Ihabaku 1:6 - IWE ỌNỊNỊ

⁶ Ẹnẹyịmavara kà ọnị vaa kụ́ Anibabironi nịnị kwẹẹtẹ ka ẹ dọ̀ avaba ẹkụra ene hi ẹtẹ ọnọọ, dị ẹẹ mẹ ịjọva tụra wa ịrẹsụ. Anibabironi ẹnẹẹ ẹ divi. Ẹ yị nyị aza ene hi wa ụhwẹ.

Ihabaku 1:6 Referans Kwoze

2 Ohinọyị 24:2

Ẹnẹyịmavara ộ tụ́ isoja Ikaridi, Aramị, Imowabi, ọnịrị Amọnị nịnị ka ẹ kụ́ ịrẹkụ tụ́ Ijuda di e vu wa ẹtẹ anka Ẹnẹyịmavara mẹ vịdị raà tụ́ ọnịsẹ anị ka ọnị va mẹ̀.

Ijeremaya 5:15

Ẹwụ nịnị Anisirẹrị, Ẹnẹyịmavara ọ ra mẹ ka anẹkụra ene noze ẹ̀ kụ ịrẹkụ ve tu wu nịnị. Anẹkụra hụrị ụmọrụmọ, ana katẹngụ, dị wẹ yị wụ ẹkụra ẹnị ẹ yaa kà a vị nị.

Ijeremaya 25:9

Ọnị vaa tụ́ụ hị́ avaba aza ene hi Ịbabịrọnị ọnịrị ozi ahụ anị, Inebukadineza, ohinọyị Ịbabịrọnị ka ẹ̀ kụ ịrẹkụ va ngụ Ijuda. E vee pè avaba aza ene hi Ijuda ọnịrị avaba ẹkụra ana kara waa kụ̀ ịrẹkụ. Ẹnẹyịmavara kà ọnị vee vu Ijuda ọnịrị aza ana kara wa ẹtẹ saka-saka ana ahịka aza èe ré e angwa vị ene vee hí wa pooro zịna-zịna.

Ayịsaya 23:13

Wâ yẹ Anikaridi nịnị. Ẹnị ẹ mẹ ka ẹtẹ Ịtaya ọ̀ vara ụnọmị di uye ịnị avị ẹ̀ kuku hi ịnị anị nị, vị Anibabironi ẹ vavọọ mẹ. Ẹnị ẹ tụra ọvọ dị ẹ zị oze avọọ kụ́ ịrẹkụ va ngụ ịnị ẹkụra nị. Dị ẹ za avaba ịzị ẹ vị ụkata Ịtaya dị ẹ chaka a ha nị. Dị ẹ jị ẹkụra ọnọọ eburu nị.

Ijeremaya 21:4

ẹ̀ na kà a yị Ịzẹdẹkaya ka Ẹnẹyịmavara, Ohomorihi Anisirẹrị ka, ọnị vaa và ẹnya ịrẹkụ ana yà ịnị ụvọ Ịzẹdẹkaya eyii kà a, ẹnya ịrẹkụ enee sii pe ohinọyị Ịbabịrọnị ọnịrị aza anịị kụ ịrẹkụ avọọ. Ọnị vaa kụ wa gụ ịnị akakana Ijerusarẹmị.

Ijeremaya 4:8

Avọọ, va ẹngụ hi nịnị, waa jị òrèrè dị waa ka ẹgọ nịnị, agụvị ka Ẹnẹyịmavara maa kụ ayị hi Anijuda, ẹẹ yị vaa va o.

Ijeremaya 4:6

Tana ụvọ hi oze yị ka, asị a nyị ọza ana jẹẹ, ọzọza oo zwe dị ọ na tẹ̀. Ka Ẹnẹyịmavara ọ raa kụ ẹngụkata hụrị oze eyi ẹbẹẹba aa vẹ, ọnị o ve sii vu ẹkụra ẹtẹ divi-divi.

2 Ịtọpa 36:17

Avọọ Ẹnẹyịmavara sị ohinọyị Ịbabịrọnị ka o va eyi ka wa nị. Dị ohinọyị wụ̀ ezi ọmụha Anijuda huu na ngụ ịnị irehi Ohomorihi. Ẹ yị nyị ọza ọnị ẹ vayị anị, ozweyi a vị ọzọkụ, ọnọrụ a vị ọnẹẹ, ọnụkụ a vị ọza ana nịya, Ohomorihi vị ana hụrẹ avaba ẹnịnị ụvọ chire ohinọyị Ịbabịrọnị ụvọ.

2 Ịtọpa 36:6

Ebira odivi anị, Inebukadineza ohinọyị Ịbabịrọnị va za a, dị ọ tụ́ ọ ịchẹkẹchẹkẹ na ngụ Ịbabịrọnị nị.

Ijeremaya 4:11

Ụmẹ aa vẹ ana a vaa kà a yị Anijerusarẹmị ka aa nyị ahị ịrịịra ana tụ́ hụụnị ụnọmị aa ka wáa vẹ. Ẹ yị vị ahị ana vaa kụ ẹchịchị kwooze kẹnẹ ọ́ vaa vị.

Ijeremaya 8:10

Ẹnẹyịmavara kà, agụvị avọọ, ose ẹnịnị vị ọnị ọnị vaa sị yị anọrụ ọsa, dị ọnị aarẹ ẹnịnị yị aza ọwọọwa. Hụụnị ozweyi na ngụ ọzọkụ ẹnịnị, avaba ẹnịnị vị anaa họ̀ ọhọha ogu kẹnẹ. Ọnịsẹ ọnịrị ohirẹsụ irehi Ohomorihi nịnị vanaa mẹ azaa rị.

Ijeremaya 13:20

Ijeremaya ka, re nịnị, ẹwụ nịnị Anijerusarẹmị! Ọnịvị awụ nịnị ẹ raa hụrị Ịbabịrọnị aa vẹ. Aza ana a ka wa sị eyi pe, ọnị ụ maanị aa sịị me eyi nịnị, ịzị ẹ yà kẹ?

Ijeremaya 21:7

Ọ kà ama Ịzẹdẹkaya, ọdọvịdị ẹkụra anị nịnị, ọnịrị aza ana vọ ịrẹma ịrẹkụ, ụngwẹ ọnịrị ụkụ ọnọọ, vị ọnị ọnị vaa hụrẹ ụvọ yị Inebukadineza ọnịrị ọnịvị ẹnịnị enee si wa isu. Ẹnẹyịmavara kà Inebukadineza vaa wụ̀ wa, ọza ịnyara ẹ yị yaa vọ. Ẹ yị vaa vayị ẹnịnị vụrụ-vụrụ.

Ezikẹẹrị 16:40

Ẹnịnị vaa tụ ọkọnị aza ịrẹyị ka ẹẹ kụ̀ wụ ịnị ịrẹta, dị ẹnịnị sị ụhwọ che wu nịnị và hi ẹtẹ piri-piri.

Ezikẹẹrị 21:31

Ọnị vaa sị ọyịkụ anịị zụ̀ wụ nịnị, dị ẹngụ awụ nịnị kà ịra anka èe rere ká ịra ku ọza avọọ. Ọnị vaa hụrẹ ụ nịnị ụvọ yị aza edivi, ana yara sị ụya rị aza obooro-obooro.

Ezikẹẹrị 28:7

Ọnị vaa tụ aza edivi hangụ-hangụ ka ẹnịnị ẹ̀ kwẹẹtẹ tu wu. Avaba ịsị ozoza-ozoza ọnị ụ sị ịrẹyọyẹ kụ gụ vị ọnị e vee duu ha.

Ezikẹẹrị 31:12

Anẹkụra ọsa ẹnẹ ẹ̀ yị ma vayị ọza vaa ma a nya ẹtẹ, dị ẹ pàrà a hu. Avọ anị vee che nee hi ịnị avaba ataba ọnịrị inozi ene hi ẹkụra ọnọọ. Avaba anẹkụra ene vịdị ve hi ini uhuhu anị vee kwooze hụ ịzọọ.

2 Ohinọyị 24:1

Ịnị ụmẹ ọnị Ijehoyakimi vị ohinọyị, Inebukadineza ohinọyị Ịbabịrọnị ộ kụ́ ịrẹkụ na rị ẹtẹ Ijuda, dị Ijehoyakimi ọnịrị aza anị ya ahụ anị ịrayị ẹẹta dị ọ va mẹ akamawụ hi ọ nị.

Ijeremaya 30:5

Ọnị ộ wụ́ aza maa jị òrèrè ayị maa hụrẹ wa ịnẹ dị angwa ee hi wa, ẹnịnị ẹ́ yị nyị ẹngwọọrọ.

Ijowẹrị 2:3

Dị akụvarịva ẹnẹẹ rị avaba avị anka ịra mẹẹ̄ rị avị avọọ nị. Ọvịdị ẹnịnị e zoza anka ụbazị Edẹnị ama dị ịrẹma ẹnịnị tịtẹ huye-huye ẹ̀ mẹẹ wara avị rị za eteesu. Ẹ yị nyị ịsa ana vọ ẹtẹ tịtẹ ọnị ẹnịnị ẹ yi rị.