Ihabaku 2:18 - IWE ỌNỊNỊ

¹⁸ Sị ọza aa sị ori mẹ? Ọza mẹ nyẹngụ sị ayị tụra ọnyọọnọkụmị ọnị ọ sị ụvọta anị mẹ̀. Evene kẹnẹ ọ vị nị. Ọ́ tịtẹ kẹnẹ nị, ẹ yị zụ ka ịrẹyị. Ẹnyị vị ọchị ana a bẹ, dị ẹnyị vị enyusẹ ene tu nị.

Ihabaku 2:18 Referans Kwoze

Ijeremaya 10:8

Avaba ẹnịnị vị ọnụra. Ịrẹyọyẹ ịsị ẹ zụ kọ hụụnị ụvọ ori ana a sị ọchị bẹ kẹ?

1 Anịkọrịntị 12:2

Wâ yẹ ka ịnị ụmẹ ọnị ụ vị anarịmadọwụ nịnị, â kụ́ wụ nịnị nyeeyi zị oze irenyi-irenyi na ngụ ịdị ori ẹnẹnị ẹnẹ ẹ̀ yị nyị ụhwẹ.

Ịzakaraya 10:2

Ori nịnị ẹ yị ka ịrẹyọyẹ, ọhẹva nịnị vị ene cheeche, aza ana ka ụra vị enee vene aza. Agụvị avọọ aza aa woowo zị anka atẹmẹ ene vu avọọ nị. Ẹnịnị ẹẹ nyị ẹngụkata agụvị ka ẹnịnị ẹ yị ọza ene sere wa.

Ayịsaya 42:17

Avaba aza ana sị ayị tụra ọnyọọnọkụmị nịnị, dị ẹ yaa hị́ wa ori ẹnịnị, vị ana a vaa mẹ̀ ụhị nyị, dị ụhị aa nyị wa.”

Ayịsaya 45:16

Avaba aza ana mẹ ori yị ẹngụ ẹnịnị vị ọnị ụhị vaa nyị. A vaa mẹ̀ ụhị nyị wa.

Ijona 2:8

Dị ọ ka aza ana aa hẹkẹ ịsa ọsa kẹnẹ-kẹnẹ ẹnẹ ẹ yi nyị ịsa ọ vị, ẹ raà va hụrẹ ịrẹma Ẹnẹyịmavara.

Ẹtore 19:20

Dị a za uye ịnị avị ọnọọ ọnịrị ọnịsẹ ireche anị ana vịdị aa mẹ̀ ụkọrọ ohyozirenu éyi anị nị. Ụkọrọ ohyozirenu ọnọọ ọ sị vene aza ana nyị apọtẹrẹwa uye ịnị avị ọnọọ, dị ẹ rẹ hẹkẹ ori anị nị. Dị a za uye ịnị avị ọnọọ ọnịrị ọnịsẹ ireche ọnọọ, dị a kụ́ wa va hi ịnị adagu ịra ana a sị ohuru tụ́ ịnị anị nị.

Aniroomi 6:21

Sị ẹ vị ọgụ ọnị ụ rị hụụnị ịsa ọnị ụ kụkụ vaa nyị ụhị anị nịnị booro aanị? Isu kẹnẹ ọ vị ọdịrẹma ịsa ẹnẹẹ nị.

Ijeremaya 50:2

Ọ kà, ọnị ọ̀ na ka enube ọnọnị yị ẹkụra-ẹkụra, ọnị ọ̀ nọ̀ọ enube ọnọnị o. Ọ kà ọnị ọ̀ sị asịyẹ jẹẹ dị ọnị ọ̀ nọ̀ọ enube ọnọnị. Asị ọnị sị tẹ̀ vụrụ-vụrụ. Ịbabịrọnị ọ sị sẹ ẹdụ ọ! Asị ori ẹnịnị ana aā hị́ Imaduki gara ha. Asị ụhị mẹ nyị ori Anibabironi nịnị. Asị ịsị ẹnẹ ẹ́ bẹ vene ịsị irenyi-irenyi hi ẹtẹ chaka va ha.

Ayịsaya 45:20

Ẹnẹyịmavara kà avaba anẹkụra nịnị ana ha hụụnị ịrẹkụ ẹ kụ ẹngụ gu, dị ẹ ka ọnị vẹ. Ẹ yị nyị ịrẹyọyẹ ịnị ori ẹnẹ sị ọchị bẹ, ọnị e yee chema zịịzị avọọ. Ẹnịnị vị ana mẹ̀ aduwa yị ori ẹnẹ ẹ yị nyị ụkata gụ wa ụvọ.

Ayịsaya 37:38

Ẹkụhị ọnya, ộ yà ini irehi ori anị ana aā hị́ Inisirochi aa mẹ ahẹkẹ. Â nyị ẹẹva ini ezi anị ana aā hị́ Adiramẹrẹkị, ọnịrị Ịsarẹzẹrị. Ẹnịnị ệ tụ̀ ụhwọ, dị ẹ wụ̀ ọ nị. Ẹ sị ọ wụ, di e zwe ne hi ẹtẹ Ararati nị. Dị ozi anị ọsa ana aā hị́ Esahadoni rị ohinọyị dọ ọ ịrẹsụ nị.

Ayịsaya 1:31

Aza awụ nịnị ana nyị ụkata vị ana vaa sị mẹẹ anka avị ana sị wụ avọọ. Ogu ọnị ọ kụ́ gụ vị ana vaa sị mẹẹ anka ịra avọọ. Dị ẹnị ẹyịva rị ịra va ha, dị ẹ yị nyị ọza ene zụ mi ọ.

1 Ịsamụwẹrị 12:21

Asị ẹ rẹ kụkụ dụ ori kẹnẹ-kẹnẹ ẹnẹ ẹ yị zụ gụ wa ụvọ dị ọ vaa zụ dọ wa ha. Ẹ yị nyị ịsị ori nịnị vị.

Ahẹ Ụgama 97:7

Avaba ọza ana aa hẹkẹ ori di e yee sii wo oto vị ọnị ụhị va nyị. Avaba ẹwụ nịnị ori òo kú ẹtẹẹ kụ́ Ẹnẹyịmavara.

Ayịsaya 40:19

Ẹ yị vene ori ọnị azaā bẹ, dị a wụ́ igooru ku, dị a sị ọ jẹẹ ịrẹsụ enyusẹ isiriva.

Ayịsaya 41:26

Àa nyị ori ana ka ịrẹyị ana sẹ? Àa nyị ori ana ka ịrẹyị ana gẹẹ? Ẹ yị nyị ọza awụ nịnị ana ka ịrẹyị ni ịnị anị, dị ẹ yị nyị ọza ana wụ́ ịsa ọnyọọnyị hụụnị ụvọ ori nị.

Ayịsaya 44:12

Anịngẹrẹ ẹ̀ẹ sị enyusẹ tụ ịnị ịra, dị ẹ sị ihama tụ́ enyusẹ ọnọọ, dị ẹ mẹ̀ ẹ e mè sì. Ọ́ maa mẹ̀ ụkọrọ ọnọọ, ụngwẹ ọnịrị onyi aa kụ̀ ọ, dị ọ sị ngụ ọ ẹngụ.

Ijeremaya 2:8

Ẹnị ohirẹsụ irehi Ohomorihi ẹ yị kụkụ họ̀ use ka Ẹnẹyịmavara mẹ kà kẹ. Ẹnẹyịmavara kà ẹnị ohirẹsụ irehi anị ẹ yị kụkụ yẹ ọnị, Ẹnị ohinọyị ẹnịnị ệ kụ hịrẹ ọnị; ọnịsẹ nịnị kụkụ â sị ịrẹha ori anaā hị́ Ịbaarị kà ịrẹyị, dị ẹyaa hẹkẹ ori ịyẹyẹ-ịyẹyẹ nị.

Ijeremaya 16:19

Ijeremaya kà, Ẹnẹyịmavara, ẹwụ ee sere mi dị waa sị ụkata yị mị nị ọ; ẹwaā gụ mị ụvọ ịnị ụmẹ ẹngụkata nị. Anẹkụra nịnị vaa hụrị ịzị ẹhẹ na ta ịrẹsụ tụ vee tù wụ dị ẹ ka: Ẹ́ yị nyị ịsị ohiku ayị nịnị nyị para ori ana ahịka ireche kẹnẹ e vị nị hu, ori ẹnẹẹ yị nyị ịsị ẹ́ wụra mẹ aanị kẹnẹ ẹ nyị nị ọ.

Ijeremaya 51:17

Ọsọnị aza eē re kẹnẹ, dị ẹ si vara ọnụra ẹnẹ ẹ̀ yị yẹ ịrẹyị vụrụ-vụrụ nị. Aza ana mẹ ori vị ẹnẹ ẹ̀ yị yẹ ịsị ẹyaa mẹ, agụvị ka ori ẹnẹ ẹ mẹ vị apẹ osusu; ẹnịnị ẹ́ yị nyị ụhwẹ.

Ịdanịyẹrị 5:23

Ọ kà ọ raà sị ẹngụ anị tụ ẹba huni Ananyị yị ana nyị ẹbẹẹba agụvị ka ộ kụ ako ọnịrị ẹnya ana a kụ hụụnị irehi Ohomorihi dị ọnịrị ọdọvịdị ẹkụra anị nịnị, ese anị beri onyeehi anị nịnị ee sii hú eche nị. Ako ọnịrị ẹnya ẹnẹnị ẹ yee sii hú eche dị ẹ yaa ka ẹngụrẹhaa ku ori ana a sị igooru ọnịrị isiriva beri enyusẹ ana vọ ọnịrị ọchị beri ịrẹta mẹ ẹngụ nị. Ori ene è yị re ẹtẹ, ẹ yị wụ́ ịrẹyị, di ẹ̀ yị hyakụ va yẹ ịsa ọnyọọnyị. Ama ẹ yị va sị ụbanyị yị Ohomorihi ana nyị ụhwẹ ana aza aa tụ́, dị ọ rẹ nyị ụkata avaba ịsa anaā mẹ.

Emọsị 2:4

Ẹnẹyịmavara kà ọnị aa pịva yị Anịjuda agụvị ebira odivi ẹnẹ ẹ mẹ̀. Ẹnịnị ẹ yị dọ ịrẹyị Ẹnẹyịmavara tụ́ ịzọọ, dị ẹ yaa mẹ akamawụụ hi ọ nị. Ẹnịnị ệ saasa ohiku ẹnịnị nyeeyi agụvị ka ệ dọ ịrẹyị ireche ọnị ori ẹnịnị ka yị wa wụ.

Ọdọvịdị 17:4

Ịjị ọ raa sị ẹkẹhị ọnọọ yị ọnyị anị dị ọnyị anị sị achuchu ọnya dị ọ sị yị anịngẹrẹ ka osi tu ọnyanọkụmị nị. Ịjị a sị ori ọnọọ tu, dị ẹ sị ọ tụ ịnị irehi Imika nị.