Ẹtore 3:9 - IWE ỌNỊNỊ

⁹ Re, aza ana vị ezirẹma Echu ene ee cheeche ka Aniju ẹ́nị vị nị, dị ẹ̀yị vị Aniju avọọ, mị vaa mẹ ka è ve ku ẹtẹ ọ́vịdị awụ, dị ẹ̀ yẹ ka mée sì ịrẹyị awụ.

Ẹtore 3:9 Referans Kwoze

Ẹtore 2:9

Mâ yẹ ụya ọnị waa rị ọnịrị osiye oni u wee re; ama àa ka à na kà, wá nyị ịsa nịnị. Mâ yẹ ịrẹyị odivi ana aza ana ka ẹnị vị Aniju aa kà. Ama ẹnịnị ẹ yị vị Aniju, ezirẹma Echu ẹ̀ vị nị.

Ayịsaya 60:14

Ezi ọnịvị awụ nịnị ana nyị ịhyẹrẹ awụ nịnị, dị ẹ sị ụya rị wụ nịnị vee ku ẹtẹ agada awụ nịnị. Ẹ vaa hị́ Ijerusarẹmị Ịzayọnị, ẹkụra Ẹnẹyịmavara, aha ọnịnị Isirẹrị.

Ayịsaya 49:23

Ohinọyị anẹkụra nịnị ịzị a ya pa ezi ẹnẹẹ vaa va ku ẹtẹ yị wụ, dị ẹ tẹsị awụ anka ọrịhị mẹẹ̄ tẹsị adarehi anị avọọ. Isirẹrị vaa yẹ ka ọnị ọ vị Ẹnẹyịmavara nị. Aza ana àa sị ayị tụra a, ọ yị vaa va ịrẹma anị.

Ayịsaya 45:14

Ẹnẹyịmavara ộ kà yị Anisirẹrị nịnị ka ogu Anijipiti ọnịrị Anetiyopiya vaa vị ẹnịnị. Anọrụ Aniseba ana hụ huna ẹnịnị vị ẹnị vaa za ọrịhị ẹnịnị, dị ẹ tụ wa ịchẹkẹchẹkẹ saasa ẹngụ ne eehi. E vee ku ẹtẹ ọvịdị ẹnịnị, dị ẹ dọ irenu ka Ohomorihi ya pe wa, ka ẹ yị nyị Ohomorihi ọsa ịrẹma anị.

Ayịsaya 43:4

Agụvị ka wâ nyị irihi ini eyi amị nịnị, mâ sị ụbanyị wụ nịnị, dị mị sì ịrẹyị awụ nịnị nị. Mâ hụrẹ aza ụvọ ụvị dị ụ wa ha nịnị. Mâ sị anẹkụra nịnị vara wụ nịnị, ụvị dị ụ wa yàra nịnị.

Ẹsịta 8:17

Dị avaba Aniju ene hi ịzị ọda ọnọọ tù ịnị ẹtẹ ọnọọ aa rị eche anị. Dị aahẹ aa sụ́ ịrẹyị kuu ịnị avaba ẹtẹ ọnọọ nị. Dị angwahi sị ngụ aza ana vọ ẹngụ nị. Dị aza ọrụrụ-ọrụrụ anẹkụra irenyi-irenyi kụkụ aa hí ẹngụ ẹnịnị Aniju nị.

Ọyịkụra 11:8

Dị ọ rẹ ka Ẹnẹyịmavara kà avaba anụkọrọ Ihwarawo vaa vẹ dị ẹ va tana tụra ẹtẹ yị ọnị Imosiisi, dị ẹ dị ẹ ka ọnịrị avaba aza ana saasa ọnị, ẹnị ẹ̀ẹ na. Di Imosiisi ka ọ̀ọ vavọọ sị mẹ, dị ọnị aa na ọgọnị. Ịjọnọọ ayị ọ sị kụ́ Imosiisi, dị ọ jị ayị hụụ ịda Ihwarawo nị.

1 Ịsamụwẹrị 2:36

Àa na nyị anovwoovu awụ ana vọ tụ́ ẹhẹ, ẹnịnị vị ana vaa nọ ịda ohirẹsụ irehi Ohomorihi ọnị maa kà aanị, dị ẹ naa pà ẹkẹhị ọnịrị ịsọyịrị. Ẹ va naa dá ịpẹ ka à navọ ẹnị ẹ̀ẹ mẹ ọgụvọọ yị ohirẹsụ irehi Ohomorihi ịsavọọ ẹnị è zụ re ịsa rị.

Ịjọọnụ 17:23

Ẹmịrị wa vị ọnya, dị ẹmịrị ẹwụ rẹ vị ọnya nị, agụvị dị ẹnịnị ẹ̀ zụ vị ọnya chọchọchọ, dị anẹhẹ ẹ̀ zụ yẹ ka ẹwa tụ́ mị vẹ ẹhẹ nị. Dị ẹ̀ rẹ yẹ ka wê sì ịrẹyị ẹnịnị, anka u mè sị̀ ịrẹyị amị.