Ẹtore 1:13 - IWE ỌNỊNỊ

¹³ Ịnị akakana ẹnịnị, dị ịsa ọnya aanị ana sị mẹẹ anka ọza avọọ jẹẹ nị. Ô chire awuru ana na kà a ahẹtẹ, dị ọ sị ịbanụ igooru dị ọ sị za ịrachị anị nị.

Ẹtore 1:13 Referans Kwoze

Ịdanịyẹrị 7:13

Ịdanịyẹrị ka ịnị ẹtẹ ọnị ọnị re ịrahụ, ọnị ô re ịsị ẹ sị mẹẹ anka ọza avọọ ka aa vẹ ịnị akakana eguhi. Dị a sị ọ ne tu ọza ana ya ịzọọ hụrị ụmọrụmọ aanị nị.

Ịdanịyẹrị 10:16

Dị ịsa ọnya ana sị mẹẹ anka ọza avọọ va sị ụvọ kanyị ọnị irenu nị. Dị ọnị ha irenu dị ọnị kà a yị ọza ana jẹẹ ọvịdị anị aanị ka, ọga, ẹtẹ ọnị ọnị re aanị ọ raa mẹ ka ọ̀ ngụ ọnị ẹngụ, ọnị ẹ yị kụkụ nyị ụkata vụrụ-vụrụ.

Ẹtore 15:6

Dị anggẹẹrị ịhịmba ẹnẹẹ jịnẹ hụụnị irehi Ohomorihi ọnọọ vẹ beri ụyọrị ịhịmba ẹnẹẹ nị. Ẹnya ọvwọọvụ sẹnẹ-sẹnẹ aanị e chire nị, dị ẹ sị ịbanụ igooru sụ́ ịrachị nị.

Ẹtore 14:14

Máa kana eyi, di mi re eguhi ọvwọọvụ ọnya nị. Dị ọza ịnya aanị ana yà anka ozi ọza avọọ, yaayịtẹ ịrẹsụ eguhi ọnọọ nị. Dị ọ sị ọkẹkẹrẹkụ igooru ọnya aanị kú nị. Dị ọ sị ụhwọ ọnya aanị ana rẹ rị ụvọ nị.

Ireevi 8:7

Ô chire Eerọnị ọtịnịnẹ awuru, ọnịrị awuru ọgọdọ, dị ọ jị obo sụ́ ọ ọtẹ nị. Ô re chire e ịharamịra, dị ọ sị obo ana a ta ọyịza-ọyịza tụ ọ sụ́ ọ za ẹngụ nị.

Ịdanịyẹrị 7:9

Ịdanịyẹrị ka ọnị mee re ẹtẹ, dị ọnị re ka ê to aga ohinọyị nịnị hi ẹtẹ nị. Dị ọnị re ka ọza ana ya ịzọọ hụrị ụmọrụmọ ka ộ va yaatụ ịnị aga ẹnẹẹ ọnya nị. Ịta ọnị ọza ọnọnị kụ hi ẹngụ vị ọvwọọvụ sẹnẹ-sẹnẹ, dị ẹyịrẹsụ anị â vwẹtẹ anka owu oyiche avọọ nị

Ayịsaya 11:5

Ohinọyị ọnọọ vị ana vaa mẹ ịzẹyịza ọnịrị ebira ana vọrọ. Ọ raà sị ebira ẹnẹẹ tenyi ẹngụ ka oni ee pè ọnịvị anịị vụ̀ ịrẹvụ.

Anihiburu 4:15

Ohirẹsụ ọbanyị irehi Ohomorihi ayị o zụ pe yi roo ini oze ahịmị ayị, agụvị ka oze tụra oze a zị zama a re, anka a mẹ̀ raa zama ẹyịị re nị, ama ọnị ẹ yị mẹ ịvị.

Ọyịkụra 39:5

Ụbaja ene e hi tụ́ ọ vị ana a nyayịnẹ hi ẹtẹẹtẹrẹ. Owu ọnyọọnya e si hi ọnịrị ịharamịra ọnọọ nị. Dị ẹ sị za ịharamịra ọnọọ dị ẹ vị ọnyọọnya nị. Avọọ gẹdẹ-gẹdẹ Ẹnẹyịmavara mẹ̀ kà a yị Imosiisi nị.

Ẹtore 2:1

(Ọza oni mi re ka): Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ẹhwẹsọsị ka: Ọza ana kụ́ ụzọmị ịhịmba tụ́ ịnị ụvọ anị dị aa zị ụsẹ ịnị akakana ịzị aā sị ozotupaa tụ́ ịhịmba ana a sị igooru mẹ avọọ, ọ tụ́ mị ụtụ ọnọnị nị: