Ẹtore 21:1 - IWE ỌNỊNỊ

¹ Di mi re ẹbẹẹba ọwọọwa ọnịrị ẹhẹ ọwọọwa nị, agụvị ka ẹbẹẹba ịpaapa ọnịrị ẹhẹ ịpaapa ẹ́ẹ ta. Òkū ọnị ọ rẹ sị wụ.

Ẹtore 21:1 Referans Kwoze

2Ipita 3:13

Ohomorihi ộ kà a ka ẹ́ yị zụ nyị ọnị ọyị vaa mẹ ẹbẹẹba ọwọọwa, dị ọnị rẹ mẹ ẹhẹ ọwọọwa. Ịzọọ, avaba ịsa vị ene vee zoza pooro, ịsị ẹ vọrọ kẹnẹ aza rẹ vaa mẹ nị. Ịsị yee zí eyi ọ vị ọnọọ nị.

Ayịsaya 66:22

Anka ẹtẹ ọwọọwa ọnịrị ẹbẹẹba mẹ vaa ya ịzọọ pooro, avọọ evere ẹnịnị ọnịrị ịrẹha anị ẹ yị vu pooro nị.

Ẹtore 21:5

Dị ọza ana yaayịtẹ ịrẹsụ aga ohinọyị ọnọọ ka, “Re, maa mẹ̀ ka avaba ịsa ẹ̀ vị ọwọọwa.” Dị ọ rẹ kà a mị ka ma chẹrẹẹ nị, agụvị ka ịrẹyị ẹnẹnị vị ịzẹyịza, ẹ yị nyị ireche ịnị anị.

2Ipita 3:10

Ama Ananyị yị vaa vaa vẹ. Ịhị àaa vẹ, vị ọ vaa sị mẹẹ ẹkụhị oni oyi sịị nọ aha ịrahụ avọọ nị. Ịhị ọnọọ a vaa wụ̀ ẹtẹ ịrẹyị, dị ẹbẹẹba wú va ha. Dị avaba ịsa ene hí ẹbẹẹba rịra va ha saka-saka, dị ẹhẹ ọnọnị ọnịrị avaba ịsa ene hi ịnị anị ẹnị rẹ ta saka-saka.

Ẹtore 20:11

Mée re aga ohinọyị ọnya aanị. Ọ́ọ banyị ẹtẹẹtẹrẹ, dị ọ vị ọvwọọvụ nị. Dị ọza ịnya yaayịtẹ ịnị anị nị. Dị ẹtẹ ọnịrị ẹbẹẹba ee zwee hụrẹ ọvịdị anị, dị ọza ò yi kuku re wa nị.

Ayịsaya 27:1

Ịnị ụmẹ ọnọọ, Ẹnẹyịmavara vaa sị ụhwọ anị ana katẹngụ dị ọ sị sị ụya rị aza ọhịmị ẹnẹẹ ana sị mẹẹ anka ẹ́wụ́ odivi avọọ. Aza edivi ẹnẹẹ vị ana sị mẹẹ anka uye odivi ana aā hị́ Ireviyatani anaā jịị kara ẹngụ. Aza ẹnẹẹ ana sị mẹẹ anka ẹwụ odivi anaā yà ini enyi vị ẹnị Ẹnẹyịmavara vaa wụ̀. Ọ yị vaa vayị ẹnịnị vụrụ-vụrụ.

Ịdanịyẹrị 7:3

Kẹnẹ, dị uye ẹbanyị-ẹbanyị ẹẹna vana va jẹẹ ịrẹsụ okū ọnọnị nị. Ọ kà uye ẹyịna ẹnẹnị vị irenyi-irenyi.

Ẹtore 13:1

Mê re uye ịnị avị ọnya aanị, ana aa jịnẹẹ hụụnị okuu vẹ. Ộ nyị ịrẹsụ ịhịmba, dị ọ nyị ọpanyị ẹẹwụ nị. Ọ́ nyị ọkẹkẹrẹkụ ọnya tụ́ ịnị ọpanyị anị ọnya-ọnya. Dị a chẹrẹ ịrẹha ịrẹyị edivi hi ịnị ịrẹsụ anị ẹnẹẹ nị.

Ayịsaya 57:20

Ama aza ẹhịmị vị ana vaa sị mẹẹ enyi ini òkū avọọ. Enyi ini òkū ẹ yị ma tịtẹ sisisii. Ahị vị anaā kụ ọ vaa hịrẹ dị ọ vị ọnịrị ịdọtị beri ụdọ.”

Ayịsaya 51:11

Aza ọnị ọ dọ ha vaa ngụ Ijerusarẹmị ịnị ayohine, dị ẹ yaa jị ahẹ, di e yee na owu booboro agụvị ka ayị ẹnịnị ee hine. Ẹnịnị vị ana vaa jị ịrajẹ pooro agụvị ka ẹ sị hụụnị ayodu ọnịrị ẹngụ ọyị và hí.

Aniroomi 8:21

ọnị ọ vị ka ẹkụhị ọnya, Ohomorihi vaa dọ avaba ịsa ọnị ọ mẹ tụ́, asị ẹ vụ̀ va ha. Ohomorihi vaa mẹ ka ẹ̀ nyị ẹngụ ẹnịnị, dị ẹ̀ nyị ụbanyị ene ezi Ohomorihi nịị vaa nyị.

Ẹtore 6:14

Dị ẹbẹẹba kara kwooze, anka èe rere kara iwe kwooze avọọ nị. Dị ataba nịnị ẹnịrị ẹtẹ ene enyi kara, hụrẹ aha ẹnịnị nị.