Ihabaku 2:17 - IWE ỌNỊNỊ

¹⁷ Avaba ẹngụkata ọnị ọ kụ́ tu aza vee tu ọ. Ọnị ọ sẹ́ iruku Ịrẹbanọnị va ha nị, dị ọ wụ́ uye ịnị iruku ẹnẹẹ va ha. Uye vee chire e angwa. Ẹnịnị ẹ̀ yị vaa nyị ẹngwọọrọ agụvị ẹngụkata oni e ku tu aza, dị ẹ wụ́ aza va ha, dị ẹ rẹ dụ ẹkụra ha.

Ihabaku 2:17 Referans Kwoze

Ihabaku 2:8

Ẹnịnị vị anaā vịdị aa sị àko dọ aza ọnịrị anẹkụra ẹnya para hu, dị ẹ yaa wụ́ aza ha. Booro aanị aza ana ha hụụnị ụvọ ẹnịnị vaa vara eyii sị ụya rị wa agụvị aza ẹnẹ wụ̀ ọnịrị ezigi ẹnẹ ẹ kụ́ hi ẹtẹ.

Ịzakaraya 11:1

Na oze awụ nịnị, Ịrẹbanọnị agụvị ịra ọ rị ọchị Isida awụ nịnị.

Ahẹ Ụgama 55:23

Ohomorihi, aza edivi vị ọnị ụ vaa gụụ hyẹdụ Ọwọza ọnịrị onireche e yi yèe tù achẹva ẹhẹ ẹnịnị di è sú Ama ẹmị vị ana vaa sị ayịị tụra wụ.

Ijeremaya 51:24

Ẹnẹyịmavara kà, ọnị vee sí Ịbabịrọnị ọnịrị aza ene hi ịzọọ atọ avaba ịsị odivi ẹnẹ ẹ́ mẹ hi Anijerusarẹmị nịnị, dị u re e.

Ijeremaya 50:28

Ijeremaya ka, wụ́ nịnị, aza ene zwè hụrị Ịbabịrọnị va tẹ, maa kà a, Ananyị yị Ohomorihi ayị mẹmẹ aa họ̀ oponu ịsị Anibabironi nịnị vịdị va mẹ ịnị Irehi anị.

Ụhịrẹyị 28:17

Ayị ọza ana wụ̀ ọza ọ yị vaa nẹtẹ, ọ vaa doodo zị pooro dị o su nị. Asị a nyị ọza ana gụ ọ ụvọ.

Ahẹ Ụgama 137:8

Ẹwụ Ịbabịrọnị, vị a maanị vee du wu ha saka-saka nị. Ọza ene èe zụ si wu atọ ebira ọnị ụ mẹ yị aanị vị oni o vee zee yị.

Ijeremaya 50:14

Ọ kà, ẹwụ nịnị ana kụ́ ọkịta ọ tenyi ẹngụ ịrẹkụ, di wa tara kara Ịbabịrọnị nịnị. We ne avaba ọpa awụ nịnịị hi Ịbabịrọnị nịnị, agụvị ka ẹnịnị ẹ sị ebira odivi mẹ hi ọnị Ẹnẹyịmavara.

Ezikẹẹrị 28:16

Ohu vị ọnị waa sẹ pooro kẹnẹ. Ọnị ọ mẹ wụ naa sị ụkata mẹ ịrẹyị, dị waa mẹ̀ ebira odivi nị. Ẹnẹyịmavara kà agụvị avọọ ọnị dụ wụ hụụnị ataba ọnịnị anị, dị anggẹẹrị ene vịdị ê sere wu kụkụ dụ wụ hụụnị akakana ịrẹta anaa jị ịra aanị nị.

Ezikẹẹrị 31:16

Ịjị ọnị ộ raa tụ ọ na ngụ iro, dị ọ sẹ ẹdụ nya ẹtẹ nị, avaba anẹkụra nịnị vaa wụ̀ ọ ịrẹyị, dị ọ za wa zizi. Avaba ọchị ene hi Edẹnị ọnịrị ọchị ọyịza-ọyịza ene hi Ịrẹbanọnị di e hú enyi ẹtẹẹtẹrẹ, ama dị ẹ vịdị sị sẹ ẹdụ, e vee re ọchị ọnọnị mẹ sẹ ẹdụ, dị ayị ẹnịnị ee hine.

Ijowẹrị 3:19

Ẹkụra Ijipiti ọnịrị Edomi vaa tụ́ osusu, dị ẹ jị eburu agụvị ka ẹnịnị ệ kụ ịrẹkụ tu Anijuda, dị ẹ wụ̀ aza va ha kẹnẹ-kẹnẹ nị.

Ihabaku 1:17

Avọọ ẹnịnị wáá mẹ vaa ne ọha ẹnịnị dị ẹ sị ayị ọkatẹngụ wù aza va ha nị?