Biblia Todo Logo
Bib sou entènèt

- Piblisite -




Ịdanịyẹrị 4:3 - IWE ỌNỊNỊ

3 Ọ kà, ụkọrọ ohyozirenu oni Ohomorihi sị zụ ẹnị ộ da banyị kẹnẹ. Ụkọrọ ịvọpa anị ộ banyị. Ọ kà, Ohomorihi ọ vị ohinọyị ana vaa mẹ ịjọva pooro nị.

Gade chapit la Kopi




Ịdanịyẹrị 4:3
29 Referans Kwoze  

Ẹnẹyịmavara, ẹwa vị ohinọyị pooro zịna-zịna nị. Avọọ ụ mẹ vaa mịị mẹ ohinọyị pooro nị. (Ịsa ẹnị Ẹnẹyịmavara ọ̀ọ ka ọnị vaa mẹ, ẹ yị zụ nyị ka ọ yị mẹ̀ ẹ. Vị ọ nyayịnẹ sì ịrẹyị avaba ịsa ọnị ọ tụ́ nị.)


Ịnị ụmẹ ọnị ohinọyị ẹnẹnị ẹ̀ẹ vavọọ àa mẹ ịjọva, Ohomorihi ana nyị ẹbẹẹba vaa sị ohinọyị ọnyara rị ọnị ọza ẹ̀ yị ve zuu zizi. Ọnị ọ vaa gara avaba ịzị ohinọyị ana vọ yaa mẹ ịjọvaa ha nị. Ama ọnị vana vaa jẹẹ pooro.


Ẹnẹyịmavara, ẹwa vị Ohomorihi amị nọ; Mị vaa sị ụbanyịị yị wụ ẹtẹẹtẹrẹ. Wâ dà nyị ịzẹyịza kẹnẹ. Wa raà mẹ̀ ịsa ohyozirenu ẹbanyị-ẹbanyị; ọnị ụ ka ụ vaa mẹ̀ hụrẹ ụmọrụmọ, avọọ ụ mẹ̀ yị va mẹ̀ ẹ nị.


Ọ kà, â sị ụkata ọnịrị ụbanyị ohinọyịị yọ, agụvị dị avaba anẹhẹ ẹẹ hẹkẹ ẹ. Ụkata anị ọnịrị ịjọva ọnị ọ vaa mẹ̀ ẹ yị vaa nyị ẹzẹtẹ.


Anggẹẹrị ọhụhịmba ô hú ọpanyị anị. Dị ọngwẹ ẹbanyị-ẹbanyị aa kà ịrẹyị ẹ́bẹẹba nị, dị ẹ ka, “Ịjọva ẹhẹ ọnọnị, ọ sị vara ịjọva Ohomorihi ọnịrị Óohinọyị anị ọnị ọ nyị ka ọ̀ dọ ọza há. Ọnị ọ vaa vị ohinọyị pooro zịna-zịna nị!”


Ama Ohomorihi ộ kà a yị Ozi anị ka, “Ohomorihi, ịjọva ọnị ụ waa mẹ vị ana vaa yà pooro zịna-zịna. Ịzẹyịza ụ vaa sị mẹ ohinọyị awụ nị.


Aza ẹ̀ẹ sị ụbanyị ọnịrị igirimaa yị Ohomorihi pooro zịna-zịna! Ọnị ọ vị ohinọyị pooro zịna-zịna nị; o mē sú, ọza o mē ree. Ọnị kẹnẹ ọ vị Ohomorihi nị. Aamị.


Ịjọnọọ, Ohomorihi ene hu keekere vaa sị ụkata ọnịrị ụbanyị ọ yị mẹ ịjọvaa chire aza anịị ụvọ. Ẹnịnị vaa mẹ ịjọva pooro zịna-zịna. Avaba ohinọyị ẹkụra nịnị vee ku ẹtẹẹ kụ́ wa, dị ẹ yaa wụ́ụ chire wa.


Ọza ana àa kà ịrẹyị, ọ̀ọ kà a dị aza ẹ̀ yẹ ka Ohomorihi ọ sị ịrẹyị ọnọọ yọ nị. Ọza ana àaa mẹ ọgụvọọ yị ọza, ọ̀ọ sị avaba ụkata ọnị Ohomorihi sị yọọ mẹẹ. Wa vavọọ mẹ nịnị, agụvị dị aza ẹ̀ẹ sị ụgaa yị Ohomorihi ịnị avaba ịsavị-ịsavị agụvị Ijeesu Ikirisiti. Ohomorihi ọ nyị igirima ọnịrị ụkata nị, avọọ ọ mẹ vaa yà pooro zịna-zịna nị. Aamị.


Ohomorihi ọnị ọ rẹ dọ ivenu tụ́ ọọ ini oze ụkọrọ apọtẹrẹwa ọnịrị ohyozirenu irenyi-irenyi ana aa mẹ; ọ rẹ mẹ ka Ụhwẹ Ọnịnị anị ọ̀ sị ụkata irenyi-irenyi yị ọzọza anka o mè sì ọọ.


Ama Ẹnẹyịmavara ọ vị Ohomorihi obooro nị. Ọnị ọ vị Ohomorihi ana yara nị. Ọnị ọ vị Ohinọyị pooro zịna-zịna nị. Ẹnẹyịmavara àaa kụ ayị, avaba ẹhẹ vị ene e zizi. Anẹhẹ ẹ yị zụ jẹẹ zị ọ àaa kụ ayị.


dị ẹ na mẹ̀ ụkọrọ ịvọpa ẹbanyị-ẹbanyị ịda Anijipiti nịnị ịnị ẹtẹ Ihami nị.


Anggẹẹrị nịnị ene tenyi ẹngụ dị ẹ sị eyi pe ẹtẹ ẹtẹẹtẹrẹ aanị, ẹ kà ịrẹyị ẹnẹnị nị. Agụvị avọọ avaba aza ẹ̀ yẹ́ ka Ohomorihi ene hu kere-kere ọ nyị ụkata tụ ịrẹsụ ịjọva avaba anẹhẹ nị. Ọza ene èe ze e eyi kẹnẹ ọ nyẹngụ sị yị nị, ọ̀ọ daka vị ọza ana hịmị hu kere-kere.


Ẹnẹyịmavara ana nyị ụkata ọ rẹ sị sị zụ̀ aza ka ẹ̀ vavọọ yara mẹ̀ ẹ nị. Á yị nyị ọza ana zụ yẹ ịsa ẹnị Ẹnẹyịmavara aa mẹ. Ịrẹyọyẹ anị ộ dẹngụ ẹnẹmẹhị.


Ụkata Ịjọva anị vị ana vaa hịrẹ ūna hu avọọ, Ẹngwọọrọ ọnị ọ vaa sị vẹ ọ ma vana ta pàá zịna-zịna. Ọnị ọ vaa vị ohinọyị dọ Idevidi ịrẹsụ nị. Ịzẹyịza ọnịrị ebira ana vọrọ ọ vaa sị sị ịjọva anịị jẹẹ pooro nị. Ẹnẹyịmavara Ochẹtẹẹngụ ọ sị ẹngụ tenyi ka avọọ ọnị maa mẹ̀ ẹ nị.


Ẹnẹyịmavara, ụkọrọ awụ ộ dà rụrụ kẹnẹ, ịrẹyọyẹ ụ vavọọ sị mẹ avaba anị nị. Ẹwa mẹ avaba ịsa ene hi ẹhẹ nị.


Ẹnẹyịmavara, ụkọrọ awụ ộ dà banyị kẹnẹ, avọọ u me ree ro ịrẹyịị nyịnẹ nị.


Ẹwụ ịnya chọ̀chọ̀chọ̀ ọ vị Ohomorihi nị. Wâ nyị ụbanyị, avọọ ụ mẹ̀ ịsa ẹbanyị-ẹbanyị nị.


Wâ zị oze ini òkū, ana aa dà vụụ-vụụ dị ụ vavọọ há a na para hu nị, ama ọza o yi re ịpa ahụ awụ.


Ẹnẹyịmavara, ana vị Ohomorihi Anisirẹrị, yâ kụ́ wụ avọ. Ẹwụ nya kẹnẹ ọ maanị mẹ ịrẹyị ẹbanyị-ẹbanyị nị.


Ụkata ẹngụ anị aa sịị mẹ ohinọyị pooro zịna-zịna nị. Ee re avaba anẹhẹ, Asị a nyị ọza ene ne hira ka vị ẹnị aa kwẹẹtẹ tù ọ nị.


Ohomorihi ọ nyị ụkata ene chi ẹhẹ ẹngụ. Avọọ ọzọza o hị́ angwa anị dị ọ sị ụbanyị yọ. Ọnị ọ mẹ ka aa nyị ẹngwọọrọ ini ihinẹba nị.


Áá nyị ori ana nyayịnẹ nọ ẹkụra ọsa na kụ aza, dị ọ mẹ wa aza anị anka Ẹnẹyịmavara Ohomorihi ẹnịnị mẹẹ mẹ wa ịnị ẹtẹ Ijipiti? Imosiisi kà a eyi ẹnịnị Ohomorihi sị kụ akanya ọnịrị ịrẹkụ tu Anijipiti nị. Ộ sị ụkata ọbanyị anị mẹ ịvọpa beri apọtẹrẹwa ọrụrụ-ọrụrụ ene chire aza angwa.


Ohomorihi ộ da nyị ụbanyị kẹnẹ! Ohomorihi ộ yẹ ịrẹyị ẹtẹẹtẹrẹ ọnị ọza ọ̀yị zụ kà. Ịsị Ohomorihi ọ̀ọ ka ọnị aa mẹ, ẹ yị nyị ọza ana zụ yẹ oze ana aa zịị mẹẹ. Ẹnẹ ka ọnị ộ yẹ oze Ohomorihi?


Obooboro ọnọọ dị ọ tụ́ hị́ avaba ẹnị ọmahọnọ anị, aza eneē ré ẹtẹẹ yọ, Anajuwe anị nịnị ẹnịrị ọpọchị anị nịnị ka, ẹ̀ va kà a yị ọnị ụra ọnị ọnị ra nị. Ịzẹyịza dị ẹnịnị ve tu ọ nị.


Swiv nou:

Piblisite


Piblisite