Ẹtore 15:1 - IWE ỌNỊNỊ

¹ Me re re apọtẹrẹwa ọsa ẹbẹẹba, ộ banyị dị o re hí ọza irenu nị. Â nyị Anggẹẹrị ịhịmba ana vaa sị ụyọrị ịhịmba ọdịrẹmaa rị anẹhẹ. Ohomorihi ọ̀ọ maanị raà sị ụyọrị ịhịmba ẹnẹnị rị anẹhẹ, ayị anị vee hunẹnẹ.

Ẹtore 15:1 Referans Kwoze

Ireevi 26:21

Ẹnẹyịmavara kà ẹnịnị ẹ̀ẹ kị ka ẹnị ẹ́ yị dọ yị ọnị, dị ẹnịnị yi ka ẹnị ẹ́ yị wụ́ chire ọnị nị, ọnị rẹ vaa varẹma dàa tụ ịnị ụyaa yị wa oze ịhịmba.

Ẹtore 21:9

Ọnya ịnị anggẹẹrị ịhịmba ẹnẹẹ ana nyị ịchacha ịhịmba ana vị ohihi ụyọrị ọdịrẹma ịhịmba, o ve tù mi, dị ọ ka, “Vẹ dị ma sị ọnẹẹ ana vị ose Ozi Atẹmẹ ọnọọ zụ̀ wụ!”

Ẹtore 19:15

Dị ụhwọ ọnya aanị ana rẹ ẹtẹẹtẹrẹ hụụnị irenu anị vẹ nị. Ọnị ọ vaa sị nyị ehuna anẹhẹ nịnị nị. Okutẹ enyusẹ-enyusẹ ọ vaa sị mẹ ịjọvaa tụra wa nị. Ọ vaa sị ahụụ kwọrọ aza ẹhịmịị há anka a mẹ̀ẹ kwọrọ asẹ ịnị ụkọ avọọ. Ọnọọ vị ana jẹẹ yị ọyịkụ Ohomorihi Ochẹtẹngụ.

Ẹtore 16:1

Mâ wụ́ ọngwẹ ọbanyị ọnya aanị hụụnị irehi Ohomorihi ọnọọ, dị ọ kà a yị anggẹẹrị ịhịmba ẹnẹẹ ka: Ẹ̀ na dị ẹ̀ na và ọyịkụ Ohomorihi ana vị ohihi ịchacha ịhịmba ẹnẹẹ hi ẹhẹ nị.

Ẹtore 14:19

Dị anggẹẹrị sị ụhwọ anị tụ́ ịnị ẹhẹ, dị ọ há ẹtụtụ ịvayịnị nị. Dị ọ kụ́ ọọ và hi ụkọ ọbanyị ịzị a yàā kwọrọ ẹtụtụ ẹnẹẹ nị. Ọnọọ vị ana jẹẹ yị ọyịkụ Ohomorihi.

Ẹtore 14:10

ọ vaa yẹ ọyịkụ Ohomorihi. Ọyịkụ anị ọnọọ vị ana sị mẹẹ anka ẹchịpa ohuru-ohuru avọọ, ọnọọ ká tụ́ ini ako ọyịkụ anị ana aza ẹnẹẹ vee hú. Dị ẹ yaa rị ụya ịnị ịra anaa sị ohuru tụ́ éyi anggẹẹrị ọnịnị nịnị ọnịrị Ozi Atẹmẹ ọnọọ.

Ịdanịyẹrị 6:27

Ọ kà, Ohomorihi ọnọọ ọọ̄ dọ ọzaa há hụụnị avaba ịrẹyị odivi nị. Ọnị ọọ̄ mẹ̀ ịvọpa ọnịrị ịtọmatapa ẹbẹẹba ọnịrị ịnị ẹhẹ nị. Ọnị ọnọọ ọ dọ Ịdanịyẹrị há ka asị idu nịnị zụ wụ ọ nị.

Ẹtore 11:14

Ụyọrị odivi ọhụva ọ sị mẹ para hu; ama re, ụyọrị odivi ọhụta aa vẹ ịsọọnị-ịsọọnị.

Ẹtore 10:3

Di o nowu zẹtẹ anka idu òo rere ee nowu avọọ nị. Ịjị o si owu na, dị apaana ihinẹba sụ́ ịrẹyị ụpẹ ịhịmba tụ́ ọọ ohi nị.

Ẹtore 8:6

Dị anggẹẹrị ịhịmba ẹnẹẹ ana nyị ọpanyị ịhịmba aanị tenyi ẹngụ ka eni è hú ọọ nị.

Ẹtore 8:13

Dị mị kana eyi, dị mị wụ́, ọ́kasịmẹ ọnya mee hira ẹbẹẹba, di ee nowu ka: aza ana ra ịnị ẹhẹ ẹ sị da. Ẹ sị da. Ẹ sị da, ịjị ọpanyị anggẹẹrị ẹẹta ana vọ ẹ̀ẹ sụ́ ịrẹyị!

Ẹtore 8:2

Di mi re anggẹẹrị ịhịmba ana jẹẹ ọvịdị Ohomorihi, dị a sị ọpanyị ịhịmba yị wa nị.

Ẹtore 9:20

Aza ana vọ ọnị ụyọrị ẹẹta ẹnẹẹ ẹ̀ yị wụ, e yi yi ro ịnẹ varẹma hụụnị ịsa ẹnẹ ẹ yaa mẹ. Ẹyaa yị hẹkẹ ụhwẹ echu nịnị ọnịrị ori ana a sị igooru ọnịrị enyusẹ irenyi-irenyi ọnịrị ịrẹta beri ọchị mẹ. Ịsa ẹnẹẹ ẹnị e yi zụ re ẹtẹ, ẹ yị zụ wụ́ ịrẹyị, ẹ yị rẹ zụ zị ụsẹ.

Ẹtore 17:1

Ọnya ịnị anggẹẹrị ịhịmba ana nyị ịchacha ịhịmba ẹnẹẹ, o ve tù mi, dị ọ ka, “Vẹ ịzẹnị, ka maa sịị zụ̀ wụ, a mẹmẹ vaa sị ụyaa rị ọsẹrẹka ọbanyị ọnọọ ana yà ịrẹsụ okuha ọrụrụ-ọrụrụ.