Ihabaku 1:12 - IWE ỌNỊNỊ

¹² Ihabaku ka Ẹnẹyịmavara ọ vị Ohomorihi hụrị ụmọrụmọ, ụmẹ ọbọba. Ẹ yị nyị ẹngụ anị. Ọnị ọ vị ịda ọnị ẹnị sị ịrẹma ka nị. Ẹ yị vaa zẹ ka ẹnị e vú ẹtẹ. Ộ sị Anibabironi nịnị ka ọnị ọ sị sị ụya rị ẹnị agụvị ebira odivi ẹnịnị nị.

Ihabaku 1:12 Referans Kwoze

Iwe Ọhụhị Imosiisi ana aa hị́ Ọyịvatụrọda 32:4

Ẹnẹyịmavara aa sị ụkata anị dọ ọnị tụ nị. Avaba oze ọnị ọ zị mẹ ịrẹyị anị vana gụ dị ọ vọrọ. Ọnịzẹyịza ene mee cheeche ọ̀ vị nị.

Ahẹ Ụgama 90:2

Dị ụ va yẹ ka ụụ mẹ ataba nịnị ne beri eteesu ọnịrị ẹhẹ hụrẹ ụmọrụmọ ẹwụ vị vị Ohomorihi nị.

Iwe Ọhụhị Imosiisi ana aa hị́ Ọyịvatụrọda 33:27

Ohomorihi ana yà ịzọọ pooro è sere wu nịnị nị oō sị yị rị ụvọ pooro nị. Eyi awụ nịnị ọ̀ dụ ọnịvị awụ nịnị jịnẹ, dị ọ ka wa wụ̀ avaba ẹnịnị va ha nị.

Ijeremaya 46:28

Ọ kà ọnị vaa vẹ dị ọnị vaa dọ wụ nịnị tụ. Avaba ẹkụra ọnị ọnị dụ wụ nịnị ne hi vị ọnị ọnị vee vú ẹtẹ. Ama ọnị é yị vee vu wu nịnị ẹtẹ. Ọ kà ọnị ẹ́ yị vaa navọ ka asị ụ rị ụya nịnị, ama ịhị ọnị aa sị ụyaa rị wụ nịnị, ọnị vaa vayị awụ nịnị.

Ijeremaya 30:11

Ẹnẹyịmavara kà ọnị ọ̀ yà pe wu nịnị, ọnị vaa dọ wụ nịnị ha. Ọ kà ọnị vee vu avaba ẹkụra ọnị ọnị gara wụ nịnị ne hi ẹtẹ, ama ọnị e yi vee vu wu nịnị ẹtẹ. Ọ kà ọnị ẹ yị vaa mẹ ka wẹ́ yị rị ụya nịnị, ama ịjị ọnị aa sị ụya rị ụ nịnị, ẹhwị ụya ọnị vaa sị rị wụ nịnị nị.

Ahẹ Ụgama 93:2

Hụrẹ ụmọrụmọ ụ hụrẹ vị ohinọyị nị, avọọ ụ mẹ yị yà pooro, pooro zịna-zịna nị.

Anihiburu 13:8

Ijeesu Ikirisiti yị vị ọnyọọnya ẹẹrị ọnịrị ajịnị ne beri pooro zịna-zịna.

1 Itimoti 6:16

Ọnị ịnyara chọchọchọ o reè yi mē sú nị. Ini ẹtohweyi ọnị ọ yà, ẹ yị nyị ọza ana zụ kà pee. Ẹ yị nyị ọza ene ree da, ayị rẹ nyị ọza ene zụ ree. Ọnị ọ nyị ụbanyị ọnịrị ụkata pooro zịna-zịna nị. Aamị.

1 Itimoti 1:17

Aza ẹ̀ẹ sị ụbanyị ọnịrị igirimaa yị Ohomorihi pooro zịna-zịna! Ọnị ọ vị ohinọyị pooro zịna-zịna nị; o mē sú, ọza o mē ree. Ọnị kẹnẹ ọ vị Ohomorihi nị. Aamị.

Odeyi 3:14

Wê yi Ọza Ọnịnị ọnịrị Ọnịzẹyịza tịtẹ nịnị, ụ ka à vana hụrẹ ọwọza ụvọ tịtẹ wụ nịnị.

Ịmarakayị 3:6

Ohomorihi kà ọnị ọ vị Ẹnẹyịmavara nị. Agụvị avọọ, ezi Ijekọvụ e yi ve vú ẹtẹ nị.

Ihabaku 3:2

Dị ọ ka ọnị ọ wụ́ ịtọpa ịsị ẹbanyị-ẹbanyị ọnị Ẹnẹyịmavara mẹ̀ ịnị ịyẹẹyẹ, di o hi ọnị irenu nị. Dị ọ da ịpẹ ka ọ navọ ọ rẹ mẹ̀ yị ẹnị ịnị ụmẹ ẹnịnị anka ọ mẹẹ mẹ̀ ịyẹẹyẹ, dị ọ sị ụkata anị dọ ẹnịnị tụ́. Aarịhịnị ọ va hụụnị ọyịkụ anị, dị ọ vayị ẹnịnị.

Imika 5:2

Ẹnẹyịmavara kà wéē re Ịbẹtịrẹhẹmị ana yà ini ẹtẹ Ehwirati avọọ Ọza ee re ka oni o weyi ini ovwoovu Anijuda. Ẹnẹyịmavara kà ọnị vaa sị ọza ịnya hụụ ịzọọ mẹ ohinọyị Anisirẹrị. Hụrẹ ụmọrụmọ ovwoovu ọza ọnọọ hụrẹ aa vẹ nị.

Ezikẹẹrị 30:25

Ẹnẹyịmavara kà ọnị vaa tụ ọ ọkụmị, ama, dị ọnị sị ụkata yị ohinọyị Ịbabịrọnị, ịjị ọnị ọ̀ọ sị ụhwọ anị chire ohinọyị Ịbabịrọnị ụvọ dị ọ́ tana a hi Anijipiti nịnị nị, avaba aza vaa yẹ ka ọnị ọ vị Ẹnẹyịmavara nị.

Arụwẹ 5:19

Ama ẹwụ, Ẹnẹyịmavara ọ vị ohinọyị pooro zịna-zịna nị. Ẹ wa rẹ vaa mẹ̀ ịjọva pooro ne tu ẹzẹtẹ ẹhẹ nị.

Ayịsaya 43:15

Ẹma vị Ẹnẹyịmavara, Ohomorihi awụ nịnị ana vị Ọnịnị nị. Anisirẹrị, Ẹma tụ́ wụ nịnị nị, dị mị rẹ vị ohinọyị awụ nịnị nị.”

Ayịsaya 40:28

Aanịka wẹ́ẹ́ yị yẹ? Wẹ́ẹ́ yị wụ̀? Ẹnẹyịmavara ọ vị Ohomorihi ana yara pooro nị. Ọnị ọ tụ ẹhẹ vẹ nị. Ọ yị mā ngụ ọ ẹngụ, ọ yị mā ha a. Ẹ yị nyị ọza ana yẹ ịsị vị aro anị.

Ẹtore 1:8

Ohomorihi Ananyị yị Ochẹtẹngụ, ọnị ọ yà ịzọọ hụrẹ ụmọrụmọ dị a va yẹ aa mẹ ẹhẹ nị. Ọnị ọ yị yà ịzọọ booro aanị nị, ọ rẹ vaa vaa vẹ ịnị ẹhẹ ọnọnị. Ọ kà, Ọnị ọ vị ọnịpaapa ọnịrị ọdịrẹma nị.

Ayịsaya 49:7

Ẹnẹyịmavara kà a yị Isirẹrị ka ọnị ọ vị Ohomorihi ọnịnị ana dọ wa ha hụụnị ụvọ ohinọyị nịnị ana za wa ọrịhị ọnịrị anẹkụra ana sị eyi wụ̀ wa. Ama booro aanị ọnị o wo oto ka ohinọyị nịnị ọnịrị ọdọvịdị nịnị vaa sị ụbanyị yị wa, di e yee ku ẹtẹ yị wa agụvị ka ọnị vị ọnịrẹyịzẹyịza, ọza ọnịnị Anisirẹrị ana nyị wa.

Ayịsaya 37:26

Ọ kà, aanị ka wẹ́ yị wụ ọ ka, o si ku ọnị ọnị hụrẹ mẹ eto avaba ọsọnị tịtẹ? Ọnị ọ va sị ọ mẹ booro aanị. Ọnị ộ sị ụkata yị wụ ka wa jị ẹkụra ana jị ọvọ kara eburu.

Ahẹ Ụgama 118:17

Mẹ yị vee sú, aanị m màa yà ẹhẹ dị maa kà ịrẹyị ịsa ọnị Ẹnẹyịmavara mẹ nị.

Ahẹ Ụgama 18:1

Ẹnẹyịmavara, mê sì ịrẹyị awụ ẹtẹẹtẹrẹ. Ẹwaa aa sị ụkata yị mị nị.

Ahẹ Ụgama 17:13

Ẹnẹyịmavara, navọ wa kwẹẹtẹ tù wa, dị wa gụ wa hyẹdụ Navọ wa tụ̀ ụhwọ tù aza edivi ẹnẹnị dị wa dọ mị tụ́ de.

2 Ohinọyị 19:25

Ọ kà, aanị ka wẹ́ yị wụ ọ ka, o si ku ọnị ọnị hụrẹ mẹ eto avaba ọsọnị tịtẹ? Ọnị ọ va sị ọ mẹ booro aanị. Ọnị ộ sị ụkata yị wụ ka wa jị ẹkụra ana jị ọvọ kara eburu.

1 Ịsamụwẹrị 2:2

Ẹ yị nyị ọza ikonya ana vị ọnịnị anka Ẹnẹyịmavara. Ẹ yị nyị ẹngụ anị. Ẹ yị rẹ nyị ọza ẹnẹsa ene zu sere ọza anka Ohomorihi ayị.

Ẹtore 1:11

Dị ọ ka, “Chẹrẹ ịsị u wèe re tụ́ ini iwe, dị ụ wa sị tụ́ nọ ịnị ịragụ Ohomorihi ịhịmba ene hi ịnị ẹtẹ Esiya: Ẹhwẹsọsị, Ịsịmụna, Ipagamụmị, Itiyatira, Isaadisi, Ihwiradehwiya ọnịrị Irayodesiya.”

Ijeremaya 5:18

Ẹnẹyịmavara kà, ịjị ụmẹ ọnọọ ọọ vavọọ tu, ọnị ẹ yị vee vu aza anị ẹtẹ saka-saka.

Ijeremaya 4:27

Ẹnẹyịmavara ộ vịdị sị ọ ka ka, ọnị vaa jị avaba ẹhẹ eburu, ama ọnị e yi vee vu avaba anị ẹtẹ saka-saka.

Ayịsaya 57:15

Ẹma vị Ohomorihi ọnịnị ana nẹba nị. Ẹma yàra pooro zịna nị. Aha ana nẹba dị ọ vị ọnịnị mị ra nị. Ama mị rẹẹ raa pe aza ana ka ẹngụ ẹnịnị chi, di e ro ịnẹ varẹma. Ọ vaa mẹ ka ma mẹ ka ayị ẹnịnị ọ̀ vana nẹtẹ, dị ẹ rẹ nyị ọyịtureyi.

Oyinyima 21:33

Di Abụrahamị chire ọchị ana aā hị́ Ịtamasiki tụ́ Ịbẹẹsẹba nị. Dị ọ yà ịzọọ mẹ̀ aduwa yị Ẹnẹyịmavara, Ohomorihi ana yà ịzọọ pooro zịna-zịna nị.

Ahẹ Ụgama 102:24

Dị mị va ka Ohomorihi amị, asị ụ yị sị mị hụụnị ẹhẹ dê, wáā yẹ ka ẹwụ vị ana yà ịzọọ pooro zịna-zịna

Ayịsaya 31:1

Ẹwụ nịnị ana nọ Ijipiti ka vi u wee nee sì ọgụvọ nịnị, wa sị dà nịnị, we yi re ẹpẹ sị va. Mị ka ẹwụ nịnị ana sị ayị tụra umaata Anijipiti ka ệ mẹ̀hị rụrụ, ọnịrị ka ệ nyị ọmụha ana aā sị umaataa kù ịrẹkụ, wa sị dà nịnị. Wẹ yị kụkụ zẹẹ ka wa sị ayị tụra Ohomorihi ọnịnị ana Anisirẹrị aa hẹkẹ. Wẹ yị kụkụ ne tù ọ nịnị ka ọ̀ gụ wụ nịnị ụvọ.

Ayịsaya 37:23

Eni u ro ka ụ maanị aa kụ̀ ụhụ, dị waa sị ọ me enyinyị? Wẹ́ yị sị ụbanyị yị ẹmị Ohomorihi Anisirẹrị ẹnẹ ẹ̀ yị nyị ẹngụ anị.

Ihabaku 3:6

Ẹnẹyịmavara ọ̀ọ jẹẹ kẹnẹ dị ẹtẹ e ziizi. Ọ̀ọ kana eyi kẹnẹ, dị ivoovo sị aza za, dị ataba ana jẹẹ hụrẹ ụmọrụmọ aa gara rugurugu va hi ẹtẹ. Ama Ohomorihi ẹ yị maa vara.

Ịmarakayị 3:5

Ẹnẹyịmavara Ochẹtẹẹngụ ka, ọnị vaa ka pe wa dị ọnị ọ mẹ̀ ọkarẹyị yị wa. Dị ọnị ụsẹ jị ịvị yị aza ana aa mẹ ẹbẹ, ọnịrị ọsẹrẹka nịnị, ne beri aza ana aa hị́ eku iruku, ọnịrị aza ana aa mẹ anụkọrọ rị, aza ana aa mẹ ẹvaya yị osoku nịnị ọnịrị ozi oku nịnị ne beri azọga ọnịrị aza ẹnẹ ẹ yị nyị angwahi anị.

Ahẹ Ụgama 74:12

Ohomorihi ẹwa vị ohinọyị ayị hụrẹ ụmọrụmọ nị, wa raà dọ yị há éyi anẹhẹ.

Ahẹ Ụgama 90:1

Ananyị yị, ịda awụ ị tẹ hụrẹ ụmọrụmọ nọ.

Ahẹ Ụgama 149:2

Ẹwụ nịnị Anisirẹrị, waa jẹ agụvị Ohomorihi ana mẹ wụ nịnị. Ẹwụ nịnị Anịzayọnị, waa jẹ agụvị ohinọyị awụ nịnị.