Ihabaku 2:1 - IWE ỌNỊNỊ

¹ Ihabaku ka ọnị ee nee kú, dị ọnị o zi ịsị ọnị Ẹnẹyịmavara vaa ka yị ọnị, Ịjọnọọ ọnị vaa yẹ a mẹ vọrọ ka ọnị o tu o ohi.

Ihabaku 2:1 Referans Kwoze

Ayịsaya 21:8

Di oserẹtẹ ọnọọ ka ooho nị. Dị ọ ka avọọ ọnị mèe sere ẹtẹ pooro nị.

Ayịsaya 62:6

Anijerusarẹmị, Ẹnẹyịmavara ọ raà nyị oserẹtẹ ene vee sere ọvọ awụ nịnị. Ẹnịnị e yi vee si irenu kwoku ọọdụ ọnịrị ịrahụ. Ẹ vaa tamayị Ẹnẹyịmavara ayị avaba ọnị o wo oto anị wụ nịnị. Ẹnịnị ẹ yị vaa zẹ ka ayị o hi ọ.

2 Ịsamụwẹrị 18:24

Idevidi ọnị vị ana yaayịtẹ ịnị akakana oze ẹẹva ene e si gù oze ana ngụ ịnị ẹkụra. Di oserẹtẹ ọnị zi oze ịnị ọvọ dị ọ hịrẹ nọ ịrẹsụ irehi nị. Oserẹtẹ mẹ̀ kana eyi, di o re ka ọza ịnya ee zwee vẹ nị.

Ahẹ Ụgama 85:8

Maa jẹẹ dị ma wụ́ ịsị Ẹnẹyịmavara vị Ohomorihi vaa kà. Ọ raà kà a ka ọnị vaa sị ẹngwọọrọ yị aza anị ana aa hẹkẹ ọnị. Ama asị aza anị ẹnẹẹ kụkụ na mẹ ụra.

Ahẹ Ụgama 5:3

Ẹnẹnẹ, Ẹnẹyịmavara, ẹwụ ẹmị vaa hị́ nị. Ẹwụ mị vaa kụ́ ịrẹyị ịnị ẹngụ amị ve tù nị. Màa vavọọ vẹ, dị mị jẹẹ, di mee zi wu eyi.

2 Anịkọrịntị 13:3

Avaba ịsị u wee sì ka we re nịnị dị ụ wa yẹ ka Ikirisiti aa sị mị ị kà ịrẹyị nị, u vee re e nịnị. Ịhị Ikirisiti èee pe wu nịnịị mẹ, ọ yị vaa vị ọkụmị, ama ọ vaa sị ụkata anịị zụ̀ ịnị akakana awụ nịnị.

Ijeremaya 12:1

Ijeremaya ka, Ẹnẹyịmavara, ọnị ọ̀ọ ka ọnị ee pe ewu nyị ahankata ịrẹyị anị, awụ ọ raa yịị gẹ nị. Ama ọnị aa yịị họ̀ ụ use ịrẹyị ịnị ịpa ịzẹyịza awụ. Sị ẹ vẹ dị ẹhẹ aza edivi zee yị wa? Sị ẹ vẹ dị oō zee yị aza ẹnẹ ẹ yị ma mẹ ịzẹyịza?

Ijoovu 31:37

Mị yaanị ka yị Ohomorihi avaba ịsị mị mẹ̀. Mị yaanị ee hu ahụ kaada-kaada anka ozi ohinọyị avọọ ọvịdị anị nị.

2 Ohinọyị 9:17

 nyị oserẹtẹ ana yà ịrẹsụ irehi ọgọdọ Ijezirẹẹrị. Ô re Ijehu ọnịrị aza ana saasa a aa vẹ, dị ọ ka: Ọnị ee re ka aza ệ wara aa vẹ. Di Ijorami ka ọ̀ kà a ka ọza ịnya ọ̀ sị umaata dị ọ̀ na gẹrị wa. Ọ̀ọ na gẹrị wa, ọ̀ họ̀ wa ka: ẹngwọọrọ ẹ̀ẹ sị aa vẹ nị?

Anigaratiya 1:16

dị ọ sị Ozi anị zụ̀ mị ka ma nyẹngụ kà enube ọyịza anị yị anarịmadọwụ nịnị nị. Ụmẹ ọnọọ ẹ yị nyị ọza ọnyọọnyị oni mi sị pe gẹ eyi.

Ayịsaya 21:5

Ịnị ẹtẹ ọnị mị vavọọ re, mê re ka a kụ́ ịsọyịrị tenyi hi ẹtẹ. A rẹ kụ́ aha ana aza vaa yàa tenyi hi ẹtẹ. Dị aza nyima dị ẹ yaa rị di e re yèe hú nị. Dị mị vana wụ́ ka ê nowu ka, “Ẹwụ nịnị isoja, tenyi ogonto awụ nịnị!”

Ijoovu 31:35

Ho! mẹ yị nyị ọza ana vọrọ ka ọ wụ́ ịrẹyị ọnị maa kà aanị? Mâ hị́ eku ka avaba ịrẹyị ọnị mị kà vị ịzẹyịza, agụvị avọọ, Ohomorihi Ochẹtẹẹngụ ọ̀ navọ o tu mi ohi. Àa yẹ a chẹrẹ ịsa ọnị ọnịvị amị nịnị ka mâ mẹ tịtẹ, dị me re e.

2 Ohinọyị 17:9

Anisirẹrị nịnị ệ mẹ̀ ịsa ọnị Ẹnẹyịmavara Ohomorihi ẹnịnị ẹ yị dọ vụrụ-vụrụ. Ẹnịnị ệ dà aha ịzị aza anaā hẹkẹ ori nịnị yaā mẹ orii hi avaba ẹkụra ẹnịnị hụrẹ ẹkụra oweyi ẹnịnị na ngụ ẹkụra ana banyị hu.

Ijeremaya 6:17

Ẹnẹyịmavara ọ va nyị aza ka ò sị eyi pe wa, dị ọ ka, ẹnịnị ẹ̀ sị ụtọ pe e ịjị oo hú ịkakanchị ọ yị ka wa ọnọ nị. Ama ẹnịnị ka ẹnị ẹ yị vaa wụ́.

Ezikẹẹrị 3:17

Ọnị ozi-ọza, ọnị Ẹnẹyịmavara ộ nyị ọnị ka ọnị ò sị eyi pe Anisirẹrị nịnị. Ịjị ọnị ọọ káa yị ọnị Ezikẹẹrị ka ọnị ọ̀ na kà wa ọnọ o.

Imika 7:7

Emi ee zi Ẹnẹyịmavara, mâ yẹ ka ẹ vaa mẹ ọgụvọ Mị ka maa jẹẹ zị ọnị ọnị ana vị ọdọzaha amị. Ọnị ọ vị Ohomorihi amị nị, mâ yẹ ka ẹ vaa wụ́ aamị.

Ahẹ Ụgama 85:9

Mâ yẹ kaakara ka Ohomorihi vaa dọ aza ene hí angwa anịị tụ́, dị ẹ̀ yẹ ịnị ẹtẹ ayị ka Ohomorihi yà pè ẹnị.

Ayịsaya 21:6

Dị Ananyị yị hị́ mị dị ọ ka ma na kà a yị oserẹtẹ ka ọ na jẹẹ ịzị a yàa sere ẹtẹ. Ọ kà ma kà a yọ ka ịsị òo re ọ̀ va kà a.

Ezikẹẹrị 33:7

Ezikẹẹrị ka, Ẹnẹyịmavara ộ kà a yị ọnị ka, ozi-ọza, ọnị Ẹnẹyịmavara ọ sị ọnị nyị oserẹtẹ yị ẹkụra Isirẹrị. Ọnị ọọ kà wa ọnọọ yị ọnị Ẹnẹyịmavara anka ọnị ọ̀ọ mẹ tụ́ ọnị.