Ihabaku 1:7 - IWE ỌNỊNỊ

⁷ Aza vị ana nyayịnẹ ee hí angwa ẹnịnị. Agụvị avọọ dị ẹ yaa mẹ kẹnẹ o me zee wa eyi nị.

Ihabaku 1:7 Referans Kwoze

Ayịsaya 18:7

Ụmẹ ọnya aa vẹ. Ịhị ọnọọ anẹkụra ana hụ, dị ẹngụ ẹnịnị swa ana avaba azaa hí angwa anị aanị vaa kụ́ ẹyịza vaa yị Ẹnẹyịmavara, Anẹkụra ọnị maa kà aanị vị ọnọyịha, ọza ọ yị wụ́ ẹkụra ẹnịnị. Okuha vị ana gà ẹkụra ẹnịnị hi. Ẹ vaa kụ́ ẹyịza ẹnẹẹ vẹ ịnị ataba ịzị a yà aa hẹkẹ Ẹnẹyịmavara Ochẹtẹẹngụ.

Iwe Ọhụhị Imosiisi ana aa hị́ Ọyịvatụrọda 5:27

Dị ẹ ka, Imosiisi ọ na wụ̀ avaba ịrẹyị ọnị Ẹnẹyịmavara ana vị Ohomorihi ẹnịnị ọ̀ọ ka dị ọ̀ ka enube yị ẹnị. Ẹnị vaa wụ dị ẹnị saasa a.

Iwe Ọhụhị Imosiisi ana aa hị́ Ọyịvatụrọda 5:19

Wẹ yị nyayịnẹ yị oyi

Ayịsaya 18:2

Ẹnịnị ệ tụ́ ọnụtụ ana ngụ ẹpa zi oze ini enyi. Ẹpa ọnọọ vị ana a sị ịkẹ mẹ, ộ rẹ ẹtẹẹtẹrẹ. Ẹwụ nịnị ọnụtụ ẹnẹẹ, varẹma ne tù anda awụ nịnị ene hi ẹkụra ene enyi gà hi. Dọ ụtụ na kà yị aza awụ nịnị ana hụ dị ẹngụ ẹnịnị swa. Avaba aza vị ene ee hí angwa ẹnịnị. Ẹnẹnị vị ana aa nyị ọyịha. Ọza ọ yị wụ́ ẹkụra ẹnịnị.

Ịdanịyẹrị 2:31

“Ịdanịyẹrị kà, taarụ ohinọyị! wê re ịsa ene vene ọza ka ọ jẹẹ ọvịdị awụ. Ịsa ọnọọ ộ hụ ẹtẹẹtẹrẹ, dị ọ nyayịnẹ aa zẹtẹ nị. Ọza òo re e vị angwa ee hí ọ nị.

Ayịsaya 14:17

ọza ana maanị wụ̀ aza ha, dị ọ tụ́ ẹhẹ osusu. Ẹkụra ọnị ọ̀ọ gara dị kụ́ aza anị nị, ọ mā zẹẹ ka aza ẹnẹẹ ẹ̀ kụkụ varẹma nọ eehi ẹnịnị.

Ayịsaya 47:8

Sị ụtọ pe ẹtẹ, ẹwụ ana maanị sì ịrẹyị ẹngwọmẹ aanị. Ẹwụ ana yaatụ ka ẹ yị nyị ịsị ẹ zụ mẹ wụ aanị. Wâ kà a ka, “Ẹmịị yọ; ẹ yị ọza ẹnẹsa ịrẹma amị. Mẹ yị vaa vị osoku, ezi emi e yi vee sú”.

Ịzẹhwanaya 2:15

Ininivẹ ịjọnọọ wáá yị? Ẹkụra ana vịdị maanị nyị ụbanyị yịị? Dị aza anị ee wo oto ka ẹnị ẹ sị ha. Ẹkụra ọnọọ ọ va sị vara eburu ịzị uye ịnị avị nịnị kụkụ ra hi aanị nị! Aza ana aa para ịzọọ hu vi ene ee nohi, di e yee ziizi ịrẹsụ kẹnẹ.