Ịdanịyẹrị 1:9 - IWE ỌNỊNỊ

⁹ Ohomorihi ộ mẹ̀ ka Asipenazi ọ ngụ ayị ịdanịyẹrị ẹtẹẹtẹrẹ.

Ịdanịyẹrị 1:9 Referans Kwoze

Oyinyima 39:21

Ama Ẹnẹyịmavara vị ana jẹ ịrẹma Ijosẹẹhụ. Ô yi hi ayị Ijosẹẹhụ, dị ọ mẹ ka ọga aza ene sị eyi pè anịnẹngwa è sì ịrẹyị Ijosẹẹhụ nị.

Ụhịrẹyị 16:7

Ọza ọ̀ọ mẹ̀ ebira ana ngụ Ẹnẹyịmavara eyi, dị ọ mẹ̀ ka ọnịrị ọnịvị nịnị e zee.

Ahẹ Ụgama 106:46

Dị ọ mẹ ka avaba aza ana za wa ọrịhị ẹ̀ vayị ẹnịnị nị.

1 Ohinọyị 8:50

dị wa va gu wa ini ebira odivi irenyi-irenyi ẹnị ẹ mẹ hi wu. Dị wa navọ wa vayị ẹnịnị éyi ọza ana za wa ọrịhị agụvị dị ẹnị ẹ̀ rẹ zụ vayị ẹnịnị.

Inehemaya 2:4

Dị ohinọyị họ̀ ọ use ka ịsị e si ka ọnị ọ mẹ tụ ọ? Dị Inehemaya mẹ̀ aduwa hi Ohomorihi ana nyị ẹbẹẹba.

Odeyi 7:10

dị ọ dọ ọ tụ́ hụụnị avaba ụyọrị anị nị. Ohomorihi ộ sị ịrẹyọyẹ yị Ijosẹẹhụ, ộ mẹ̀ ka Ihwarawo, ọnị ọ vị ka ohinọyị Anijipiti ò sì ịrẹyị anị. Dị Ihwarawo sị Ijosẹẹhụ mẹ ọga Anijipiti ọnịrị avaba irehi anị nị.

Ahẹ Ụgama 4:3

Tamayị ka Ẹnẹyịmavara vị ana nyị ọnịzẹyịza jẹẹ yị ẹngụ anị. Mèe nowu hị́ ọ, ọ vaa ba mị owu.

Inehemaya 1:11

Dị ọ ka, Ananyị yị ọ̀ navọ ọ̀ wụ́ aduwa anị ọnịrị aduwa ezi ahụ ana vọ anaa sị ụbanyị yị ọ. Ẹnẹyịmavara ọ̀ gụ ọnị ụvọ ịnị ịsa ọnị ọnị ọ̀ọ họ̀ use anị hụụnị ụvọ ohinọyị. Ọ̀ mẹ ka ohinọyị ọ̀ nyị ayamva yị ọnị. Ịnị ụmẹ ọnọọ, Inehemaya ọ vị ọza ene si eyi pe ịsọyịrị ohinọyị.

Oyinyima 32:28

Dị ọza ọnọọ ka, “Vị Ijekọvụ a kụkụ vaa hị́ ọ, ọnị ọ ka ọnị ọ kụkụ rị Isirẹrị nị, agụvị ka o re è pè Ohomorihi ọnịrị aza vụ̀ ịrẹvụ, ọ sị wa hu.”

Ijoovu 5:15

Ohomorihi aa dọ onosiye ha hụụnị ịrẹyị odivi ọnịrị ẹvaya aza edivi nị.

Ijoovu 5:16

Avọọ onosiye nịnị nyẹngụ sị ayị tụra a dị aza edivi e yi re oze mẹ wa rị nị.

Ịdanịyẹrị 1:10

Dị ọ kà a yị Ịdanịyẹrị ka angwa e hi ọnị, agụvị ka, ohinọyị ana kà a ẹngụ ịsọyịrị ọnịrị eche ọnị ọ ka àa sị yị wa òo ne re ka ọchẹngụ anị ọ̀ọ jị ọsa nye yị ọpọọpa anị ana vọ, vị aa wụ ọnị nị.

Ẹsịta 2:9

Ebira Ẹsịta ô ze e eyi. Dị aa ngụ ayị anị nị. Dị Ihegayi wụsẹ kụ́ ẹnya ọvị ana aā sị yi ọza yọ nị. Dị ọ rẹ sị ịsọyịrị ọba irenyi yọ nị. Dị ọ nyị ezi anyẹnẹẹ ịhịmba hụụ ịda ohinọyị yọ nị. Dị ọ sị aha ene hu kere-kere yọ ọnịrị ezi anẹẹ ene hi ịnị ọba anyẹnẹẹ nị.