Ẹtore 10:5 - IWE ỌNỊNỊ

⁵ Dị anggẹẹrị oni mi re ana jẹẹ ini òkū ọnịrị eteesu aanị, tana ụvọ nọ ẹbẹẹba nị.

Ẹtore 10:5 Referans Kwoze

Ịdanịyẹrị 12:7

Ịdanịyẹrị kà, dị ọnị re ka anggẹẹrị ana jẹẹ akẹbẹẹba irehu aanị ộ và ụvọ ẹyịva hịrẹ, dị ọ sị Ohomorihi ana yara pooro hị́ eku nị. Dị ọnị wụ́ ka ọ ka, ọ vaa mẹ ịrayị ẹẹta rị ẹjịjị nị, ọ ka ẹ̀ yị vị ịjị e reè vu avaba ịrazị ana kụ tu aza Ohomorihi nịnị ẹtẹ saka-saka, ụya ana a sịị rị aza Ohomorihi aanị ẹ yị vaa ta.

Iwe Ọhụhị Imosiisi ana aa hị́ Ọyịvatụrọda 32:40

Ọ tana ụvọ tụ ẹba dị ọ hị́ eku ka a vị ọnị ọ vị Ohomorihi ana yara pooro zịna-zịna nị,

Ẹtore 16:17

Dị anggẹẹrị ọhụhịmba và ene hi ịnị ịchacha anị hi ịnị ahị nị. Dị ọngwẹ ọbanyị ọnya aanị hụụnị aga ohinọyị ọnọọ ini irehi Ohomorihi ẹbẹẹba vẹ, dị ọ ka, “Ịrẹyị o si tù!”

Ẹtore 14:7

Di o nowu tụ́ ẹba ka, “Nyị angwahi Ohomorihi, dị waa sị ụgaa yọ, agụvị ka ụmẹ ana aa sịị mẹ̀ ọkarẹyị anẹhẹ o si tù. Waa hẹkẹ ọza ana mẹ ẹbẹẹba ọnịrị ẹhẹ beri oku ọnịrị enyi ẹtẹ!”

Ẹtore 10:2

Ộ nyị iwe oweyi ọnya aanị rị ụvọ ọnị ọ hụ̀ tịtẹ. Ộ sị ahị ụvọrị tụ́ ini òkū, dị ọ sị ahụ ụvọha anị tụ́ ini eteesu nị.

Ẹtore 4:11

Ananyị yị, ẹwa vị Ohomorihi ayị nị. Ẹwa nyị ụkata nị. Ẹwụ a vọrọ ka avaba aza ẹ̀ẹ sị igirima ọnịrị ụbanyịị yị nị. Ẹwa tụ́ avaba ịsa nị. Agụvị ka wâ vavọọ sì ọ, ụ tụ́ wa, dị ẹ yà ịzọọ nị.

Odeyi 14:15

“Anda ayị nịnị, sị ẹ vẹ dị ụ maanị aa mẹ nịnị aanị? Ọza anka ẹwụ nịnị mẹ̀ rẹ yà ị vị nọ! Yâ vẹ ịzẹnị ka ya va kà enube ọyịza wụ nịnị, ka wa và hụụnị ịsa kẹnẹ-kẹnẹ ẹnẹnị, dị ụ wa và ká Ohomorihi ana yàra na nịnị! Ohomorihi ọnọọ ọ mẹ ẹbẹẹba ọnịrị ẹhẹ beri òkū ọnịrị avaba ịsa ene hi ịnị ẹnịnị nị.

Ẹtore 4:9

Ụmẹ tụra ụmẹ ọnị ịsa ẹẹna ana nyị ụhwẹ aanị ẹ̀ẹ yaa sị igirima ọnịrị ụbanyị beri avọọ yị ọza ana yara pooro zịna-zịna ana yaayịtẹ ịnị aga ohinọyị ọnọọ,

Ẹtore 1:18

Ọza ana yára mị vị nị. Mê vịdị sú, ama re, booro aanị mị kụkụ yára pooro zịna-zịna nị. Ẹma nyị ọda isu ọnịrị ini eku nị.

Inehemaya 9:6

Dị ẹ ka ọnị ịnyara kẹnẹ ọ vị Ẹnẹyịmavara nị. Ọnị ọ mẹ̀ eguhi, ọnịrị ẹbẹẹba neberi ụzọmị nịnị nị. Ọnị ọ mẹ̀ ẹtẹ ọnịrị oku neberi avaba ịsa ana ra hị́ ịnị anị. Ọnị ọ sị ụhwẹ yị avaba ịsa, dị ee sere wa nị. Ọnị avaba anggẹẹrị nịnị aa hẹkẹ nị.

Ọyịkụra 20:11

Wáā yẹ ka ẹkụhị ịhịnọnyị ẹmị Ẹnẹyịmavara sị mẹ ẹbẹẹba ọnịrị eteesu nị. Dị mị rẹ mẹ òkū ọnịrị avaba ịsa ene hi ịnị anị nị. Ịhị ẹ tụ́ ọ ẹkụhị ịhịmba di mị tụ́ ụhwọ nị. Dị ẹmị Ẹnẹyịmavara mẹ ẹkụhị ụhwọtụ ẹkụhị ọbanyị, dị mị nyị ọ tụ́ irenyi yị ẹngụ amị nị.

Oyinyima 14:22

Dị Abụramị ka: Eyiye, ọnị ộ vịdị raà sị́ Ẹnẹyịmavara Ohomorihi ana nẹba hu keekere ana mẹ ẹbẹẹba ọnịrị ẹhẹ hị́ eku,

Anihiburu 6:13

Óhomorihi me wo oto yị Abụrahamị, ẹ yị nyị ịsị e huna Ohomorihi ọnị ọ zụ sị hị́ eku, agụvị avọọ dị Ohomorihi sị ẹngụ anị hị́ eku nị.

Aniroomi 1:20

Óhomorihi mẹ̀ hụrẹ mẹ ẹhẹ, ọ raà sị ẹngụ ọza ọnị ọnị vị zụ̀, ọza ọ̀ yị daka zụ re e. Agụvị ka ọnị ọ mẹ avaba ịsa nị, aza e zụ re e gedebee ka ụkata anị yà ịzọọ pooro zịna-zịna. Ẹ rẹ zụ zị oze avọọ re e ka ọnị ọ vị Ohomorihi nị. Ẹ yị nyị ọza ene kuku re kụ́ vụrụ-vụrụ.

Odeyi 17:23

M màa parahu ịnị ẹkụra awụ nịnị, di mi re avaba ịzị ụụ̄ mẹ hẹkẹ nịnị; mê re ụta ọnya anaa chẹrẹ ịsa tụ́ ka: ‘Ohomorihi ọnị ọza ẹ̀ yị yẹ.’ Ohomorihi ọnọọ ọnị ụ waa hẹkẹ nịnị, dị ụ wẹ̀ yị yẹ ẹ nịnị, m maa kà ịrẹyị anịị wụ nịnị aanị nị.

Ezikẹẹrị 20:5

Ẹnẹyịmavara kà Ezikẹẹrị ọ̀ kà a yị wa ka, ụmẹ ọnị ọnị sị nyị Anisirẹrị nịnị, ọnị ộ kà ịrẹyị tịtẹ yị wa. Ọnị ộ sị ẹngụ anị zụ̀ wa ẹ́ mẹ yà ẹtẹ Ijipiti, dị ọnị kà a yị wa ka: Ọnị ọ̀ vị Ohomorihi awụ nịnị, Ẹnẹyịmavara nị.

Ahẹ Ụgama 146:5

Aza ana ahịka Ohomorihi oni Ijekọvụ hẹkẹ aa gụ ụvọ nị ẹ̀ nyarị ịrẹsụ ọyịza. Mị ka aza ẹnẹẹ ana ahịka Ẹnẹyịmavara ana vị Ohomorihi ẹ sị ayị tụra nị ẹ̀ nyarị ịrẹsụ ọyịza.

Ọyịkụra 6:8

Dị ọ rẹ ka ẹtẹ ọnị ọnị kà a ka ẹ yị zụ nyị ka ọnị ọ̀ yị sị yị Abụrahamị ọnịrị Ayiziiki ne beri Ijekọvụ avọọ, ịzọọ ọnị aa kụ wa nọ nị. Ọ kà ọnị aa sị ẹtẹ ọnọọ yị wa dị ọ̀ vị ẹtẹ ẹnịnị. Ọ kà ọnị ọ vị Ẹnẹyịmavara nị.

Ezikẹẹrị 47:14

Ọ kà ọnị ộ vịdị sị eku hị́ ka ọnị vaa sị ẹtẹ ọnọnịị yị ohiku awụ nịnị. Ẹwụ nịnị ọ vanaa nyị nị. Gà a ẹbẹẹbẹ yị ẹngụ nịnị.

Ezikẹẹrị 36:7

Ọnị ọ́ọ hị́ eku ka avaba ẹkụra ana kara ẹtẹ Isirẹrị vị ana a vaa mẹ ụhịị nyị.

Ezikẹẹrị 20:42

Ịjị ọnị ọọ raa kụ wụ nịnị vavẹ ẹtẹ Isirẹrị ọnị ọnị kà a ka ọnị vaa sịị yị ohiku awụ nịnị, ụ vaa yẹ nịnị ka ọnị ọ vị Ẹnẹyịmavara nị.

Ezikẹẹrị 20:28

Ọ kà ọnị ộ kụ wa va ngụ ẹtẹ ọnị ọnị kà a ka ọnị aa sịị yị wa. Ahatụraha aha ẹnẹ ẹnịnị ee ré ataba ana nẹba ọnịrị ọchị avị-avị nịnị kẹnẹ, dị ẹ na yà ịzọọ aa mẹ̀ ịsọvọ. Ịsị ịsọvọ ẹnẹ ẹyaa rị ịra ọnịrị eche ẹnẹ ẹyaa sị mẹ̀ ịsọvọ vị ọnị ẹyaa sịị mẹ ayịị kụ ọnị.

Ezikẹẹrị 20:23

Ọnị ô hị́ eku ịnị ụnọmị ịzọọ ka, vị ọnị vaa gara wa hi ịnị akakana anẹkụra ana vọ nị; dị ọnị gà wa hi ẹkụra zịịzị.

Ezikẹẹrị 20:15

Ama dị ọnị hị́ eku ka ọnị ẹ́ yị kụkụ vaa kụ wa naa ngụ ẹkụra ọnị vịdị sị yị wa nị ẹtẹ ọyịza-ọyịza ọnị ịsa gwẹtẹ hi ịnị anị. Ẹtẹ ọnọọ o zoza hu avaba ẹtẹ ana vọ nị.