Ihabaku 2:15 - IWE ỌNỊNỊ

¹⁵ Ọ yị vee zee yị ọza ana ka ọnọhụva anị eche agụvị ọnị o re ahwaahụ anị, dị ụhị ọọ nyị ọ.

Ihabaku 2:15 Referans Kwoze

Ijeremaya 51:7

Ẹnẹyịmavara kà, Anibabironi nịnị vị ana sị mẹẹ anka ako ana a sị igooru mẹ̀ ọnị ọnị sị rị ụvọ, dị ẹnịnị kà avaba anẹhẹ eche nị. Ẹkụra-ẹkụra ê hú eche anị, ẹnịnị ẹ̀ yị kụkụ yẹ ịsị ẹyaa mẹ.

Oyinyima 9:22

Ịjị Ihami ana vị ada Ikanaani ọnị maanị re ahwaahụ ada anị, dị ọ na kà a yị ẹnẹbẹnị anị ẹẹva ene hi ẹhẹ nị.

Ẹtore 18:3

Ọ raà mẹ ka avaba anẹkụra ẹ dọ ọda ebira ịdọtị ọnị ọọ̄ mẹ̀. Ohinọyị anẹhẹ nịnị e reè pe e sẹ̀ ịrẹka. Agụvị ka ụbanyị anị ẹ mā hụ ọọ, ọ raà mẹ ka osohu anẹhẹ nịnị ẹ̀ vara ọnyẹkẹhị.

Ẹtore 17:6

Dị mi re ka, ọnẹẹ ọnọọ mè hú anya aza Ohomorihi ọnịrị anya aza anaa wụ agụvị ka ẹ́ẹ nyị ịzẹyịza hi Ijeesu, dị ọ kụkụ aa mẹrị ọọ nị. M mè ree, óo hí mi irenu ẹtẹẹtẹrẹ.

Ẹtore 17:2

Ohinọyị anẹhẹ nịnị e reè pee sẹ̀ ịrẹka; ọ raà mẹ ka anẹhẹ è hú enyi ịrẹkọyịsẹ anị, dị ọ̀ọ mẹrị wa anka eche avọọ.”

Ihoseya 7:5

Ịnị ụmẹ ana aa nyị ohinọyị, ọdọvịdị nịnị vị eneē hu eche dị aa mẹrị wa, dị ohinọyị saasa aza ana sị ọ mẹ̀ enyinyii hu eche.

Ijeremaya 25:15

Ẹnẹyịmavara, Ohomorihi Anisirẹrị ộ kà a yị Ijeremaya ka, ọ̀ dọ ịpa eche ọnị ọnị và ọyịkụ anị hi aanị hụrẹ ọnị ụvọ. Ọ kà Ijeremaya ọ̀ sị ọ ne tu avaba anẹkụra ọnị ọnị ọọ tụ ọ hi, dị ọ̀ mẹ ka ẹnịnị è hú ọ.

2 Ịsamụwẹrị 11:13

Di Idevidi hị́ ọ dị ọnịrị ọ rị ịsa, di e hí eche nị. Idevidi ộ mẹ̀ ka Uriya ò hú eche dị ọ̀ọ mẹrị ọ. Oruva di Uriya rẹ na sụ́ ịnị ụvẹnẹ anị beri ezi ahụ ohinọyị nị. Ọ yị nọ ini eehi anị na sụ.

Ọyịkụra 32:25

Imosiisi o si re ka ụvọ ọza ọ yị kụkụ kara aza ẹnẹẹ. Eerọnị ọ raà mẹ wa ka asị ẹ kụkụ wụ́ ịrẹyị ọza. Hu avọọ ẹ sị ẹngụ ẹnịnị vara ọnịyẹyẹ eyi ọnịvị ẹnịnị,

Ayịsaya 5:22

Wa sị dà nịnị, ẹwụ ene hú eche pooro dị ụ sị jị ọga tụ́ ọ nịnị. Wâ yẹ ịsa a vọrọ ka wa sị và hura eche nịnị.

Ayịsaya 28:7

Ọnịsẹ nịnị ọnịrị ohirẹsụ irehi Ohomorihi ẹnị vi ene re hú eche dị aa mẹrị wa ẹtẹẹtẹrẹ. Eche ộ mẹrị wa pooro ẹ yị kụkụ yẹ ịsị ẹ yaa mẹ, dị ahịka vị ẹ kụkụ aa và angga kẹnẹ nị. Eche ộ mẹrị ọnịsẹ nịnị pooro ne tu ka Ohomorihi ọ̀ọ kụkụ sị ịrẹyị zụ̀ wa e yi re e. Eche ọnị ọ yị rẹ zẹẹ ka ohirẹsụ irehi Ohomorihi nịnị ẹ̀ kụkụ yẹ a mẹ̀ vọrọ ka ẹ̀ẹ mẹ̀ ọkarẹyị.

Ihabaku 2:14

Aza ana yẹ Ẹnẹyịmavara dị ẹ sị ụbanyị yọ vaa rụrụ chi ẹhẹ ẹngụ anka enyi meē hi oku avọọ.

Ihabaku 2:16

Booro aanị, Ẹnẹyịmavara vaa mẹ̀ ụhị nyị ọ, dị ọ rẹ rị ụya ọnị ọ sị̀ yị aza rị. Dị aza ẹnị ree re ahwaahụ anị, dị ụhị nyị ọ eyi ẹnịnị.

Ayịsaya 28:8

Avaba ịzị ẹ yaayịtẹ tụ́ vị ẹnị ẹ hẹrẹ hi, ẹ yị hyakụ maanị dà aha tịtẹ vụrụ-vụrụ.