Ihabaku 1:4 - IWE ỌNỊNỊ

⁴ Ịzẹyịza ọ ta hụrẹ ẹtẹ. Aza ọhịmị ẹ kụkụ aa nyị ẹbẹẹba aza ọyịza nị. Aza ẹ yị kụkụ saasa ọda Ẹnẹyịmavara. Ọzọza vị ana mẹ̀ ịsa ene zee eyi kẹnẹ.

Ihabaku 1:4 Referans Kwoze

Ahẹ Ụgama 119:126

Ẹnẹyịmavara, wéē re aza màa jịnẹ ọda ọnị ụ mẹ. O si tù ka à nyị ịsị ụ mẹ ọgọnị.

Ijoovu 21:7

Sị ẹ vị dị Ohomorihi zẹ ka aza edivi ẹ yara, dị ẹhẹ mẹ yị wa, di e ku orubo?

Ijeremaya 12:1

Ijeremaya ka, Ẹnẹyịmavara, ọnị ọ̀ọ ka ọnị ee pe ewu nyị ahankata ịrẹyị anị, awụ ọ raa yịị gẹ nị. Ama ọnị aa yịị họ̀ ụ use ịrẹyị ịnị ịpa ịzẹyịza awụ. Sị ẹ vẹ dị ẹhẹ aza edivi zee yị wa? Sị ẹ vẹ dị oō zee yị aza ẹnẹ ẹ yị ma mẹ ịzẹyịza?

Ezikẹẹrị 9:9

Dị Ohomorihi tụ́ ohi ka, Anisirẹrị ọnịrị Anijuda nịnị ẹ́ ra rị ịvị ebira odivi-odivi ọ̀ yị mẹ baaba nị. Ẹnịnị ẹ́ kụ aza wụ̀ avaba aha, dị ẹ gara ebira odivi hi ẹtẹ Ijerusarẹmị nị. Ẹnịnị ka, ọnị Ẹnẹyịmavara ọ sị ẹkụra ẹnịnị hụrị ụvọ; ọnị é yi kuku re ẹnị.

Emọsị 5:12

Ẹnẹyịmavara kà ọnị ọ yẹ ebira odivi ọdẹngụ ọnị ẹ yaa mẹ̀. Ẹ yaa mẹ̀ ọnịzẹyịza rị, dị ẹ yaa dọ ochirerenu, dị ẹ yaa mẹ̀ ọkarẹyị irikiti yị onosiye nịnị nị.

Ihoseya 10:4

Ẹnẹyịmavara kà a Anisirẹrị nịnị vị ana nyị irenu kẹnẹ, dị ẹ ya kà ịsa ọnị ẹnịnị ẹ yị vaa zụ mẹ. Ẹ raà sị irikiti dọ ịzẹyịza ịrẹsụ. Ẹ sị mẹ anka avị odivi ana chaka hi aarẹ avọọ nị.

Ayịsaya 5:20

Wa sị dà nịnị, ẹwụ nịnị ana ka ịsa odivi ọ kụkụ vị ịsa ozoza, dị ịsa ozoza ọnị kụkụ vị ịsa odivi nị. Wa raà sị ịrahụ vara ọọdụ, dị ụ sị ọọdụ vara ịrahụ nịnị nị. Ụ ka ịsa ene hine ọnị kụkụ vị ọnyịrẹyị nị.

Iwe Ọhụhị Imosiisi ana aa hị́ Ọyịvatụrọda 16:19

A sị u sima ịrẹyị ka waa mẹ̀ ọkarẹyị nịnị. A sị ụ nyị ọza remeyi nịnị, dị a sị ụ dọ ochirerenu o. Agụvị ka ochirerenu vi eneē gù ọza eyi, ẹ yị nyị ọza mẹ ye ịrẹyị dị ọ nyị ịzẹyịza na za.

Ọyịkụra 23:6

Aza ẹ̀ẹ nyị ịrẹyị asị ụ na jị ịvị yị ọza ana rị ịhị ka ộ mẹhị vị onosiye.

Ọyịkụra 23:2

Asị ụ na saasa ọkọnị aza na mẹ̀ ịsa odivi. Àa hị́ wụ ivenu ịnị ịrẹyị asị ụ na saasa aza ọrụrụ dọ ivenu ireche. Ẹngụ ivenu ọnọọ ọ mā zẹẹ ka à mẹ̀ ọkarẹyị ana vọrọ.

Aniroomi 3:31

Áá zụ kà a ka ya raà mẹ ka ọda Ohomorihi ọ̀ vị ịrẹyị kẹnẹ-kẹnẹ? Asị Ohomorihi zẹẹ! Ọda vị ọnị ị hyakụ sị tụ́ udi ana vọrọ tụra a.

Odeyi 7:59

E mèe yii tụ́ Isitivini ịrẹta, dị Isitivini aa mẹ̀ aduwa dị ọ ka, “Ijeesu Ananyị yị, dọ ụhwẹ amị!”

Odeyi 7:52

Áá nyị ọnịsẹ oni ohiku awụ nịnị ọ̀ yị sị ụya rị da? Ẹ raà wụ̀ aza ana vịdị va kà a tịtẹ ka Ọnịzẹyịza ọnọọ aa vẹ. Ọza ọnọọ u si chire aza ụvọ, dị ụ wụ̀ ọ nịnị nị.

Ịmaakị 7:9

Dị Ijeesu rẹ ka, “Wâ da yara mẹ apẹ nịnị ọyịnavọ ọda Ohomorihi tịtẹ, di u we re oze sị ụvọ za ido ọnị ụ jị nịnị!

Ahẹ Ụgama 94:3

Ẹnẹyịmavara, aanị ụ wáá mẹ̀ vaa navọ aza edivi ka ẹ̀ẹ jẹ ịrajẹ pooro nị?

Ahẹ Ụgama 59:4

Nyị m mẹ̀, ama e yee sii sì ka ẹnị ẹ kwẹẹtẹ tù mị kẹnẹ Ohomorihi, aarịhịnị navọ we re ẹngụkata ene tù mị, dị wa kwẹẹtẹ wa dọ mị tụ́.

Ahẹ Ụgama 59:2

Navọ wa dọ mị tụ́ hụụnị ụvọ aza edivi ene ee sì ka ẹnị ẹ̀ wụ̀ ọza.

Emọsị 5:7

Ẹnịnị ẹ ree jesi ịzẹyịza, dị ẹ yaa mẹ̀ ẹvaya yị ọnịzẹyịza nịnị, dị ẹ kụ́ ọ ka wa ụhwẹ nị.

Ijeremaya 26:8

Ịjị avaba ụtụ ọnị Ẹnẹyịmavara tụ Ijeremaya taa ka kẹnẹ, dị ohirẹsụ irehi Ohomorihi nịnị, ọnịsẹ nịnị ẹnịrị avaba aza zaa, dị ẹ ka, vị ẹnị aa wụ̀ ọ nị.

Ijeremaya 12:6

Ẹyịnyara awụ ana vị anda awụ nịnị nyẹmba vị enee vene u. Ệ bẹ tụ ịnị aza ana aa kụụ tu u. Ẹẹ daka èe pe u ka ịrẹyị ohine-ohine, asị ụ sị ayị tụra wa.

Ahẹ Ụgama 22:16

Aza edivi ana ahịka vị ẹ sị mẹẹ anka irezi avọọ vị ana gụ kara mị Ẹnịnị aa na ụvọ amị ọnịrị ahụ amị anka idu mẹ̀ẹ na uyee rị avọọ.

Ahẹ Ụgama 11:3

Ahẹẹ, àa kụ́ ịsa du hi ẹtẹ sị ọnịzẹyịza nịnị kụkụ zụ mẹ?

1 Ohinọyị 21:13

Di aza kẹnẹ-kẹnẹ ẹyịva ẹnẹẹ vẹ, dị ẹ va yaayịtẹ pè Ịnabọtị nị. Dị ẹ yà eyi aza ana gụ, di e yee cheeche kú Ịnabọtị ka ộ kụ̀ Ohomorihi ọnịrị ohinọyị ụhụ nị. Di a sị Ịnabọtị jịnẹ hụụnị ẹkụra, di e ne e ịrẹta, di o sú nị.

Ahẹ Ụgama 22:12

Ọnịvị amị ana kara mị ệ nyị ụkata anka ẹya Ẹnịnị vị ana gụ ẹtẹ kara mị Mị ka ọnịvị amị ẹnẹẹ ệ nyị ụkata anka ẹya ene hi ịnị ụnọmị Ịbasanị.

Ayịsaya 59:12

Ebira odivi ẹnịnị vị ana gwẹẹtẹ ọvịdị Ohomorihi, dị ẹ yaa jị ịvị yị wa. Ẹnịnị ẹ yẹ avaba ebira odivi ẹnẹ mẹ̀.

Ijeremaya 8:7

Inomi ana aā hị́ anẹ nịnị ẹẹ yẹ ụmẹ ẹnị ẹ sịị vaavẹ eehi, Arivadi nịnị, aara nịnị ọnịrị atuporogo nịnị ẹẹ yẹ ụmẹ ẹnị sịị kụ̀ra. Ama, ẹwụ nịnị aza anị, ẹ yị yẹ ọda Ohomorihi awụ nịnị.