Ihabaku 1:13 - IWE ỌNỊNỊ

¹³ Ọnị ọ yẹ ka Ẹnẹyịmavara ẹ yị dọ ka oni o re ka ọza aa mẹ̀ ebira odivi. Asị ọ zẹ ka aza ọhịmị ẹ wụ̀ aza ọyịza vaa ha kẹnẹ.

Ihabaku 1:13 Referans Kwoze

Ahẹ Ụgama 50:3

Ohomorihi ayị aa vẹ, o yi kuku kú irenu re ẹtẹ kẹnẹ Ịra vị ana aa za ọvịdị anị, dị ẹtẹ ee henyi jigi-jigii karaa.

Ahẹ Ụgama 10:15

Ohomorihi, navọ wa dọ aza edivi ụkata. Sị ụya rị wa agụvị ịsa edivi ẹnẹ ẹ yaa mẹ. Sị ụya rị wa pooro dị ẹwụ ịnyẹmba o re ka ẹnịnị ẹ yị kụkụ mẹ̀ ebira odivi.

2 Ịsamụwẹrị 4:11

Ẹwụ nịnị aza edivi ẹ va ngụ ini eehi ne tù aza ẹnẹ ẹ̀ yị nyị ịsị ẹ mẹ̀ wa wụ̀ ọ tụ́ ịnị ịbẹẹdị anị nịnị. Maa họ̀ wụ nịnị oponu anị, dị mị mụ̀ nịnị hụụnị ẹhẹ.”

Odeyi 2:23

Ohomorihi ana yẹ avaba ịsa, ộ vịdị mẹ eto anị tịtẹ ka à sị ọọ chire wu nịnị ụvọ, dị ụ mẹ ka aza edivi ẹ̀ kanyị ọọ za ọchị apavahị, dị ụ vavọọ wụ ọọ nịnị nị.

Ayịsaya 64:12

Tee! Ẹnẹyịmavara, aanị ka ẹ yị nyị ịzị avaba ọsọnị kanyị wụ? Aanị ụ wáá mẹ vaa yaatụ kẹnẹ dị ẹ yị nyị ịsị ụ mẹ, dị ụ mẹ ka ya rị ụya ọngwọọngụ nị?

Ayịsaya 33:1

Wa sị dà, ẹwụ nịnị ana maanị aa wụ̀ aza, dị à yị nyị ọza ana aa wụ nịnị. Mị ka wa sị da, ẹwụ nịnị onireche ene ee vene ọza dị ọza ò yi vene ẹwụ nịnị. Ụ màa wụ̀ ọza nịnị aanị, ịjị ụmẹ awụ nịnị ọ̀ọ ta, a rẹ vaa wụ̀ ẹwụ nịnị. Ịjị wè yi rè kuku vene ọza nịnị, ụmẹ ọnọọ e vee vene wu nịnị nị.

Ayịsaya 21:2

Ohomorihi ộ mẹ̀ ka me re ẹtẹ ka ịrẹyị ana vaa mẹ ô divi ẹtẹẹtẹrẹ. Mê re ka onireche e ne reè cheeche yị ọnịvị nịnị ana mẹ ka è re oze wụ̀ aza va ha ẹtẹẹtẹrẹ. Dị aza nịnị nyayịnẹ hara ogu nị. Ẹwụ nịnị isoja Erami ọnịrị isoja Animediya kwẹẹtẹ wa kụ́ ịrẹkụ ne tù anẹkụra ẹnẹẹ nịnị. Ohomorihi ọ yị kụkụ vaa zẹẹ ka Anibabironi ẹ̀ sịị sị ụyaa rị aza.

Ahẹ Ụgama 83:1

Ohomorihi, navọ kwogwo asị u ku oku irenu navọ asị u maanị re ẹtẹ kẹnẹ. Navọ asị ụ kà ka we yi tụ́ ohi.

Ahẹ Ụgama 73:3

Ịjị mi re ẹhẹ aza ana aa mẹ̀ ebira odivi mee zoza, dị ẹ yaa mẹ eyi tụ ọ ộ va mị; ẹmị rẹ ka àa yẹ ahịka ẹma vavọọ yà nị.

Ahẹ Ụgama 50:21

Ohomorihi ka ụ mẹ̀ vavọọ aa mẹ nịnị, oni o yi tụ́ ohi di oni ee re wu nịnị kẹnẹ nị Dị ẹwụ nịnị kuku ree ro o ka ọnyọọnya ẹwụrị ọnị vị nịnị nị Ohomorihi ka ọnị vaa kà a wụ nịnị eyi gẹrị eyi ka ịsị waa mẹ nịnị, o yi zoza.

Ahẹ Ụgama 35:22

Ẹnẹyịmavara, ụ maanị ee re wa ộ, navọ we tụ́ ohi Nda, aarịhịnị navọ kwogwo wa gụrị mịị.

Ijoovu 15:15

Ohomorihi ẹ yị hyakụ sị ayị tụra anggẹẹrị nịnị. Ẹnịnị ẹ yị nị eyi anị.

Ẹsịta 4:14

Ọ kà à kà a yọ ka òo sị irenu anị kú oku, dị ẹ yị tụ́ ohi nị, ọnọgụmvọ vaa hụrẹ aha ọsa vẹ, dị ọ va dọ Aniju nịnị tụ́. Ama ọ̀ yẹ ka ọnịrị ovwoovu ada anị vi ene vee vú ẹtẹ. Ọ rẹ ka ẹnẹ yẹ ẹyịyara ahịka agụvị ụmẹ ẹngụkata ọnọnị a sị sị Ẹsịta tụ́ udi ọnọnị ịdị ohinọyị nị.

1 Ohinọyị 2:32

Ẹnẹyịmavara va họ̀ ọ oponu aza ọnị ọ wụ. Aza ẹnẹẹ ọnị ọ wụ̀ ọ vị ọnịzẹyịza, dị ẹ rẹ nyị ebira ozoza huna a nị. Ijowabi vị ana sị ụ̀hwọ̀ wụ̀ aza ẹnẹẹ, ama Idevidi ada amị ẹ yị yẹ. Aza ẹnẹẹ ọnị ọ vavọọ wụ ẹ vị Abịna ozi Ineri ana vị ọga isoja Anisirẹrị ọnịrị Amasa ozi Ijeteri ana vị ọga Isoja Anijuda.

Ijoovu 21:7

Sị ẹ vị dị Ohomorihi zẹ ka aza edivi ẹ yara, dị ẹhẹ mẹ yị wa, di e ku orubo?

Ahẹ Ụgama 18:26

Ọza ana àa nyị ayị ọnya, dị waa sị ayị ọnyaa pè e mẹ Ọza aa mẹ irikichi, irikichi ọnọọ ẹwụ re sii pè e mẹ nị.

Ahẹ Ụgama 25:3

Mâ yẹ ka aza ana àa sị ayị tụra wụ, ụhị ọ yị vaa nyị wa Ama aza ene re ọza kẹnẹ dị ẹ yaa chamayịị yọ vị ọnị ụhị vaa nyị.

Ahẹ Ụgama 35:17

Ananyị yị, we yi tụ́ ohii? Navọ wa dọ mị tụ́ dị asị ẹ rẹ kụkụ dụ mị. Navọ asị ụ zẹẹ ka aza ẹnịnị ana sị mẹẹ anka idu avọọ ẹ̀ dọ mị ụhwẹ.

Ahẹ Ụgama 35:25

Asị ụ navọ ka è re oze kà a ka ịsa ẹnị ka ẹnị aa mẹ, ẹnị ẹ sị ọ mẹ Asị ụ zẹẹ ka ẹ̀ zụ wụ̀ mị kwooze.

Ayịsaya 24:16

Yâ wụ́ aza ene hi ụnọngụ-ụnọngụ ẹhẹ màa jị ahẹ ka, “Ohomorihi ọ nyị ụbanyị nị.” Ama dị ẹmị ka ịrẹyị ô tù mị, ma sị dà. Enevene nịnị ee yii vene aza naa yị ọnịvị, mị ka eyee vene aza naa yị ọnịvị.

Arụwẹ 3:36

Ananyị yị ẹ mā dọ ka è sima ọkarẹyị mẹ yị aza ịnị ikootu.

Ihabaku 1:14

Ẹnẹyịmavara ụ́ụ́ wa mẹ̀ aza ene hi ịnị ẹhẹ anka ivovo ana aā za kẹnẹ avọọ nị, a vị uye eneē turaa zị ẹnẹ ẹ̀ yị nyị ọdọvịdị anaā zụ̀ wa oze?

Ịzakaraya 8:17

Asị e ro ịrẹyị odivi tụra ẹngụ, dị asị e hị́ eku dọ ivenu ireche. Ẹnẹyịmavara kà a ọnị ọ yị sì ịrẹyị ireche, amẹrị ọnịrị ịraazị.

Iwe Ọhụhị Imosiisi ana aa hị́ Ọyịvatụrọda 23:15

Ọrịhị òo zwè hụụ ịdị ọza ana nyị ọ ve tù wu nịnị, à sị ụ dụ ọ varẹma nịnị.

Ijoovu 24:23

Ohomorihi ọ zụ sere wa ama ọ nyayịnẹ sị eyi pe wa ụmẹ tụra ụmẹ nị.