Ihabaku 2:19 - IWE ỌNỊNỊ

¹⁹ Ọza ana kàa yị ọchị a vị ịrẹta ka ọ̀ kwẹẹtẹ, ọ̀ nyarị iruwa. Áá nyị ịsị ẹẹmẹ ẹnẹẹ zụ sị zụ ọza? A zụ wụ́ igooru ọnịrị isiriva ku ọ, ama ori ọnọọ ẹ yị nyị ụhwẹ.

Ihabaku 2:19 Referans Kwoze

Ahẹ Ụgama 135:17

Avọọ ẹ mẹ̀ rẹ nyị ụtọ nị, ama ẹ yị zụ sị wụ́ ịrẹyị, ẹ yị hyakụ zụ tụ́ ụhwẹ hụụnị irenu ẹnị ẹ nyị.

Ijeremaya 10:4

Dị ẹẹ sị Igooru ọnịrị Isiriva (ọmọ) dị ẹẹ sị mẹ̀ ẹ ọvị. Dị ẹẹ kanyị ọ iso zẹtẹ agụvị asị ọ hụrẹ nyẹtẹ.

Ijeremaya 10:9

Ori ẹnịnị vị ana a sị isiriva ọnịrị igooru mẹ ẹtẹ Itasisi ọnịrị ẹtẹ Uhwaazị. Ụkọrọ ụvọ aza ẹ vị nị. Dị ee chire wa awuru akàaka ọnị aza ana yara mẹ̀ ụkọrọ ẹtẹẹtẹrẹ hi ịta anị.

Ẹtore 17:4

Dị ọnẹẹ ọnọọ hara ịta ovivi-ovivi hi ẹngụ, dị ọ hara igooru ọnịrị ọmọ beri uweyi hi ẹngụ nị. Ọ́ọ sị ako igooru ọnya rị ụvọ. Ako ọnọọ vị ohihi yị ebira odivi irenyi-renyi, ebira ịdọtị ọnịrị ịrẹkọyịsẹ.

Odeyi 17:29

Yàa vị ezi Ohomorihi, ẹ yị vọrọ ka ye ro o ka ya zụ sị ịsa anaa sị igooru ọnịrị ọmọ beri ịrẹta bẹ juwe anị. Ịsa ẹnẹẹ vị ụkọrọ ụvọ aza kẹnẹ; ariro aza ẹ jẹẹ yị nị.

Ịdanịyẹrị 5:23

Ọ kà ọ raà sị ẹngụ anị tụ ẹba huni Ananyị yị ana nyị ẹbẹẹba agụvị ka ộ kụ ako ọnịrị ẹnya ana a kụ hụụnị irehi Ohomorihi dị ọnịrị ọdọvịdị ẹkụra anị nịnị, ese anị beri onyeehi anị nịnị ee sii hú eche nị. Ako ọnịrị ẹnya ẹnẹnị ẹ yee sii hú eche dị ẹ yaa ka ẹngụrẹhaa ku ori ana a sị igooru ọnịrị isiriva beri enyusẹ ana vọ ọnịrị ọchị beri ịrẹta mẹ ẹngụ nị. Ori ene è yị re ẹtẹ, ẹ yị wụ́ ịrẹyị, di ẹ̀ yị hyakụ va yẹ ịsa ọnyọọnyị. Ama ẹ yị va sị ụbanyị yị Ohomorihi ana nyị ụhwẹ ana aza aa tụ́, dị ọ rẹ nyị ụkata avaba ịsa anaā mẹ.

Ịdanịyẹrị 3:29

Agụvị avọọ, dị ohinọyị mẹ ọda ka àa nyị ọza ọnyọọnyị ịrẹsụ ẹtẹ ana ka kẹnẹ-kẹnẹ hi Ohomorihi Isediraki, Imesaki ọnịrị Abedinego, vị a vaa wụ̀ ọ dị a jị irehi anị eburu nị. Ọ kà ẹ yị nyị ori ana maanị nyẹngụ dị ọza tụ.

Ịdanịyẹrị 3:18

Ama Ohomorihi ẹ yị daka dọ ẹnị ha, ohinọyị ọ̀ yẹ ka ẹnị ẹ yị vaa hẹkẹ ori anị, ẹnị ẹ yị rẹ vaa vàa ku ẹtẹ yị uyi ọnị ọ sị igooru mẹ jẹẹ aanị.

Ịdanịyẹrị 3:7

Ịzẹyịza, ịjị avaba aza ana wara gụ aanị wụ isohu ịrẹyị kẹnẹ, dị ẹ vaku ẹtẹ, dị ẹ hẹkẹ uyi ọnị Inebukadineza sị igooru mẹ jẹẹ aanị nị.

Ịdanịyẹrị 3:1

 nyị ụmẹ ọnya dị Inebukadineza ohinọyị sị igooru mẹ uyi ọbanyị ọnya aanị jẹẹ nị. Uyi ọnọọ ộ nẹba ẹhụ ahụ ẹnarẹẹwụ avọọ, dị ọ rẹ gana ẹhụ ahụ ịhịịna avọọ nị. Dị ọ ka a sị ọ jẹẹ ịzị aā hị́ Idura ịnị ẹtẹ Ịbabịrọnị nị.

Ijeremaya 51:47

Avọọ, ẹkụhị aa vẹ ọnị ọnị vaa sị ụyaa rị ori ene hi Ịbabịrọnị. Ọnị vaa mẹ̀ ụhị ẹkụra ọnọọ, dị a wụ̀ aza ene hi ịnị anị.

Ijeremaya 10:14

Ọsọnị aza ee si re, dị ẹ sị mẹẹ ọnụra ẹnẹ ẹ yị nyị ịrẹyọyẹ nị. Anịngẹrẹ enee tu ori vị ọnị ụhị aa nyị, agụvị ka ori ẹnẹ ẹ mẹ va hi ẹtẹ vị apẹ kẹnẹ; ẹnịnị ẹ yị nyị ụhwẹ.

Ayịsaya 46:6

Aza ệ ngwara achuchu ẹnịnị, dị ẹ và igooru hi ẹtẹ, dị e sị ịngọ ngọ̀ isiriva nị. Ệ na hị́ ọza anaa mẹ ụhị́ ka ọ sị mẹ ori yị ẹnị. Dị ẹnịnị kú ẹtẹ, dị ẹyaa hẹkẹ ẹ nị.

Ayịsaya 44:17

Dị ọ sị ọchị ọnọọ ana vọ, dị ọ sị bẹ ori jẹẹ: Òo ku ẹtẹ yọ, dị aa hẹkẹ ẹ. Òo ne tù ọ, dị aa mẹ̀ aduwaa yọ, dị ọ ka, “Dọ mị tụ, ka ẹwa vị Ohomorihi amị nị”.

Ayịsaya 40:19

Ẹ yị vene ori ọnị azaā bẹ, dị a wụ́ igooru ku, dị a sị ọ jẹẹ ịrẹsụ enyusẹ isiriva.

Ahẹ Ụgama 97:7

Avaba ọza ana aa hẹkẹ ori di e yee sii wo oto vị ọnị ụhị va nyị. Avaba ẹwụ nịnị ori òo kú ẹtẹẹ kụ́ Ẹnẹyịmavara.

Ijona 1:5

Ịjị aza anaā sịị ẹpa zị vavọọ re e, dị angwahi sị ngụ wa ẹngụ nị. Dị aza ene hi ịnị ẹpa ẹ yaa ta ori ẹnịnị ubo ka ẹ̀ va gụ ẹnị ụvọ nị. Dị anụkọrọ ẹpa ọnọọ kụ́ ẹnya ene hi ịnị ẹpa ne và hi enyi agụvị ẹpa ọ hẹ̀rẹ̀, dị asị o chi ngụ enyi nị. Ịnị ụmẹ ana aa kà aanị, ara ọ sị Ijona dọ tụ́ iruvo ẹpa ịzị ọ hụtẹtẹ tụ́.

Ahẹ Ụgama 135:15

Enyusẹ ọnịrị igooru anẹkụra nịnị sị mẹ ori ẹnịnị nị. Aza ẹ sị ụvọ ẹnịnị tụ́ ọ nị.

Ayịsaya 26:14

Ama booro aanị ẹnịnị ê wusu. Ẹẹnịnị ộ ta, ẹ mā vana kwẹẹtẹ. Wa raà sị ụya rị wa, dị ụ và wa nẹtẹ nị. Wa raà mẹ ka asị a kụkụ tamayị ẹnịnị

Ayịsaya 41:26

Àa nyị ori ana ka ịrẹyị ana sẹ? Àa nyị ori ana ka ịrẹyị ana gẹẹ? Ẹ yị nyị ọza awụ nịnị ana ka ịrẹyị ni ịnị anị, dị ẹ yị nyị ọza ana wụ́ ịsa ọnyọọnyị hụụnị ụvọ ori nị.

Ayịsaya 57:6

Wâ sị ịrẹta ana swa hụụ ịzọọ nịnị, dị ụ sị mẹ ori ọnị ụ waa hẹkẹ nịnị nị. Waa sị echee mẹ ịsọvọọ yị wa, dị ụ ka a hi ẹtẹ yị wa. Dị ụ rẹ sị akụ àa vị apaapa va mẹ̀ ịsọvọ yị wa nịnị. Ví u wéé ro ka ayị amị ô hine tụ ịnị avaba ẹsẹnị nị?

Ijeremaya 2:27

Ụhị ọ vaa nyị ẹwụ nịnị ana a kà ọchị ọ va ada awụ nịnị, dị ịrẹta vị ọnyị awụ nịnị nị. Ọ kà aanị ọ mẹ vaa yaa wụ nịnị nị, agụvị ka wa sị ịrẹma và ka ọnị nịnị, we yị và eyi ka ọnị nịnị. Ama ịjị ẹngụkata ọọ ka wụ nịnị vẹ dị ụ ka ọnị ọ̀ kwẹẹtẹ dị ọnị ọ̀ dọ wụ nịnị tụ.

Ijeremaya 2:28

Ama ịzị ori ọnị ụ mẹ yị ẹngụ awụ nịnị hi? Jẹẹ ẹ̀ kwẹẹtẹ kẹ, ẹnịnị ẹẹ zụ dọ wu nịnị tụ ịnị ụmẹ ẹngụkata awụ nịnị; ka ẹwụ nịnị Anijuda, ẹkụra awụ nịnị mẹ rụrụ, avọọ ori awụ nịnị mẹ rụrụ nị.

Ijeremaya 10:3

Ahẹkẹ ịyẹyẹ aza ẹnẹnị aa mẹ nị. Ẹẹ na dà ọchị hụụnị iruku, dị ẹẹ bẹ ẹ.

Ijeremaya 51:17

Ọsọnị aza eē re kẹnẹ, dị ẹ si vara ọnụra ẹnẹ ẹ̀ yị yẹ ịrẹyị vụrụ-vụrụ nị. Aza ana mẹ ori vị ẹnẹ ẹ̀ yị yẹ ịsị ẹyaa mẹ, agụvị ka ori ẹnẹ ẹ mẹ vị apẹ osusu; ẹnịnị ẹ́ yị nyị ụhwẹ.

Ịdanịyẹrị 5:4

Dị ẹ yàa ká ẹngụrẹhaa kú ori ẹnịnị ẹngụ e mee hú eche nị. Ori ẹnẹnị vị ana sị igooru, isiriva ọnịrị enyusẹ ana vọ beri ọchị ọnịrị ịrẹta mẹ.