Ẹtore 10:10 - IWE ỌNỊNỊ

¹⁰ Dị mị sị iwe oweyi ọnọọ hụụnị ụvọ anggẹẹrị ọnọọ, dị mị rị ọọ nị. Ô hine anka ẹhụ avọọ ini irenu amị. Ama m mẹ̀ yị mụnẹ ẹ kẹnẹ, dị ọ kụkụ aa nyịrẹyị ịnị ịnẹ amị nị.

Ẹtore 10:10 Referans Kwoze

Ezikẹẹrị 3:3

Ezikẹẹrị ka, ộ kà a yị ọnị ka, ọnị ozi-ọza ọ̀ rị iwe ọnọọ dị ịnẹ ọ̀ há ọnị. Ọnị mẹ rị ọ, ô hine anka ẹhụ.

Ụhịrẹyị 16:24

Ịrẹyị ozoza vị ene hine ọza anka ẹhụ avọọ. Ọ́ sị ọza ayị nẹtẹ, dị ọ rọ tụ ọza ẹngụ nị.

Ahẹ Ụgama 119:103

Ịrẹyị ọnị ụụ̄ kà ô hine mị ẹtẹẹtẹrẹ, ộ hyakụ hine mi huna ẹhụ.

Ahẹ Ụgama 104:34

Maa jẹ ịrajẹ agụvị ịsa ẹnị Ẹnẹyịmavara mẹ, navọ ahịka ịrẹyị ene zee wu eyi m mee ro ịnị ayị amị nị.

Ahẹ Ụgama 19:10

Ọkarẹyị Ẹnẹyịmavara ô zoza huna igooru A yi nyị igooru ịnị ẹhẹ eni e zụ si juwe anị. Avọọ ọ mẹ̀ re hine hu ẹhụ nị, ẹhụ ene ee sì ini ụpaha.

Ezikẹẹrị 3:14

Ọ kà Ẹnẹyịmavara ộ sị ụkata yị ọnị ẹtẹẹtẹrẹ, ịjị ụhwẹ Ohomorihi va sị ọnị kwooze, ayị anị sị du, dị ayị aa kụ ọnị nị.

Ezikẹẹrị 2:10

Ọza ọnọọ ộ ngwara iwe ọgọdọ ọnọnị, dị ọnị ré ka â chẹrẹ ịsa hị́ ọ eyi ẹnyị, eyi ọsa nị. Orere anaa jị oku oo sụ̀, ịrẹyị anaa kà ayị ọza oo du, ọnịrị ịrẹyị o du wu kù kẹnẹ a vavọọ chẹrẹ hi avaba anị nị.

Ẹtore 10:9

Dị mị nọ ịdị anggẹẹrị ọnọọ, dị mị ka ọ̀ sị iwe oweyi ọnọọ mị nị. Dị ọ ma sị ọọ dị ma rị ọọ nị. Ọ kà ọ vaa mẹ ka ịnị amị ọ̀ nyịrẹyị ama o vee hine ini irenu amị anka ẹhụ avọọ.

Ẹtore 10:11

Dị ọ ka, â nyị ka ma rẹẹ kà ịsẹẹ yị aza ọrụrụ-ọrụrụ ọnịrị anẹkụra ọrụrụ-ọrụrụ ana aa kà ẹkụra irenyi-irenyi, beri ohinọyị nịnị nị.