Emọsị 4:1 - IWE ỌNỊNỊ

¹ Ẹnẹyịmavara kà Anẹẹ Anịsamarịya ana dẹngụ anka ụnọ Anịbasanị avọọ e batọ ịrẹyị anị. Ẹnịnị aa mẹ̀ ẹvaya yị onosiye nịnị, di ẹ yaa chamayị yi onuruwa nịnị nị. Eche kẹnẹ ẹ ka ọva ẹnịnị ẹẹ kụ yi ẹnị hu nị.

Emọsị 4:1 Referans Kwoze

Ahẹ Ụgama 22:12

Ọnịvị amị ana kara mị ệ nyị ụkata anka ẹya Ẹnịnị vị ana gụ ẹtẹ kara mị Mị ka ọnịvị amị ẹnẹẹ ệ nyị ụkata anka ẹya ene hi ịnị ụnọmị Ịbasanị.

Emọsị 6:1

Oogwoo Anijerusarẹmị ọnịrị Anịsamarịya nịnị ẹnị e ro ka ẹnị ẹ si ha dị ẹ va ẹngụ ha. Ọdọvịdị ẹkụra ẹnẹnị vị ene ro ka eni e huuna ẹkụra ana vọ agụvị avọọ di ọzọza ọ va ụpa anị nee kú.

Emọsị 5:11

Ẹnịnị vị anaa sị ụvọ hi onosiye za ẹtẹ, dị ẹ yaa ba wa uchuvọta dọ ẹkẹhị irehi, dị ẹ ne ẹkẹhị irehi na hịrẹ. Agụvị avọọ ẹnịnị ẹ yị vaa ra ịnị irehi ẹnị ẹ da. Ẹnịnị ẹ yị rẹ vị hú eche hụụnị ụbazị ịvayịnị ẹnị ẹ kụ́ ụrụkụ anị.

Ezikẹẹrị 39:18

Ẹnịnị vaa rị oku isoja nịnị, di e hu ohinọyị anẹhẹ nịnị, ana á vaa wụ̀ avaba ẹnịnị anka ịdẹba, à vị ozi atẹmẹ, ẹvụ à vị ụnọ ana ta dẹngụ avọọ.

Ịrẹyị Ọzwọzịsa 4:1

Ọzwọzịsa ka ọnị o re ré avaba ẹvaya ana aza mẹẹ yị ẹngụ ịnị ẹhẹ ọnọnị. Aza ana a mẹ ẹvaya yị aa jị òrèrè ẹnịnị e yị re ọza sị wa ayị nẹtẹ agụvị ka aza ana a mẹ ẹvaya yị wa ẹẹ nyị ụkata ẹtẹẹtẹrẹ.

Ịmarakayị 3:5

Ẹnẹyịmavara Ochẹtẹẹngụ ka, ọnị vaa ka pe wa dị ọnị ọ mẹ̀ ọkarẹyị yị wa. Dị ọnị ụsẹ jị ịvị yị aza ana aa mẹ ẹbẹ, ọnịrị ọsẹrẹka nịnị, ne beri aza ana aa hị́ eku iruku, ọnịrị aza ana aa mẹ anụkọrọ rị, aza ana aa mẹ ẹvaya yị osoku nịnị ọnịrị ozi oku nịnị ne beri azọga ọnịrị aza ẹnẹ ẹ yị nyị angwahi anị.

Ijowẹrị 3:3

Dị ẹ sị ịsa sì ẹnịnị mẹmẹ vaa ga aza ẹnẹ za hị́ ẹngụ ụvọ nị. Dị ẹ ná ezi anọrụ ẹnịnị ọrịhị, dị ẹ sị ẹkẹhị anị ne si ụta ara yị ọsẹrẹka nị. Avọọ ẹ mẹ rẹ ná ezi anyẹnẹẹ ẹnịnị, dị ẹ sị ẹkẹhị anị hu eche nị.

Ezikẹẹrị 22:29

Opisa ẹnịnị vị anaa mẹ ọzaa rị, dị ẹyaa mẹ akoo yị aza. Ẹnịnị vị anaā mẹ ehunaa yị onosiye ọnịrị anẹkụra ọsa nịnị.

Ezikẹẹrị 22:27

Ẹnị ọdọvịdị ene hi ịnị ịjọva vị ana sị mẹẹ anka akatapooro ana wụ̀ uye, di aa na rị avọọ. Ẹnịnị vị anaā wụ̀ aza agụvị ẹnị ẹ̀ sị nyị ẹkẹhị.

Ezikẹẹrị 22:12

Aza ẹnyị awụ nịnị aa dọ ọza ẹkẹhị naa wụ̀ ọza. Aza ẹnyị ọ̀ọ sị ẹkẹhị rèré ọnọhụva anị Anisirẹrị, dị ẹ dọ ọtụrọsarẹsụ ọdẹngụ tụ ọ. Avọọ ẹ́ maa me ehunaa yị ẹngụ dị ẹyaa sịị nyị ẹkẹhịị hu avọọ nị. Ẹnẹyịmavara Ananyị ụkata hu ka, ayị anị ô hí wa.

Ezikẹẹrị 22:7

Ẹ́ yị nyị ọza Ijerusarẹmị ana sị ụbanyị ada anị ọnịrị ọnyị anị. Waa mẹ azọga nịnịị rị. Dị waa mẹ ehunaa yị osoku nịnị ọnịrị ezi-oku nị.

Ijeremaya 51:34

Inebukadineza, ohinọyị Ịbabịrọnị ọ sị ẹnị gara ha, ọ sị ẹnị tu avọ osusu anka a mẹẹ tụ ụnọkọ osusu avọọ. Ẹ ka, ọ sị ẹnị za mụnẹ anka ẹwụ mẹẹ mụnẹ ịsa avọọ. Dị ọ kụ avaba ịsa ohine-ohine ẹnẹ ẹnị nyị hi ịrẹka nị. Ọ rẹ sị ẹnị tọmọ và hi ẹtẹ o.

Ijeremaya 50:27

Wụ avaba isoja ẹnịnị và ha. Anibabironi nịnị ẹ sị da, ka ụmẹ o si tu ka ẹnịnị ẹ̀ rị ụya.

Ijeremaya 7:6

Wẹ yị kụkụ mẹ ẹvaya yị azọga nịnị, ezi-oku nịnị avị osoku nịnị, dị wẹ̀ yị kụkụ wụ̀ ọza ẹnị ẹ yị nyị ịsị ọ mẹ ịzẹnị nịnị nị; wẹ yị kụkụ na hẹkẹ ori nịnị ene vee vu u nịnị ẹtẹ.

Ijeremaya 6:6

Ẹnẹyịmavara Ochẹtẹẹngụ ka, ohinọyị ẹnẹnị ẹ̀ má ọchị ene hi Ijerusarẹmị, dị ẹnịnị ẹ̀ sị mẹ ẹnya ịrẹkụ. Ẹnịnị ẹ̀ kụ ezi gụ, dị ẹ̀ sị mẹ oze na hịrẹ ọvọ Ijerusarẹmị. Ọ kà, aa nyị ka ọnị ọ̀ sị ụya rị Anijerusarẹmị nịnị agụvị ka ẹvaya kẹnẹ ẹ yaa mẹẹ yị ẹngụ ịzọọ nị.

Ayịsaya 58:6

Awẹ ọnị ọnị sì yị: ẹnịnị ẹ hụrẹ aza ẹnẹ ẹ sị akụvị mẹ ẹvaya yị ụvọ. Ẹ sị ọkẹkẹrẹ hụụnị ọbẹ ẹnịnị, dị ẹ navọ wa.

Ayịsaya 5:8

Avaba ẹwụ nịnị ana za avaba irehi ọnịrị ẹtẹ dị waa hị́ waa hi ẹtẹ nịnị aanị, wa sị dà nịnị. Aza ana vọ e yi kuku ee vee re aha yà. Ẹwụ nịnị ịnya kẹnẹ ọ kụkụ aa vaa ra ịnị ẹtẹ ọnọọ aanị nị.

Ịrẹyị Ọzwọzịsa 5:8

Asị o hi wu eyi wee re ka aa mẹ ẹvaya yị onosiye nịnị ịnị ẹkụra, dị ọza ẹ yị zẹẹ ka à mẹ ịzẹyịza ọnịrị ịsa ana vọrọ hi wa nị. Yẹ ka ọnụkọrọ ịjọva ọzọza vị ana nyị ọga ana sị eyi pe e. Avọọ a mẹ rẹ nyị ọga ene huna ẹnị ẹyịva ana sị eyi pe wa nị.

Ahẹ Ụgama 140:12

Ẹnẹyịmavara, mâ yẹ ka ụ vaa dọ ịrazị onosiye ọnịrị oniruwa nịnịị zị.

Ahẹ Ụgama 12:5

Ama Ẹnẹyịmavara vaa hụ agụvị ọkụmị ọnịrị aza anaaa mẹ ẹchakaa yị, dị ọnị kwẹẹtẹ. Ọ kà ọnị vaa kwẹẹtẹ agụvị aza ene ee nowu ka à ba ẹnị owu ọnịrị agụvị oniruwa nịnị Ọ kà ọnị vaa dọ wa hụụnị ụvọ aza ana aa chamayịị yị wa.

Ijoovu 20:19

agụvị ka ẹ mẹ onosiye nịnị rị, dị ẹ dọ wa irehi mẹ ẹnịnị nị.

1 Ohinọyị 16:24

Ọ mẹ̀ vavọọ rị ohinọyị, dị ọ hị́ ataba Isamara hụụnị ụvọ Isimẹrị nị. Ataba ọnọọ vị ọnị ọ hì ẹkẹhị enyusẹ akawụ-akawụ oze ẹẹta. Ọ mẹ sị ọ hị́, dị ọ dà ẹkụra tụ́ ịzọọ nị. Dị ọ ka ịrẹha ẹkụra ọnị ọnị dà tụ́ ịzọọ avọọ ọ rị Ịsamarịya nị. Ịrẹha ọnọọ vị ịrẹha Isimẹrị ana vịdị nyị ẹtẹ Ịsamarịya dị ọ va hị́ ọ hụụnị ụvọ anị.

Iwe Ọhụhị Imosiisi ana aa hị́ Ọyịvatụrọda 28:33

Ụ vaa kụ ịrụkụ nịnị ẹtẹẹtẹrẹ, ama anẹkụra ọsa ẹ vaa rị avaba ịsa ọnị ụ mẹ hụụnị aarẹ awụ nịnị. Ẹnịnị vị ana vaa mẹ ẹvayaa yị wụ nịnị, dị ẹyaa chamayịị wụ pooro.

Ijeremaya 50:11

Ọ kà, ẹwụ nịnị Anibabironi, waa na kụ aza anị ẹnya nịnị. Waa jẹ dị wee hine ayị nịnị nị. Waa ngwọọ zịịzị nịnị anka ụnọ ana aa sịị chị́ apaapa avọọ, dị wee nowu nịnị anka umaata avọọ nị,

Iwe Ọhụhị Imosiisi ana aa hị́ Ọyịvatụrọda 24:14

Asị ụ mẹ onosiye a vị ọza ọnị ụ dọ ụkọrọ rị, ọ̀ọ daka vị Anisirẹrị, a vị ọzọga ana ra ịnị ọnya ịnị ẹkụra awụ nịnị.

Ezikẹẹrị 18:12

aa mẹ ẹvaya yị ọnụya ọnịrị aza ẹnẹ ẹ̀ yị nyị ịsa, dị aa mẹ akoo yị aza nị. Ọza ọ̀ọ sị ịsa va dọ ọ ịsa rere, dị ẹ yị kụkụ va a ịrẹma yọ. Aa mẹ ori anaa nyị ọnị ịhyẹrẹ.

Emọsị 6:6

Ẹnịnị vị ene hu eche ahaahara, dị ẹ va eturare ọkatarihi hị́ ẹngụ. Ama ịrẹyị ẹkụra ene vú ẹtẹ ẹ yị jị wa areyi.

Ịrịka 21:33

Dị ẹ va ịrẹsụ ka oze Ịbasanị, dị Ọgị ohinọyị Ịbasanị ọnịrị aza anị jịnẹ tụ́ wa, dị ẹ gẹ ịrẹkụ Edireyi nị.

Ijoovu 24:4

Ẹ yaa mẹ ẹvaya yị onosiye nịnị, dị ẹ dụ wa na tẹ̀.

Ụhịrẹyị 22:7

Ọnyẹkẹhị aa mẹ ọda tụra onosiye ịrẹsụ, avọọ ọnụta mẹ ya ahụ ọza ana a sị ẹkẹhị rere e ni.

Ayịsaya 28:1

Wa sị da nịnị, ẹwụ nịnị Anehwireemi ana aa mẹ eyii zị. Ụbanyị awụ nịnị aa sa anka amu ohinọyị ọnị ọdọvịdị awụ nịnị kú avọọ. Amu ọnọọ aa saa tụ́ ịrẹsụ ọdọvịdị awụ nịnị ana ahịka ohweche ẹnị vị nị. Wa sị dà, ẹwụ ọnọọ ana vị ohirẹsụ ẹtẹ ene zoza oni ohweche ene hi ịzọọ aa sịị mẹ eyi. Dị ẹ daka vavọọ aa mii mẹ eyi, eche vi ene hú wa ẹtẹ.

Ayịsaya 56:12

Ẹnịnị vị ohweche. Ẹ̀ẹ sị ẹngụ hị́ dị ẹ ka, ‘Vẹ, vị ya na hị́ eche nịnị; vẹ ye hú ọpa eche ọnị yèe zụ hú nịnị, ụhwọọ o vee zozaa hu ajịnị nị.’ ”

Ezikẹẹrị 34:16

Ọnị vee sị̀ ẹnị ene vu, ọnịrị ẹnị ana sị ha hụrẹ oze, dị ọnị kụ́ wa vavẹ eehi. Ẹnị ana ahụ aa zị, ọnị vaa jị ịsaa sụ ọ yị wa. Ọnị vaa mẹ ka ẹnị ana tụ ọkụmị ẹ̀ nyị ụkata. Ọnị vaa si eyi pe ẹnị ẹbanyị-ẹbanyị ana nyị ụkata, dị ọnị aa sị ịzẹyịza pa avaba ẹnịnị.

Emọsị 3:1

Ẹnẹyịmavara ọ hị́ Anisirẹrị ka e batọ ịrẹyị ọnị ọnị vaa ka yị wa. Ịrẹyị ọnọọ ọ za avaba ẹnịnị ọnị ọ kụ̀ hụrị ẹtẹ Ijipiti vẹ.

Emọsị 3:3

Dị ọ họ̀ wa ka aza ẹnị ẹẹva ẹ́ẹ́ zụ rị vabẹ, dị asị ẹ dọ yị ẹngụ?