Ẹtore 7:10 - IWE ỌNỊNỊ

¹⁰ Di e nowu tụ́ ẹba, dị ẹ ka: Ohomorihi ayị ana yaayịtẹ ịrẹsụ aga ohinọyị ọnịrị Ozi atẹmẹ ọọ̄ dọ ọza ha nị.

Ẹtore 7:10 Referans Kwoze

Ẹtore 19:1

Ịrẹma ẹnẹẹ, mâ wụ́ ọngwẹ ọbanyị ẹnyị ana sị mẹẹ anka ọngwẹ ọkọnị aza avọọ ẹ́bẹẹba nị. Di eyee nowu ka, “À sị ụga yị Ẹnẹyịmavara. Ẹdọha ọnịrị ụbanyị beri igirima ọnịrị ụkata vị ana hụụnị ụvọ Ohomorihi Ananyị yị vẹ.

Ahẹ Ụgama 3:8

Ẹnẹyịmavara ẹwaā dọ ọzaa ha nị. Navọ wa mẹ ka ò zee yị aza awụ.

Ẹtore 12:10

Dị mị wụ́ ọngwẹ ọbanyị ọnya ẹbẹẹba, dị aa kà a ka: Ohomorihi o si ehuna nyị booro aanị! Ohomorihi ayị ọ raà sị zụ̀ ka ọnị ọ nyị ụkata, dị ọnị rẹ vị ohinọyị nị. Ohinọyị anị ọnị ọ nyị ka ọ̀ dọ yị há ọ raà sị ọda anị zụ̀. Ọza ana yà ọvịdị Ohomorihi dị aa sị ịrẹyị anda ayị nịnị ị tụ́ ịrẹka ọọdụ ọnịrị ịrahụ, a sị ọọ dụ jịnẹ hụrị ẹbẹẹba.

Ayịsaya 45:21

Ẹ kụ ịrẹsụ gẹ, dị ẹ ka ọgụvọ sị ori ọnị ẹ yaa hẹkẹ aa mẹ yị wa. Aanị ka ọnị ẹ yị vịdị ka yị wa hụrị ụmọrụmọ ịsa ana vaa mẹ? Á vị ọnị Ẹnẹyịmavara ọ vị Ohomorihi ọnịrẹyịzẹyịza ana dọ aza anị ha. Ẹ yị nyị Ohomorihi ọsa ịrẹma anị.

Ẹtore 22:3

Ẹ yị nyị ịsa oni Ohomorihi si chi hi ene vee re ịzọọ. Aga Ohomorihi ohinọyị ọnịrị Ozi Atẹmẹ ẹ vaa yà ịzọọ nị. Dị ezi ahị anị aa hẹkẹ ẹ.

Anẹhwẹsọsị 2:8

Vị Ohomorihi vayị awụ nịnị kẹnẹ, dị ọ dọ wụ nịnị há, ụ mẹ̀ sị ayị tụraa nịnị nị. Ayị vị agụvị ịsị ụ mẹ nịnị, vị Ohomorihi sị yị wụ nịnị ọọhẹ kẹnẹ nị.

Ịjọọnụ 1:29

Eyinẹhẹ anị, Ịjọọnụ ô re Ijeesu, ọ màa vẹ ịdị anị. Dị ịjọọnụ ka, “Wee re Ozi Atẹmẹ Ohomorihi ana a vaa sị mẹ̀ ịsọvọ dị ọ̀ kụ̀ ịvị anẹhẹ kwooze!

Ayịsaya 43:11

Ọ kà, “Ẹmị, Ẹma vị Ẹnẹyịmavara nị. Ẹ yị nyị ọza ẹnẹsa ịrẹma amị ana zụ dọ ọza ha.

Ẹtore 21:5

Dị ọza ana yaayịtẹ ịrẹsụ aga ohinọyị ọnọọ ka, “Re, maa mẹ̀ ka avaba ịsa ẹ̀ vị ọwọọwa.” Dị ọ rẹ kà a mị ka ma chẹrẹẹ nị, agụvị ka ịrẹyị ẹnẹnị vị ịzẹyịza, ẹ yị nyị ireche ịnị anị.

Iruuku 3:6

Avaba anẹhẹ vee re, Óhomorihi mẹmẹ aa dọ azaa há.’ ”

Ijeremaya 3:23

Ẹ ka, ori ọnị ẹnị aa hẹkẹ ngụ ịnị atabaa zị, ọnịrị eche ọnị ẹnị ee hú zị ka vị ẹnị aa mẹ ahẹkẹ aanị nị vị evene kẹnẹ. Ẹnẹyịmavara Ohomorihi kẹnẹ ọ vaa dọ Anisirẹrị ha nị.

Ẹtore 5:7

Dị ọ vẹ, dị ọ va sị iwe ọnọọ hụụnị ụvọrị ọza ana yaayịtẹ ịnị aga ohinọyị ọnọọ nị.

Ẹtore 4:6

A rẹ nyị oku ọnya aanị ọ́vịdị aga ọnọọ; vị ọ sị mẹẹ anka ore avọọ nị, ô nyeeyi ẹtẹẹtẹrẹ. A rẹ nyị ịsa ẹẹna ẹnyị aanị ana nyị ụhwẹ, ana jẹẹ kara aga ohinọyị ọnọọ. Ịrẹma ẹnịnị ọnịrị ọvịdị ẹnịnị vị eyi-eyi.

Ịjọọnụ 4:22

Ẹwụ nịnị vị ana aa hẹkẹ ọza ọnị ụ wẹ̀ yị yẹ nịnị; ama àa vị ẹyịị yọ, yâ yẹ ọza ọnị yaa hẹkẹ, agụvị ka ọza ana vaa dọ ọzaa há vị ana vaa hụrẹ ịdị Aniju nịnị ị vẹ.

Ịjọọnụ 1:36

Ị́jọọnụ mè re ka Ijeesu aa parahu, dị ọ rẹ ka, “Wee re Ozi Atẹmẹ Ohomorihi!”

Ịzakaraya 9:9

Aza ene hi Ịzayọnị ẹẹ jẹ, dị aza ene hi Ijerusarẹmị ee nowu ịrajẹ. Ree, ohinọyị awụ nịnị aa vẹ ịda awụ nịnị. Ọ nyị ịzẹyịza ọnịrị ẹdọha. Ọza hẹẹ ọ vị nị, ọ́ọ tụra ịkẹrịkẹtẹ, ozi ịkẹrịkẹtẹ araka ọ tura nị.

Ijona 2:9

Ama ọnị vaa jị ahẹ gono Ẹnẹyịmavara, dị ọnị mẹ̀ ịsọvọọ yọ, dị ọnị jị ahẹ kụ́ ọ avọọ. Dị ọnị mẹ̀ ịsa ọnị ọnị zẹẹ ịzẹzẹ anịị yọ. Dị ọ ka Ẹnẹyịmavara ọọ̄ dọ ọzaa ha nị

Ihoseya 13:4

Ẹnẹyịmavara kà ọnị ọ vị Ẹnẹyịmavara Ohomorihi ẹnịnị ana dọ wa ha hụụnị ụvọ Anigipiti ana za wa ọrịhị nị. Asị a nyị ịsa ọnyọọnyị ẹnị ẹ mẹ Ohomorihi ẹnịnị ẹ vị ọnị. Ẹ yị nyị ọdọzaha ọsa.

Ayịsaya 45:15

Ohomorihi Anisirẹrị ana dọ wa ha vị Ohomorihi ana sị ẹngụ tẹ̀.

Ahẹ Ụgama 115:1

Ẹnẹyịmavara, ẹwụ ịnyara kẹnẹ a vọrọ ka àa sị ụbanyịị yị nị. A yị nyị aayị ịnị anị vụrụ-vụrụ, agụvị ka uū sì ịrẹyị ọza, dị ahịka ịzẹyịza ụ rẹẹ mẹ nị.

Ahẹ Ụgama 37:39

Ẹnẹyịmavara ọọ̄ dọ aza ana aa mẹ ịzẹyịza há nị. Ịjị akanya ọ̀ọ vẹ dị ọ sị ọtụ kà wa ịrẹma.

Ịzakaraya 4:7

Akanya ọ̀ọ daka ya anka ataba, eyi Izerubabẹrị aa ta hi eteesu nị. Ọnị aa da irehi Ohomorihi nị. Ọ̀ọ maanị aa sị ịrẹta ọdịrẹma tụra a kẹnẹ, dị avaba aza aa kà booro-booro ka irehi ọnọọ o zoza.