Ịdanịyẹrị 7:2 - IWE ỌNỊNỊ

² Ịdanịyẹrị ka, ọnị maa rá ụra ịrahụ, ọnị ô re ka ahị aa tụ́ kukuku hụrị eyi ụvọnị-ụvọnị ẹbẹẹba. Dị ọ mẹ ka enyi ịnị oku ộ dà vụụvụ nị.

Ịdanịyẹrị 7:2 Referans Kwoze

Ẹtore 7:1

Ịjị ịsa ẹnẹẹ sị mẹ kwooze, di mi re anggẹẹrị ẹẹna, ẹ mẹ̀ jẹẹ eyi ẹẹna ẹnẹ ẹhẹ kụ́ ịrẹsụ gẹ nị. Dị ẹ za ahị eyi ẹẹna ẹhẹ ka asị ẹ tụ́ ku ẹhẹ, àa vị oku, àa daka vị ọchị ọnyọọnyị.

Ẹtore 17:15

Dị anggẹẹrị ọnọọ rẹ kà a mị ka okuha oni mi re avọọ ọnị ọsẹrẹka ọnọọ yaayịtẹ ịrẹsụ anị vị ana jẹẹ yị ẹkụra nịnị ọnịrị aza nịnị ne beri aza irenyi-irenyi ana aa kà ẹkụra irenyi-renyi.

Imatiwu 24:31

Dị ọpanyị ọbanyị ọnya sụ́ ịrẹyị, dị mị tụ́ anggẹẹrị amị nịnị ka ẹ̀ nọ avaba ẹhẹ, dị ẹ̀ na kụ́ avaba aza amị gụ hụrẹ avaba aha ịzị ẹhẹ ọnịrị ẹbẹẹba na ta hi.

Ijeremaya 49:36

Ọ kà ọnị vaa tụ́ ahị hụrị oze ẹyịna ẹbẹẹba a ku Anerami nịnị, dị ọnị gara wa hi avaba aha. Ẹ́ yị vaa nyị ẹkụra ọnị aza ana a du hụrị Erami è yi vee zwè naa ngụ.

Ịdanịyẹrị 2:19

Ịrahụ ọnọọ dị Ohomorihi sị ụra ọnị ọza ẹ yị yẹ́ aanị zụ Ịdanịyẹrị nị. Ịdanịyẹrị sị ụga yị Ohomorihi ana nyị ẹbẹẹba,

Ịdanịyẹrị 7:7

Ịrẹma ọnọọ, di oni re re uye ọhụna ka ộ va jẹẹ nị. Ọnọnị ộ nyị ụkata ẹtẹẹtẹrẹ, ọza òo re e vị ayị aa hụrẹ ẹ ịnẹ nị. Anyị anị vị ana sị mẹẹ anka enyusẹ avọọ. Ịsị ọ̀ọ za vị ọnị ọọ̄ nà aa rị chẹkẹ-chẹkẹ, dị ọ sị ahụ gara ana vọ ha nị. Ọ kà uye ọnọnị e yi vene uye ana vọ ọnị ọnị vịdị re. Ọnọnị ộ nyị ọpanyị ẹẹwụ.

Ịdanịyẹrị 7:13

Ịdanịyẹrị ka ịnị ẹtẹ ọnị ọnị re ịrahụ, ọnị ô re ịsị ẹ sị mẹẹ anka ọza avọọ ka aa vẹ ịnị akakana eguhi. Dị a sị ọ ne tu ọza ana ya ịzọọ hụrị ụmọrụmọ aanị nị.

Ịdanịyẹrị 8:2

Ọ kà ọnị ô re ẹngụ anị ẹkụra ana aā hị́ Isusa ana vị aha ọ yị yaatụ ịjọva ẹtẹ Erami. Dị ọnị ré ka ọnị jẹẹ ụtọ irehu ana aā hị́ Urayi nị.

Ịdanịyẹrị 8:8

Dị ịdẹ ọnọnị ọnị rẹ kụkụ e wù, dị aa mẹ kàrà-kàrà zị nị. Ộ maanị ta jẹẹ kẹnẹ, dị e che e ọpanyị nị. Dị ọpanyị ẹẹna nyị dọ e ne che aanị ịrẹsụ nị. Ẹnịnị vị ana va eyi ka aha irenyi-irenyi.

Ịdanịyẹrị 11:4

Ụmẹ ọnị ọ̀ọ maanị ta jẹẹ kẹnẹ, ịjọva anị vaa gara, dị ọ gà tụ oze ẹẹna. Ama oze ọnyara ẹ yị hyakụ ve tu ịpa evere anị ọ yị mẹ ohinọyị tụra. Ẹ yị vị ẹngụ ịjọva ọnị ọ sị ụkata mẹ avọọ a vanaa mẹ tụra wa ịrẹsụ.

Ịzakaraya 6:5

Dị anggẹẹrị tụ́ ohi, dị ọ ka, Ẹnị ẹyịna vị ụhwẹ ana hụrị ẹbẹẹba chi vẹ. Ẹnịnị vị ana aa jịnẹ tụ́ ẹhẹ ịrẹma ọnị ẹ raà jẹẹ ọvịdị Ẹnẹyịmavara ana nyị ẹhẹ ọnọnị.

Ayịsaya 17:12

Kwaa, wáā wụ́ ekuku anẹkụra irenyi-irenyi ana aa vẹ? Ẹ yaa jị ayịị vẹ anka ókū mèẹ jị ayị, avọọ. Wáā wụ́ aza ẹnẹẹ mèe nowu? Eyee nowu anka adagu mẹ̀ẹ dà vụụ-vụụ avọọ.

Ijeremaya 51:42

Ẹngụkata oo tu Ịbabịrọnị anka enyi ịnị oku ọ̀ọ rere aa jị ayị dị ọ dà ve ku ọ avọọ.