Ẹtore 13:3 - IWE ỌNỊNỊ

³ Di mi re ịnị ịrẹsụ uye ọnọọ ka a mẹ̀ tụ̀ ọọ ụnava, ọ sị vọ chee à sị ọọ wụ nị. Ama ụnava odivi anị ọnọọ ọ́ọ ta. Ịrẹyị uye ịnị avị ọnọọ óo hí avaba anẹhẹ irenu, dị ẹyaa saasaa nị.

Ẹtore 13:3 Referans Kwoze

Ẹtore 17:8

Uye oni u re avọọ, ọ́ọ vịdị yàra, ama ọyị kụkụ yàra booro aanị. Ọ vaa jịnẹẹ hụụnị ọbọbọọ vẹ, dị ọ nọ ịzị ọ vaa yàa vu ẹtẹ. Aza ene hi ẹhẹ ọnị ọza ọ̀yị chẹrẹ ịrẹha ẹnịnị dị a va yẹ ka aa mẹ ẹhẹẹ tụ́ iwe aza ana yàra pooro zịna-zịna, èeyee re uye ọnọọ, o vee hí wa irenu. Uye ọnọọ ọ́ọ vịdị yàra, ọyị kụkụ yàra booro aanị, ọ rẹ vanaa sị ẹngụụ tụ́ ẹhẹ.

Ẹtore 13:14

Ụkọrọ ohyozirenu ọnọọ nyị ụkata dị ọ maanị aa mẹ éyi uye ọnọọ aanị, ee sii vene aza ene hi ịnị ẹhẹ nị. Dị ọ kà a yị aza ene hi ẹhẹ ka ẹ̀ mẹ ori yị uye ịnị avị ọnọọ anaa sị ụhwọ tụ̀ ụnava, dị ọ yị yàra nị.

Ẹtore 17:17

Ohomorihi ọ raà sị tụ́ wa ayị ka ẹ̀ mẹ̀ ịsa ọnị ọnị vịdị sị eto anị mẹ tịtẹ. Ẹ rẹ vaa dọ ka ẹnị ẹ̀ sị ịjọva ẹnịnị yị uye ọnọọ, pooro dị ịrẹyị Ohomorihi ọ̀ sẹ.

Ẹtore 17:10

Ọ rẹ jẹẹ yị ohinọyị ịhịmba. Ẹẹhị ẹnịnị ẹ sị hyẹdụ, ọnyara aa yịị mẹ ohinọyị, ọnyara ọnị ọọ̀yị vẹ. Ọ̀ọ vẹ, ụmẹ chee ọ vaa mẹ nị.

Ezikẹẹrị 30:24

Ọnị vaa sị ụkata yị ohinọyị Ịbabịrọnị, dị ọnị sị́ ụhwọ anị chire e ụvọ. Ama ọnị vee che ohinọyị Ijipiti ụvọ. Ó vee rimanya, dị ọ sú tụ ọvịdị ọnịvị anị nị.

Ẹtore 17:13

Ẹnị ẹẹwụ ẹnẹẹ vị ana nyị ariro ọnya, dị ẹ sị ụkata ọnịrị ọda ẹnịnị yị uye ọnọọ nị.

Ẹtore 13:12

Dị ọ mẹ avaba ụkata ọbanyị uye ịpaapa ịjọọ éyi anị nị. Dị ọ sị ụkata za ẹhẹ ọnịrị avaba aza ene hi ịnị anị ka ẹ̀ẹ hẹkẹ uye ịpaapa ịjọọ ọnị ụnava odivi anị sị vị́ nị.

Odeyi 8:13

Ịsayịmọnị ọnị ọ rẹ dọ wụ́ bẹẹ. Ịjị a sị ọyịhwenyi mẹ yọ, dị ọ sị ẹngụ vaka Ihwiripi nị. O mè re ụkọrọ apọtẹrẹwa ọnịrị ohyozirenu ẹbanyị-ẹbanyị ana aa mẹ, ô hí oo irenu.

Iruuku 2:1

Ịnị ụmẹ ọnọọ, Ọgọsịtọsị ohinọyị Aniroomi ộ mẹ̀ ọda ka à chẹrẹ avaba anẹhẹ.

Ẹtore 17:6

Dị mi re ka, ọnẹẹ ọnọọ mè hú anya aza Ohomorihi ọnịrị anya aza anaa wụ agụvị ka ẹ́ẹ nyị ịzẹyịza hi Ijeesu, dị ọ kụkụ aa mẹrị ọọ nị. M mè ree, óo hí mi irenu ẹtẹẹtẹrẹ.

Ịjọọnụ 12:19

Dị Anihwarisi nịnị ka, “Ẹ yị nyị ịsị ụ zụ mẹ nịnị vụrụ-vụrụ, o. Wee re, avaba ẹhẹ ọ sị saasa a!”

Ẹtore 17:11

Uye ana vịdị yàra, dị ọ̀yị kụkụ yàra aanị, ọnị ọ vị ohinọyị ọhụhịnta, dị ọ rẹ vị ọnya ịnị ịhịmba ẹnẹẹ nị. Aa nọ ịzị ọ vaa yàa vu ẹtẹ.