Emọsị 2:2 - IWE ỌNỊNỊ

² Agụvị avọọ ọnị vaa sị ịra du ẹtẹ Imowabi ha, dị ọnị rị avaba irehi ohinọyị ẹnịnị ana ya Ikeriyoti ịra va ha. Owu ịrẹkụ vị ana vaa dọ ẹtẹ, dị ọnịvị ẹnịnị ee hú ịkakanchị ẹ maa wụ́ Animowabi nịnị vaa ha.

Emọsị 2:2 Referans Kwoze

Ijeremaya 48:41

Ẹkụra-ẹkụra ene hi Imowabi ọnịrị irehi ọbanyị ọnị isoja ẹnịnịị yaa sere ẹtẹ vị ọnị ẹkụra ọnọọ vaa za. Ịhị angwa vị ene vee hi isoja Animowabi nịnị anka ọnyẹnẹẹ anaa barẹẹ avọọ.

Ijeremaya 48:24

A vaa mẹ̀ ọkarẹyị yị Anikeriyoti ọnịrị Anibozira nịnị, beri ẹkụra-ẹkụra ene hi ẹtẹ Imowabi, ẹ̀ẹ yà aha ẹnẹẹnẹ, ẹ̀ẹ va gụrị ẹtẹ.

Emọsị 1:14

Agụvị avọọ Ẹnẹyịmavara kà ọnị vaa rị ọvọ ẹkụra Ịraba ọnịrị irehi ohinọyị ẹnịnị ịra. Ọnịvị ẹnịnị vị ana vaa và wa angga anka okoruwa avọọ dị ẹtẹ aa sụ́ ịrẹyị.

Ijeremaya 48:34

Aza ana ra hi ẹtẹ Ịhẹsịbọnị ọnịrị Eriyare aa jị òrèrè booro-booro, dị aza ene hi ẹtẹ Ijahazi aa wụ́ ọngwẹ ẹnịnị ẹ́ maa jị òrèrè nị. Aza ene hi ẹtẹ Izowa ệ wụ́ orere ẹnịnị, dị á wụ́ ọ huu na ngụ Ihoronayimi ọnịrị ịzị aā hị́ Egirati Isirisiya nị. Okuha ana yà ẹtẹ Inimirimi vị ana hyakụ wụ.

Ayịsaya 9:5

Adava oku isoja nịnị ana ngụ tu wa ọnịrị awuru anya-anya ẹnịnị vị ana vaa rị ịra vaa ha.

Ijeremaya 48:45

Aza ene zwè ka ẹnị ẹ̀ na tẹ̀ ẹkụra ana aā hị́ Ịhẹsịbọnị jẹẹ, é yị re aza mẹ ọgụvọ yị wa, agụvị ka ẹkụra ọnọọ aa rị ịra. Ẹkụra Isihoni ana vị ohinọyị aa rị ịra; ịra ọ sị da hụụ ịzọọ va ngụ ẹtẹ Imowabi. Ọ sị ọvịdị-ọvịdị ẹkụra ẹnịnị ọnịrị ataba ẹnịnị rị ịra.

Ezikẹẹrị 25:8

Ẹnẹyịmavara Ananyịwa kà, Animowabi nịnị ệ kà a ka, Ijuda ọnịrị ẹkụra-ẹkụra ana vọ ẹ sị vị ọnyọọnya,

Emọsị 1:4

Ẹnẹyịmavara kà ọnị vaa jị ịraa da irehi ohinọyị Ịhazayẹrị ọnịrị Idi ohinọyị Ịbẹnịhadadị.