Ihabaku 1:9 - IWE ỌNỊNỊ

⁹ Ịrẹkụ kẹnẹ ọ jị wa aréyí nị. Aza ẹnị ẹ za ọrịhị ẹ rụrụ anka aarẹ.

Ihabaku 1:9 Referans Kwoze

Aniroomi 9:27

Ayịsaya o re vịdị nowu kà ịrẹyị ini oze Anisirẹrị ka, “Anisirẹrị ẹ̀ẹ daka rụrụ pooro anka ààrẹ ụtọ ókụ̄, chee ịnị ẹnịnị kẹnẹ Óhomorihi vaa dọ ọ há nị.

Ihabaku 1:6

Ẹnẹyịmavara kà ọnị vaa kụ́ Anibabironi nịnị kwẹẹtẹ ka ẹ dọ̀ avaba ẹkụra ene hi ẹtẹ ọnọọ, dị ẹẹ mẹ ịjọva tụra wa ịrẹsụ. Anibabironi ẹnẹẹ ẹ divi. Ẹ yị nyị aza ene hi wa ụhwẹ.

Ihoseya 13:15

Anehwireemi ẹ̀ẹ daka nyị ịsa hu ezi ẹyịnyara ada ẹnịnị, Ẹnẹyịmavara kà ọnị vaa tụ́ ahị ịrịra hụrị ịnị ụnọmị eyi ịzị ọyị zị hụrẹ vẹ ka ọ va wụ enyi ini oswe ọnịrị ịkangga ene hi ịzọọ. Avaba ogu ọnị ẹ nyị vị ana va kụ́ hụrẹ wa ẹngụ.

Ihoseya 1:10

Anisirẹrị nịnị vaa rụrụ anka àarẹ ịnị òkū ọnị ọza ẹ yị yẹ ịrịka anị. Ịzị a ya kà a ka ẹnịnị ẹ yị va aza anị, a rẹ vaa hị́ wa ezi Ohomorihi ana yara nị.

Ezikẹẹrị 19:12

Ama aza anaa kụ ayịị hi ọ, ê hu ọnịrị ẹpa, dị é ne e nyẹtẹ nị. Ahị anaaa tụ́ hụrị eyi ọnị ọyị zịị vẹ, ộ mẹ̀ ka ẹtụtụ anị ẹ̀ wụ. Â na avọ anị haa, dị ẹ wụ nị. Ịjị ẹ sị wụ, dị á rị wa ịra nị.

Ezikẹẹrị 17:10

Re, ịzẹyịza, â dàa hị́ de, ama, ọ́ọ́ vaa hụ́? Aanịka, ahị ọ̀ọ tụ hụrẹ eyi ọnị ọyị zịị vẹ ve ku ọ, ẹ́ yị vaa wọ̀rọ̀ ọ vàa ha ịzị e chire e tụ?

Ijeremaya 34:22

Ẹnẹyịmavara kà ọnị vaa mẹ ọda, dị ọnị kụ wa vavẹ Ijerusarẹmị. Ẹnịnị vee pee kụ ịrẹkụ, dị ẹkụra ene hi Ijuda ẹtẹ, dị ẹ́ yị ma vana nyị ọza ana ra ịzọọ.

Ijeremaya 25:9

Ọnị vaa tụ́ụ hị́ avaba aza ene hi Ịbabịrọnị ọnịrị ozi ahụ anị, Inebukadineza, ohinọyị Ịbabịrọnị ka ẹ̀ kụ ịrẹkụ va ngụ Ijuda. E vee pè avaba aza ene hi Ijuda ọnịrị avaba ẹkụra ana kara waa kụ̀ ịrẹkụ. Ẹnẹyịmavara kà ọnị vee vu Ijuda ọnịrị aza ana kara wa ẹtẹ saka-saka ana ahịka aza èe ré e angwa vị ene vee hí wa pooro zịna-zịna.

Ijeremaya 15:8

Osoku awụ nịnị vana gụ duu kẹnẹ. Ọnị ộ wụ ezwọọmụha awụ nịnị ha, dị ọnị mẹ ka ọnyị ẹnịnị ẹẹ rị ụya nị. Ụyọrị ọnịrị ayịhụrịnẹ ọnị sị wụ̀ wa ịnị ụmẹ ọnị ẹnịnị ẹ̀ yị tụra eyi nị.

Ijeremaya 4:11

Ụmẹ aa vẹ ana a vaa kà a yị Anijerusarẹmị ka aa nyị ahị ịrịịra ana tụ́ hụụnị ụnọmị aa ka wáa vẹ. Ẹ yị vị ahị ana vaa kụ ẹchịchị kwooze kẹnẹ ọ́ vaa vị.

Ijeremaya 4:7

Ịsị ee du ẹkụra ha ọ sị jịnẹ tụ ẹhẹ aa vẹ, anka idu ana jịnẹ hụrị aha ọyị tẹ anị avọọ. Ee vee du Ijudaa ha. Avaba ẹkụra ene hi Ijuda vị ọnị vee vú ẹtẹ dị ẹ yi nyị ọza ana kụkụ ra ịnị anị.

Ayịsaya 27:8

Ẹnẹyịmavara ộ mẹ̀ ka ịrẹkụ ọ̀ va kụ́ aza anị. Anka opomi ọbanyị mẹ̀ẹ tụ́ hụrẹ oze ọnị ọyịị̄ zị̄ị vẹ avọọ, avọọ Ẹnẹyịmavara mẹ̀ jị ayị dụ aza anị jịnẹ nị.

Ahẹ Ụgama 139:18

Màa ka maa za wa ịrịka, ệ rụrụ huna ààrẹ. Ịjị màa ha, ịda awụ mị yị yà nị.

Ijoovu 29:18

Ọnị o ro ka ọnị vaa ra ẹhẹ anị gọdọ, dị o su ini eehi awụ nị.

Ọdọvịdị 7:12

Isoja Animidiya ọnịrị Anamarẹkị ne beri anẹkụra nịnị ana hụrị akẹnẹ enyi vị ana gụ pọmị inozi anka akụvarịva avọọ. Ịnyaakụmị ẹnịnị ẹ rụrụ anka ààrẹ ụtọ ókụ̄.

Oyinyima 41:49

Ijosẹẹhụ vị ana nyayịnẹ hara ihwiti tẹ; wèe re e vị ọ sị mẹẹ ààrẹ ụtọ ókụ̄ avọọ nị. Ô tù ụpẹ ọnya ọ yị kụkụ za a ịrịka agụvị ka ọza ọ yị kụkụ zụ za a.

2 Ohinọyị 12:17

Ụmẹ avọọ gẹdẹ-gẹdẹ, Ihazayẹrị, ohinọyị Isiriya ộ kụ́ ịrẹkụ ne tu ẹkụra ana aā hị́ Igati, dị ọ nyị ẹbẹẹba ẹnịnị nị. Ama ịjị ọ rẹ ka ọnị aa kụ́ ịrẹkụụ nọ Ijerusarẹmị,

Ịdanịyẹrị 11:17

Ohinọyị Isiriya vee si ka ọnịrị avaba isoja anị ẹ và nọ Ijipiti. Dị ọ dà ọnịvị anị ọbọ ka ẹnị ẹ dọ yị ẹngụ. Ọ vaa sị ozi anị gàa ụvị dị ọnị o re oze vu ọnịrị avaba ẹtẹ anị ẹtẹ. Ama eto anị ẹ yị vaa gẹ.

Ihabaku 1:17

Avọọ ẹnịnị wáá mẹ vaa ne ọha ẹnịnị dị ẹ sị ayị ọkatẹngụ wù aza va ha nị?