Ẹtore 12:2 - IWE ỌNỊNỊ

² Ọnẹẹ ọnọnị vị ene ee zyẹẹ, â vaa ma ozi, dị â barẹẹ, dị ee nowu nị.

Ẹtore 12:2 Referans Kwoze

Ẹtore 12:4

Omu anị ô tura achẹta ụzọmị ẹbẹẹba, dị ọ jị wa va nya eteesu nị. Di uye odivi ọnọọ jẹẹ ọvịdị ọnẹẹ ana aa vaa ma ozi aanị, ka ọnị ọ̀ za ozi anị rị, ọ̀ọ ma a kẹnẹ nị.

Anigaratiya 4:19

Ezi emi oni mi sì ịrẹyị anị, mị raa rị ụya agụvị awụ nịnị booro aanị anka ọnẹẹ ana aa ma ozi avọọ. Avọọ m mẹ vaa rị ụya pooro dị aza ẹ̀ zụ yẹ ka wa raa sị ebira Ikirisiti nịnị nị.

Ịjọọnụ 16:21

Ọnyẹnẹẹ àaa barẹẹ, ayị anị vị ene vee du, agụvị ka ụmẹ ụyọrị anị o si tù. Ama ọ̀ọ sị ozi anị ma, dị ayị ụyọrị anị kuku hi ọ, agụvị ka ọ kụkụ aa jẹ ka ọnị ọ sị ozi ma va ngụ ịnị ẹhẹ.

Anigaratiya 4:27

 chẹrẹ tụ́ ini Iwe Ohomorihi ka: Ẹwụ ọbọrị ẹnẹ ẹ̀ yị ma ozi, waa jẹ! Ẹwụ ọnị ịrẹẹ ọọ̀ yị zị da, wee nowu ịrajẹ ẹtẹẹtẹrẹ, agụvị ka ọnẹẹ ana vị ọnịnya vaa nyị ozii huna ọnẹẹ ana nyị ọnọrụ.

Imika 5:3

Ohomorihi vaa navọ Anisirẹrị yị ọnịvị pooro di ò tù ụmẹ ọnị ọnịrẹẹ sịị ma ozi. Dị ọ va kụ́ anda ẹnịnị ọnị ịrẹsụ vịdị hụ. Dị ọ kụ́ wa ve beri wa.

Ayịsaya 53:11

Ịjị òo re avaba ịsị ẹ mẹ agụvị ụya ọnị ọnị rị, ayị anị vee hine. Agụvị ịsa ene reè tù ọ, ozi ahụ amị ana vị ọnịrẹyịzẹyịza vaa mẹ ka, aza ọrụrụ-ọrụrụ ẹ̀ vara ọnịrẹyịzẹyịza, agụvị ka ọnị ọ rị avaba ụya ịvị ẹnịnị nị.

Ayịsaya 54:1

Ẹnẹyịmavara kà: Ẹwụ ọbọrị, waa jị ahẹ. Ẹwụ ẹnẹ ẹ̀ yị barẹẹ da, wa jị ahẹ booboro, dị ụ waa jẹ. Agụvị ka ụ vaa nyị ezii huna ọnẹẹ ana và ọnọrụ.

Ayịsaya 26:17

Aza awụ vị ene hi ịda awụ di eyee nowu anka ọnẹẹ ana aa barẹẹ avọọ.

Ayịsaya 66:6

Ẹnẹyịmavara kà ẹnị ẹ wụ́ ẹtẹ ana sụ ịrẹyị ịnị ẹkụra ọnịrị ịnị irehi anị, Ọnị aa sị ụya rị ọnịvị ẹnịnị ọnị ẹtẹ vavọọ aa sụ̀ ịrẹyị nị.

Imika 4:9

Anijerusarẹmị, sị ẹ vẹ dị ụ maanị aa tụ̀ orere boro-boro? Sị ẹ vẹ dị wee nowu anka ọza ana aa barẹẹ avọọ? Vị waaa nyị ohinọyị nịnị nị. Mâ yẹ ka e zụ pe wu nịnị juwe ộ!

Imatiwu 24:8

Avaba ẹsẹnị aa sịị zụ̀ ka vị ụyọrị sẹsẹ nyima avọọ nị.