Ihabaku 1:8 - IWE ỌNỊNỊ

⁸ Umaata ịrẹkụ ẹnịnị ẹ rẹ hụụnị ẹzụ, dị ọkụrẹkụ ana tụra wa nyẹngụrẹyị hụụnị ẹzụ ene zi ube ịrahụ. Ẹnịnị vị anaa hụrẹ aha ẹnẹẹnẹ vee pe ọnịvị ẹnịnị kụ́ ịrẹkụ. Ẹ rẹ anka ọkasịmẹ ọnị ụngwẹ aa kụ̀ ana vẹ ẹtẹ vee che ịsa avọọ nị.

Ihabaku 1:8 Referans Kwoze

Ijeremaya 4:13

Ijeremaya ka, ré, ọnịvị awụ nịnị aa vẹ anka eguhi avọọ. Ụkẹkẹ ịrẹkụ anị vị ana sị mẹẹ anka okoruwa avọọ, umaata anị ẹẹ rẹ́ huni ukokoro. Ọ kà, ọ mẹ ya! Ẹnị e sị vu o! Ẹnịnị ọọ ta.

Ịzẹhwanaya 3:3

Ọdọvịdị ẹnịnị vị ana sị mẹẹ anka idu ene ee si ọza ana a sị mẹ ụngwẹ avọọ. Ọhọ̀ha ẹ yị zẹẹ ka à nyị ịsị ẹ vọ tịtẹ vụrụ-vụrụ. Ọmọkarẹyị ẹnịnị vị ana yà anka akatapooro ọnị ụngwẹ aa kụ avọọ.

Ihoseya 8:1

Ẹnẹyịmavara kà Anisirẹrị nịnị e hu ịkakanchị ịrẹkụ ka aza ọnọ, ka ẹnịnị ệ mẹ̀ akamawụ hi ọda anị, dị ẹ sị ahụ jịnẹ oto ọnị ọnịrị wa mẹ̀ tịtẹ, ọnịvị ẹnịnị vee chi hi wa ịrẹsụ anka ọkasịmẹ avọọ.

Ezikẹẹrị 17:3

dị ẹnịnị ẹ̀ yẹ ịsị ọnị Ẹnẹyịmavara Ananyị ụkata hu aa kà a yị ẹnị: Ọ kà ọnị ọ̀ kà a ka, â nyị inomi ọdẹngụ ọnya, ana aā hị́ ọkasịmẹ. Asịsẹ anị ô zoza ẹtẹẹtẹrẹ, Avaka anị ộ banyị ẹtẹẹtẹrẹ, dị ọ gana bamị-bamị aanị nị. Inomi ọnọnị ô hira va ngụ ịnị ataba ana ya ẹkụra ana aā hị́ Ịrẹbanọnị; dị ọ́ dà ịrẹsụ ọchị ana aā hị́ Isida nị.

Ijeremaya 5:6

Ịsị idu nịnị vaa sị hụụnị iruku vaa wụ̀ wa ha ọ vị ọnọọ nị; dị akatapooro nịnị hụụnị ụnọmị va gara wa ha chẹkẹ-chẹkẹ. Dị ẹzụ e be wa ịnị ẹkụra, ọza anaa jịnẹ tụ ẹhẹ dị ọ na a ha agụvị ka ebira odivi ẹnịnị ọ sị dẹngụ baaba. Ụmẹ tụra ụmẹ ẹnịnị sịị ha hụrị oze Ohomorihi nị.

Iwe Ọhụhị Imosiisi ana aa hị́ Ọyịvatụrọda 28:49

Ẹnẹyịmavara vaa hị́ anẹkụra ọnya hụrẹ aha ẹnẹẹnẹ vẹ, dị ẹ va eyirazị kà wụ nịnị. Anẹkụra ọnị wẹ̀ yị wụ ẹkụra ẹnịnị ẹ vị nị. Ẹ vaa ngụ wụ nịnị chire anka ọkasịmẹ mee che uye obonobono avọọ.

Iruuku 17:37

Dị ezirẹma anị kà a yọ ka, “Ịzọọ vị, Ananyị yị?” Dị Ijeesu kà a yị wa ka: “Ịzị oku ọ̀ọ yà, ịzọọ ụ́ba nịnịị̄ hi nị.”

Imatiwu 24:28

Agụvị ka ịzị oku ọ̀ọ yà, ịzọọ ụ́ba nịnịị̄ kụ́ụ gụ nị.”

Ezikẹẹrị 17:12

Ọnị ọ̀ họ̀ aza ẹnẹnị anaā kụ̀ụ hịrẹ ọza aanị ka, aanịka ẹnịnị ẹ́ yẹ iruvo ụhịrẹyị ọnọnị da? Ọ kà, ọnị ọ̀ kà a yị wa ka, ohinọyị Anibabironi ộ vẹ Ijerusarẹmị, dị ọ vaa za ohinọyị Ijerusarẹmị ọnịrị ọdọvịdị anị nịnị ne hi Ịbabịrọnị nị.

Arụwẹ 4:19

Ẹnịnị ẹ rẹ huni ọkasịmẹ, ẹ maa dụ ẹnị chi ataba. Ệ dụ yị na ngụ ịnị ataba. Ịnị ụnọmị ọnị yị ka ya na tẹ̀ vị ọnị aza anaa dụ aanị na tẹ̀ hí ee zi yị.

Ijoovu 9:26

Ọ kà, vị ẹhẹ anị ee zwè anka ẹpa ene zwè echi sasasa ịrẹsụ enyi avọọ nị. Ọ sị me anka obono o rere ve che usu hụrẹ ẹtẹ avọọ nị.

Ayịsaya 11:14

Ẹnịnị kụkụ vaa vaa bẹ dị ẹ baku Anihwirisiti. Di e nyima hụrẹ eyi ọnị ọyịị̄ zị naa ngụ ẹtẹ, dị ẹ vavọọ chaka wa na ngụ eyi ọnị ọyịị̄ zịị hụrẹ. Ẹ rẹ vaa kụ́ ịrẹkụ naa rị Anedomi ọnịrị Animowabi. Dị Anamọnị kụkụ vị ọrịhị ẹnịnị.

Ijeremaya 48:40

Ẹnẹyịmavara ộ kà a ka ẹkụra ọnya vaa kụ́ ịrẹkụ vee tu Imowabi obonobono anka ukokoro me vee che ịsa avọọ. O vee hi wa eyi.

Ijeremaya 50:42

Ẹnịnị ẹẹ kụ ọpa ọnịrị ọha rị ụvọ. Aza edivi ẹ́ vị̀ nị, ẹnịnị ẹ́ yị ma vayị ọza vụrụ-vụrụ. Ẹnịnị ẹ̀ẹ tụra umaata ẹnịnị aa vẹ dị ụ wụ́ wa ịrẹyị nị, vị ọ sị mẹẹ anka enyi ini òkū anaa jị ayị avọọ nị. Ẹnịnị ẹ sị ẹngụ tenyi aa vẹ wụ nịnị ịrẹkụ, ẹwụ nịnị Anibabironi.

Ezikẹẹrị 26:11

Avaba ẹkụra awụ nịnị vị ẹnẹ vaa ngụụ zị, dị ẹ sị ụ̀hwọ̀ wụ̀ aza awụ nịnị ha, ohinọyị awụ nịnị vị ẹnẹ vaa wụ̀ bẹẹ.

Ịnahụmị 2:5

Ịjị ọga isoja ọbanyị họ̀ ogeeke hị́ ọga isoja ana vọ; dị ẹ yaa vanga jịnẹ ẹngụ tụ ọvịdị. E mee zwe nọ ịnị ọvọ ka ẹnị e ne tenyi ogonto ana vaa dọ ịrẹta ene e nee hụrị ịrẹsụ ọvọ hi ẹnị nị.