Ihabaku 1:16 - IWE ỌNỊNỊ

¹⁶ Avọọ dị ẹ mẹ̀ ịsọvọ, dị ẹ rị eturare ịra ọnị ẹ sị gụ́ ọha ẹnịnị ẹngụ ka ọ̀ mẹ ẹ́nị nyị ụvọha.

Ihabaku 1:16 Referans Kwoze

Ihabaku 1:11

Ẹnịnị ẹ rẹ́ anka ahị. Ẹ̀ẹ raa rị ẹkụra, dị ẹ vaa yaamị na ngụ aha ọsa. Ẹnịnị e si eyi tụra ụkata ọnị ẹ nyị huu Ohomorihi.

Ịdanịyẹrị 5:23

Ọ kà ọ raà sị ẹngụ anị tụ ẹba huni Ananyị yị ana nyị ẹbẹẹba agụvị ka ộ kụ ako ọnịrị ẹnya ana a kụ hụụnị irehi Ohomorihi dị ọnịrị ọdọvịdị ẹkụra anị nịnị, ese anị beri onyeehi anị nịnị ee sii hú eche nị. Ako ọnịrị ẹnya ẹnẹnị ẹ yee sii hú eche dị ẹ yaa ka ẹngụrẹhaa ku ori ana a sị igooru ọnịrị isiriva beri enyusẹ ana vọ ọnịrị ọchị beri ịrẹta mẹ ẹngụ nị. Ori ene è yị re ẹtẹ, ẹ yị wụ́ ịrẹyị, di ẹ̀ yị hyakụ va yẹ ịsa ọnyọọnyị. Ama ẹ yị va sị ụbanyị yị Ohomorihi ana nyị ụhwẹ ana aza aa tụ́, dị ọ rẹ nyị ụkata avaba ịsa anaā mẹ.

Ịdanịyẹrị 4:30

dị ọ ka, aanị ka ẹ yị vị ọnị ọ dà Ịbabịrọnị, ana maanị banyị ọyị sị mẹ aha ọyị yaayịtẹ anị? Ọ kà vị ọnị dà a ọyị sị sị ụkata anị ọnịrị ụbanyị anị zụ nị.

Ezikẹẹrị 28:3

Wê rò o ka ẹwa yẹ ịrẹyị hụụnị Ịdanịyẹrị nị. Wê rò ka é yị nyị ịsị wẹ̀ yị yẹ iruvo anị;

Iwe Ọhụhị Imosiisi ana aa hị́ Ọyịvatụrọda 8:17

Ama asị ụ ne rò ka ụkata ẹngụ awụ ụ sị nyị ogu ẹnẹẹ nị.

Ezikẹẹrị 29:3

Ọ kà ọnị ọ̀ kà a ka ịsị, ọnị, Ẹnẹyịmavara Ochẹtẹẹngụ aa kà a yị ohinọyị Ijipiti yị ka: ẹwụ agụgụ odivi ana hụtẹtẹ tụ ini enyi ọnị ọ́ sị vara ọnịvị awụ o. Wâ kà a ka ẹwụ a nyị irehu ana aā hị́ Ịnayịrị nị. Ụ ka ẹwụ a nyị irehu ana aā hị́ Ịnayịrị nị. Ụ ka ẹwụ hyakụ mẹ̀ ẹ nị.

Ayịsaya 37:24

Wâ tụ́ ọnụtụ awụ nịnị ka è vee wo oto hi mi ka wâ kụ aza awụ anaā sịị ịkẹkẹ kụ̀ ịrẹkụ, dị ụ kụ ịrẹkụ na rị ataba Ịrẹbanọnị ana nẹba hu nị. Wâ nyị irenu ka ọchị isida ana gọdọ hu keekere, ọnịrị ọchị Ịsayịpụrẹsị ene zoza hu keekere vị ọnị ụ má va hi ẹtẹ. Ụ ka aha ene noze hu ini iruku vị ọnị ụ ngụ.

Ahẹ Ụgama 22:29

Avaba opisa nịnị ẹ tana tụra ẹtẹ ẹẹ hẹkẹ ọnị, Avaba aza ene vee su ẹ va kú ẹtẹ yọ

Ijeremaya 44:8

Ọ kà, sị ẹ vẹ dị waa mẹ ayị kụ ọnị nịnị? Waa va ra Ijipiti nịnị, dị waa mẹ ori nịnị, dị waa mẹ̀ ịsọvọ hi wa nịnị nị. Vị́ waa maanị aa mẹ ka we si vu ẹngụ awụ nịnị ẹtẹ, dị avaba anẹhẹ ẹ̀ kụkụụ si eyi wụ wụ nịnị, dị ẹẹ sị ịrẹha awụ nịnịị chìi hi aza nị?

Ijeremaya 44:17

Ẹ ka, avaba ịsị ẹnị ka ẹnị aa mẹ, ẹnị vaa mẹ nị. Ịsọvọ vị ọnị ẹnị vaa mẹẹ hị́ ori ẹnịnị ana vị ọnyẹnẹẹ. Ọnị ọ vị ohinọyị anyẹnẹẹ tụ ẹbẹẹba nị. Ẹnị vaa sị ẹnịrị ohiku ẹnịnị, beri ohinọyị ẹnịnị ọnịrị ọdọvịdị ẹnịnị mẹẹ mẹ̀ ẹ ẹkụra ene hi Ijuda ọnịrị oze ene hi Ijerusarẹmị nị. Avọọ ẹnị mẹẹ mẹ̀ ẹ dị ẹnị nyị ịsọyịrị gwẹtẹ, dị o zee yị ẹnị, dị ẹnị ẹ̀ yị nyị ẹngụkata ọnyọọnyị nị.