Ẹtore 13:1 - IWE ỌNỊNỊ

¹ Mê re uye ịnị avị ọnya aanị, ana aa jịnẹẹ hụụnị okuu vẹ. Ộ nyị ịrẹsụ ịhịmba, dị ọ nyị ọpanyị ẹẹwụ nị. Ọ́ nyị ọkẹkẹrẹkụ ọnya tụ́ ịnị ọpanyị anị ọnya-ọnya. Dị a chẹrẹ ịrẹha ịrẹyị edivi hi ịnị ịrẹsụ anị ẹnẹẹ nị.

Ẹtore 13:1 Referans Kwoze

Ẹtore 12:3

Apọtẹrẹwa ọsa ọ rẹ jịnẹ tụ́ ẹhẹ ẹ́bẹẹba: Â nyị uye odivi ọnya aanị. Ọ́ nyị ịrẹsụ ịhịmba, dị ọ nyị ọpanyị ẹẹwụ, dị ọkẹkẹrẹkụ yà ịnị ịrẹsụ anị ọnya-ọnya nị.

Ẹtore 17:3

Ụhwẹ Ọnịnị ọ́ọ dọ avaba ayị amị, dị anggẹẹrị ọnọọ sị mị nọ ịnị ụnọmị nị. Di mi re ọnẹẹ ọnya aanị ana yaayịtẹ ị́rẹsụ uye ovivi ọnya aanị nị. Dị a chẹrẹ ịrẹha edivi-edivi hi ọọ avaba ẹngụ nị. Uye ọnọọ ọ́ọ nyị ịrẹsụ ịhịmba, dị ọ nyị ọpanyị ẹẹwụ nị.

Ẹtore 11:7

Ẹ̀ẹ sị ịrẹyị ẹnịnị kà ta, dị uye odivi ana jịnẹ hụụnị ọbọbọ ọnọọ vẹ, ve pe wa kụ̀ ịrẹkụ. O vee huna wa, dị ọ wụ̀ wa.

Ịdanịyẹrị 11:36

Ohinọyị Isiriya ọnọnị vaa mẹ o me zee eyi ụmẹ ọnọọ. Dị eè wo oto ka ọnị o huna ori nịnị ọnịrị Ohomorihi ene hu kere-kere nị. Avọọ ọ mẹ vaa mẹ pooro ne tu ụmẹ ọnị Ohomorihi vaa sị sị ụya rị ọ anka ọ mẹ vịdị mẹ eto anị tịtẹ nị.

Ẹtore 17:16

Uye ovivi ọnịrị ọpanyị ẹẹwụ ị́rẹsụ ọnị u re avọọ, vaa nyị ịhyẹrẹ ọsẹrẹka ọnọọ. Ẹ vaa dọ ọ avaba ịsị ọ nyị, dị ẹ tụ́ ọọ ahwaahụ. Ẹ vaa rị ụpẹngụ anị, dị ẹ rị ọọ ịra.

Ijeremaya 5:22

Ẹnẹyịmavara kà, wẹ yị daba hí angwa anị nịnịị? Ayị anị ẹ yị daba hụrẹ ẹwụ nịnị ịnẹẹ? Ọnị ọ sị aarẹ tẹ ẹhwị ẹtẹ yị oku ka asị ọ zụ jịnẹẹ pooro nị. Enyi ini òkū ọ zụ jị ayị dị aa da gụgụrụgụ ama ẹ yị zụ jịnẹ ẹhwị ẹtẹ ọnọọ.

Ẹtore 15:2

Mê re ịsa ẹnyị aanị anka enyi ana sị mẹẹ anka ore avọọ, dị a sị ịra vá hura a nị. Me re re aza ana sị uye ịnị avị ọnọọ ọnịrị ori anị huna beri ịnọmba ịrẹha anị. Ẹnịnị jẹẹ ụtọ oku ene enyi anị sị mẹẹ anka ore avọọ, dị ẹ sị igita oni Ohomorihi sị yị wa rị ụvọ nị.

Ẹtore 17:5

Dị a chẹrẹ ịrẹha ọnya tụ́ ini ibe anị oni iruvo anị nyịnẹ ka, “Ịbabịrọnị ọbanyị, ọnyị ọsẹrẹka nịnị ọnịrị ohiku aza ene ee du ẹhẹ.”

Ẹtore 13:11

Me re re uye ịnị avị ọsa ana aa jịnẹẹ hụụnị ẹtẹẹ vẹ. Ọ́ọ nyị ọpanyị ẹẹva anka ọpanyị ozi atẹmẹ avọọ. Dị aa kà ịrẹyị anka uye odivi avọọ nị.

Ẹtore 13:14

Ụkọrọ ohyozirenu ọnọọ nyị ụkata dị ọ maanị aa mẹ éyi uye ọnọọ aanị, ee sii vene aza ene hi ịnị ẹhẹ nị. Dị ọ kà a yị aza ene hi ẹhẹ ka ẹ̀ mẹ ori yị uye ịnị avị ọnọọ anaa sị ụhwọ tụ̀ ụnava, dị ọ yị yàra nị.

Ẹtore 13:15

Áa sị ụkata yị uye ịnị avị ọhụva ọnọọ ka ọ̀ sị ụhwẹ yị ori uye ịnị avị ịpaapa, dị ọ̀ọ kà ịrẹyị; dị ọ̀ rẹ mẹ ka ọza tụra ọza ẹnẹ ẹ̀yị zẹẹ ka ẹnị ẹ̀ hẹkẹ ori ọnọọ, à wụ ọọ nị.

Ẹtore 16:13

Di mi re ụhwẹ echu ẹẹta anka uruvu avọọ ka ẹ́ẹ jịnẹ hụụnị irenu uye odivi ọnọọ ọnịrị ini irenu uye ịnị avị ọnọọ beri irenu ọnịsẹ ireche ọnọọ vẹ nị.

Ẹtore 19:19

Di mi re uye ịnị avị ọnọọ ọnịrị ohinọyị anẹhẹ nịnị beri isoja nịnị ẹnịnị, dị ẹ kụ́ gụ ka ẹnị èe pe ọza ana yaayịtẹ ịrẹsụ umaata ọnọọ ọnịrị isoja nịnị anịị kụ̀ ịrẹkụ nị.

Ịdanịyẹrị 2:41

Ọ kà, ahụ ọnịrị igege ịnị ahụ ọnị ohinọyị ré ka a sị enyusẹ ọnịrị ụmọpa mẹ avọọ ộ sị zụ ka udi ohinọyị ọnọọ vị ana va gàa hi.