Ẹtore 2:16 - IWE ỌNỊNỊ

¹⁶ Ro ịnẹ varẹma nịnị, ka à yị vị avọọ, ọ yị jẹẹ dị ma vẹ ịdị awụ nịnị, dị ma sị ụhwọ ana yà amị irenu beri aza ẹnẹẹ kụ́ ịrẹkụ.

Ẹtore 2:16 Referans Kwoze

2 Anịtẹsaronika 2:8

Ịjọnọọ ọgọnị dị ọza odivi ọnọọ sị ẹngụ anị zụ̀. Dị Ijeesu Ananyị yị sị ụhwẹ ana aa tụ́ụ hụụnị irenu anịị vẹ, dị ọ sị wụ ọọ. Dị ọ rẹ sị ẹtohweyi ọnị ọ za vẹ, di o si vú ọ ẹtẹ.

Ẹtore 1:16

Dị ọ sị ụzọmị ịhịmba tụ́ ịnị ụvọrị anị nị. Dị ụhwọ onyeyẹva jịnẹ hụụnị irenu anị vẹ nị. Eyirẹsụ anị vị ana aa za anka ọyị ana aa há gaa-gaa ụmẹ ọọdụ avọọ.

Ẹtore 2:5

Tamayị ịzị ụ yà nyeeyi nịnị. Ro ịnẹ varẹma, dị ụ waa mẹ ịsị ụụ̄ vịdịị mẹ nịnị! We yi ro ịnẹ varẹma nịnị, m maa vẹ dị mị va sị aha ozotupa awụ nịnị hụrẹ aha anị nị.

Anẹhwẹsọsị 6:17

Dọ ẹdọha oni Ohomorihiī sịị yị ọza nịnị! Ọnọọ vị ana rẹ sị mẹẹ anka amu enyusẹ-enyusẹ ene eē kú avọọ. Rẹ sị ịrẹyị Ohomorihi rị ụvọ. Ọnị vị ana rẹ sị mẹẹ anka ụhwọ ọnị. Ụhwẹ Ọnịnị sị wụ nịnị.

Ẹtore 19:21

Dị ọza ana tụra umaata sị ụhwọ ana hụụnị irenu anị vẹ, dị ọ sị wụ̀ isoja nịnị ẹnịnị ana vọ nị. Dị inomi nịnị rị uye ẹnịnị, anka ẹ mẹ̀ zụ rị kẹnẹ nị.

Ẹtore 19:15

Dị ụhwọ ọnya aanị ana rẹ ẹtẹẹtẹrẹ hụụnị irenu anị vẹ nị. Ọnị ọ vaa sị nyị ehuna anẹhẹ nịnị nị. Okutẹ enyusẹ-enyusẹ ọ vaa sị mẹ ịjọvaa tụra wa nị. Ọ vaa sị ahụụ kwọrọ aza ẹhịmịị há anka a mẹ̀ẹ kwọrọ asẹ ịnị ụkọ avọọ. Ọnọọ vị ana jẹẹ yị ọyịkụ Ohomorihi Ochẹtẹngụ.

Ayịsaya 11:4

Ịzẹyịza kẹnẹ ọnị vaa sị mẹ̀ ọkarẹyị nị. Ọ yị vaa rara ọkarẹyị ọza agụvị ka ộ mẹhị vi onosiye. Ịrẹyị ọnị ọ ka vi inori ana vaa sị ụyaa rị anẹhẹ. Irenu aa sịị tụ́ ụhwẹẹ kú aza edivi, di e sú va ha nị.

Ẹtore 2:12

Ọza oni mi re ka, Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ipagamụmị ka: Ọza ana sị ụhwọ onyeyẹva ana rẹ rị ụvọ, ọ tụ́ ụtụ ọnọnị nị:

Ayịsaya 49:2

Ộ mẹ ka ịrarẹ amị ọ rẹ anka ụhwọ ọ́za, a vị ọpa. Ẹnẹyịmavara ộ sị mị tẹ tụ ịnị ivoku anị.

Ẹtore 3:19

Avaba aza oni mi sì ịrẹyị anị vị oni miī tụ́ ohuvọ, dị mị sị ụya rị wa. Agụvị avọọ re ka wáa kụ́ ẹngụ hi ọọ, di u we ro ịnẹ varẹma.

Ẹtore 22:7

Di Ijeesu ka, “Re, maa aa vẹ ịsọọnị-ịsọọnị. Ọza ana àa saasa ịsẹ ana a kà tụ́ ini iwe ọnọnị, vaa daa jẹ.”

Ẹtore 16:9

Dị ọyị aa rị aza kẹnẹ nị. Dị aza aa kà ịrẹyị odivii hi Ohomorihi, ana ahịka ọ́ọ nyị ụkata tụ́ ịrẹsụ ụyọrị ẹnẹnị nị. Ẹnịnị eyi ro ịnẹ varẹma, dị ẹ̀ẹ ga Ohomorihi.

Ẹtore 22:20

Ọza ana dọ ivenu tụ́ ịnị ịrẹyị ọnọnị ka: Ịzẹyịza, ọnị aa vẹ ịsọọnị-ịsọọnị! Aamị; avọọ yịị yọ! Wa vẹ, Ijeesu Ananyị yị!