avaba aza ene hi Ịbabịrọnị ọnịrị ozi ahụ anị, Inebukadineza, ohinọyị Ịbabịrọnị ka ẹ̀ kụ ịrẹkụ va ngụ Ijuda. E vee pè avaba aza ene hi Ijuda ọnịrị avaba ẹkụra ana kara waa kụ̀ ịrẹkụ. Ẹnẹyịmavara kà ọnị vee vu Ijuda ọnịrị aza ana kara wa ẹtẹ saka-saka ana ahịka aza èe ré e angwa vị ene vee hí wa pooro zịna-zịna.

Ụhịrẹyị 21:24

Ọza anaa sị ẹngụ tụ ẹba vene wu, dị aa mẹ̀ ọjịnọka.

Ayịsaya 5:14

Ikuta vị ana há irenu ee zi wâ yẹ ka ịnẹ ọ ma ha a. Aza ẹbanyị awụ nịnị ọnịrị onosiye awụ nịnị ene ee hú eche dị ẹ yaa mẹ chavaa vi ene vee sú ha.

Ayịsaya 14:6

Aza odivi ẹnẹẹ ẹ̀ẹ raà nyị ehuna ẹkụra, avọọ ẹ mẹ̀ vaa chamayịị yị wa pooro kẹnẹ nị.

Ihabaku 1:15

Agụvị avọọ, ọnịvị vaa sị arị ọnịrị ọhaa kụ́ wa hụụnị enyi. Ịjị ẹ raa kú wa gụ́, dị ayị ẹnịnị ee hine ka ẹnị ẹ raa nyị ẹkẹhị ọnị ẹnị vaa sị rị ịsa ene zẹ ẹnị eyi.

Ihabaku 1:17

Avọọ ẹnịnị wáá mẹ vaa ne ọha ẹnịnị dị ẹ sị ayị ọkatẹngụ wù aza va ha nị?