Biblia Todo Logo
Bib sou entènèt

- Piblisite -




Ẹtore 16:2 - IWE ỌNỊNỊ

2 Dị anggẹẹrị ịpaapa na, dị ọ na và ene hi ịnị ịchacha anị hi ẹtẹ nị. Dị ịtahụ edivi ẹnyị aanị anaā zị ọza ẹtẹẹtẹrẹ chị hi ịnị ẹngụ aza ana nyị apọtẹrẹwa uye ịnị avị ọnọọ ọnị aza ana hẹkẹ ori anị nị.

Gade chapit la Kopi




Ẹtore 16:2
22 Referans Kwoze  

Anggẹẹrị ịpaapa ô hú ọpanyị anị. Dị ata ihinẹba ọnịrị ịra và hura anya aa zụ̀ụ hi ịnị ẹhẹ nị. Dị achẹta ẹhẹ rị ịra, dị achẹta avaba ọchị rị ịra, dị avaba ohwoohu rẹ rị ịra nị.


Dị ẹyaa kà ịrẹyị odivii hi Ohomorihi ẹbẹẹba agụvị ịsa ana aa zị wa ọnịrị ịtahụ ẹnịnị nị. Ama ẹnịnị eyi ro ịnẹ varẹma hụụnị ịsa ẹnẹ ẹyaa mẹ.


Ẹnẹyịmavara vaa mẹ ka ịtahụ ọ̀ tụra wụ nịnị anka ọ mẹ̀ mẹ Anijipiti nịnị ịrayị ọnọọ. Ọ vaa mẹ ka ẹngụ awụ nịnị ọ̀ vị ịtahụ-ịtahụ. Ịtahụ vaa chakaa ku wu ẹngụ nịnị, dị ẹngụ aa hụ́ wụ nịnị. Ịtahụ awụ nịnị ẹ yị vaa nyị ahọnọ.


Obooboro ọnọọ, dị anggẹẹrị Ohomorihi nya Ịhẹrọdị ịsa zẹtẹ nị, agụvị ka ọ yị sị ụbanyị yị Ohomorihi. Dị ikukurumi vẹ, dị ẹ rị ọọ, di o sú nị.


avọọ Ananyị yị vaa mẹ ka ịtahụ ẹ̀ chị hi ịnị ịrẹsụ anyẹnẹẹ Anịzayọnị, dị ọ mẹ ka ẹnịnị ọ̀ kụ́ ọmarị.


Ọ vavẹ ịrẹma avaba ẹnẹnị, Ẹnẹyịmavara sị ụkụ odivi tụ́ ohinọyị iruvu nị.


Ụkụ ịnị uruvu anaā zị ọza ẹtẹẹtẹrẹ vaa za ọnị ụvọta, dị ụkụ anị ee divii hu avọọ eyinị-eyinị.


Ịjị ẹ raà sị apoti ọnọọ na tụ́ Igati, dị Ẹnẹyịmavara rẹ tana ụvọ za Anigati nị. Dị ọ mẹ ka angwa oo hi avaba ẹnịnị ẹtẹẹtẹrẹ nị. Dị ọ rẹ mẹ ka ịtahụ ọ̀ tụra hi avaba ẹnịnị iruvo saka-saka nị. Ọzọkụ ọnịrị ozweyi vị ọnị ịtahụ ọnọọ vavọọ tụra hi iruvo.


Ẹnẹyịmavara ộ tana ụvọ za Anasidodi ọnịrị aza ana ra gụrị wa. Ộ sị ụya rị wa ẹtẹẹtẹrẹ, dị ọ mẹ ka ụkụ ọ̀ za wa di iruvo ẹnịnị ọ̀ọ tụra nị.


Ẹnẹyịmavara ẹ yị vaa zẹẹ ka ụkụ ọnyọọnyị ọ̀ za wụ nịnị. Ẹ yị vaa kụ́ ụkụ odivi oni u re nini ịnị ẹtẹ Ijipitii tu wu nịnị, ama ọ vaa kụ waa tu ọnịvị awụ nịnị.


Eturare e vịdị sii sisi ẹngụ nị, ama ẹngụ ẹnịnị kụkụ vaa ngụ agụ odivi. Ẹnịnị ẹ yị kụkụ vaa sị ịbanụ za ọtẹ, ama ẹda ana a sị tụ́ ọrịhị avọọ ẹ vanaa sịị za ọtẹ nị. Ẹyị ẹnịnị ene vịdị nyị ọyịza-ọyịza vaa ta, dị ẹ kụkụ kụ́ ọmarị. E yi kuku vee re ịta ozozaa kú ẹngụ, ụsẹ ẹ vanaa za nị. Ọvị ẹnẹ ẹ vịdị aa mẹ avọọ, ụhị ọ vanaa dọ ọ ịrẹsụ nị.


Ohomorihi ộ mẹ̀ ka ahị ọ̀ tụ́ hụrẹ ẹbẹẹba eyi ọnị ọyịị̄ hụrẹẹ vẹ. Dị ọ rẹ sị ụkata anị mẹ ka ahị ọ̀ zị oze ụvẹtẹ tụ̀ vẹ nị.


Dị ọza ana yaayịtẹ ịrẹsụ eguhi sị ụhwọ anị tụ́ ịnị ẹhẹ, di aa mẹ̀ ịsa ọyịna ịnị ẹhẹ nị.


Ẹnẹyịmavara vaa mẹ ka ahụ awụ nịnị ẹ̀ jị ikenebe anaā zị ọza ẹtẹẹtẹrẹ, dị ọza ẹ yị zụ mẹ̀ ẹ. Ịtahụ vaa tụraa hi wu nịnị ẹngụ hụụnị ịrẹsụ va ngụ ịnị ahụ.


Dị ọ mẹ avaba ụkata ọbanyị uye ịpaapa ịjọọ éyi anị nị. Dị ọ sị ụkata za ẹhẹ ọnịrị avaba aza ene hi ịnị anị ka ẹ̀ẹ hẹkẹ uye ịpaapa ịjọọ ọnị ụnava odivi anị sị vị́ nị.


Dị anggẹẹrị ọhụta saasa wa, dị ọnị ree nowuu kà a ka, “Ọza ana àa hẹkẹ uye ịnị avị ọnọọ ọnịrị ori anị, dị ọ rẹ dọ apọtẹrẹwa tụ́ ini ibe anị, àa vị ịnị ụvọ anị nị,


Mâ wụ́ ọngwẹ ọbanyị ọnya aanị hụụnị irehi Ohomorihi ọnọọ, dị ọ kà a yị anggẹẹrị ịhịmba ẹnẹẹ ka: Ẹ̀ na dị ẹ̀ na và ọyịkụ Ohomorihi ana vị ohihi ịchacha ịhịmba ẹnẹẹ hi ẹhẹ nị.


Swiv nou:

Piblisite


Piblisite