Emọsị 1:5 - IWE ỌNỊNỊ

⁵ Avọọ ọnị mẹ̀ rẹ vaa gara oze ọbanyị ana na ngụ Ịdamasịkọsịị ha nị. Aza ana ra ịnị osusuu Aveni ọnịrị ohinọyị Ịbẹtị-Edeni vi ene vee vú ẹtẹ. Anisiriya nịnị vị ana vaa za ọrịhị nọ ẹkụra ana aā hị́ Ikiri.”

Emọsị 1:5 Referans Kwoze

2 Ohinọyị 16:9

Ịzẹyịza, ohinọyị Ásiriya ộ wụ́ ịrẹyị Ahazi; dị ọnịrị isoja anị nịnị kwẹẹtẹ tu Ịdamasịkọsị nị. Ộ nyị ẹbẹẹba anị, dị ọ wụ Irezini ohinọyị, dị ọ za aza ene hi ịzọọ ọrịhị ne hi ẹkụra ana aā hị́ Ịkịrị nị.

Emọsị 9:7

Ẹnẹyịmavara kà aro ọnị ọnị nyị Anisirẹrị ọnị rẹ nyị yị Anetiyopiya nị. Ọnị ọ kụ Anihwirisiti hụrẹ ẹtẹ Ikiriti ọnịrị Anisiriya hụrẹ ẹtẹ Ikiri nị. Avọọ ọnị mẹ rẹ kụ Anisirẹrị hụrẹ Ijipiti nị.

Ijeremaya 51:30

Isoja Anibabironi ẹ yị kụkụ kụ ịrẹkụ. E ne sì hi ịnị irehi ọnị isoja nịnị yaa sere ẹtẹ. Ẹnịnị ẹ yị kụkụ nyị ọtụtụrụma, vị ẹ kụkụ sị mẹẹ anka anyẹnẹẹ avọọ nị. A sị oze ọbanyị ana aā zị vaa ngụ ịnị ẹkụra gara ha, irehi ẹnịnị aa rị ịra.

Arụwẹ 2:9

Avaba ozovwoovu ana aā zịị ngụ Ijerusarẹmị vị ene e wu, dị ezi wu ku wa za ẹtẹ. Ọvọrịvọ ene eē sii chere wa vị ana a chaka rugurugu va ha. Á sị ohinọyị ọnịrị ẹnị ọdọvịdị ẹnịnị dụ ne hi ẹkụra ọsa. Ẹ yị kụkụ nyị ọza ana aa zụ ọda Ohomorihi yị aza. Ẹnẹyịmavara ẹ yị kụkụ tụ ọnịsẹ Anị ụtụ hi aza.

Ịnahụmị 3:13

Ọkụrẹkụ Anininivẹ tụ ọkụmị anka anyẹnẹẹ avọọ. Avaba oze ọbanyị ana ngụ ẹkụra vị ana na hi ẹtẹ yị ọnịvị nịnị. A vaa rị ọchojoze ọbanyị ẹnẹẹ ịra.

Ijeremaya 50:36

Ọnịsẹ nịnị enee che irechee yị wa vị ene vee súu ha. Ẹnịnị ẹẹ da vị ọnụra kẹnẹ. Isoja ẹnịnị vị ene vee súu ha. Ẹnịnị ee divi baaba chẹngụ.

Ayịsaya 43:14

Ẹwụ nịnị Anisirẹrị, Ohomorihi awụ nịnị ana vị Ọnịnị, ana dọ wụ nịnị ha ka, ọnị vaa hụ agụvị awụ nịnịị tụ́ụ nọ Ịbabịrọnị. Ọnị vaa gara oze ọbanyị ẹnịnị ana a sị enyusẹ mẹ ha. Owu ẹnẹ ẹyaa na vaa vara orere.

Ayịsaya 22:6

Anerami ẹ raà kụ́ ahaba ẹnịnị, ệ tụra umaata aa vẹ. Dị Anikiri ẹnị re tenyi ogonto ẹnịnị nị.

Ezikẹẹrị 27:23

Anẹkụra ana aā hị́ Ịharanị, Ikane ọnịrị Edẹnị vị ọnị ẹwụrịị sẹ ohu nịnị. Ẹnị osohu Aniseba, Anasụrị ọnịrị Anikimadi vị enee pè wu nịnịị sẹ ohu.

2 Ohinọyị 14:28

 chẹrẹ avaba ụkọrọ ana vọ ọnị Ijerobowami ọhụva mẹ hi ini iwe ịtọpa ohinọyị Ísirẹrị nịnị. Ọ́ mẹmẹ sị ọtụtụrụma kụ̀ ịrẹkụ, ọnịrị ọ mẹmẹ dọ ẹtẹ Ịdamasịkọsị ọnịrị Ihamati varẹma yị Ísirẹrị vị ana a chẹrẹ saka-saka.

Ayịsaya 8:4

Ọ kà di ozi ọnọọ ọ̀ na yaraa hị́ ‘Ada anị’ à vị ‘Ọnyị anị’ ohinọyị Anasiriya va raà kụ́ ogu Anịdamasịkọsị ọnịrị ogu Anịsamarịya.”

Ezikẹẹrị 30:17

Ezwọọmụha ene e hi Iheriyoporisi ọnịrị Ibubasitisi vị ene vee su ha ịnị ịrẹkụ ọnọọ. Dị a za ẹnị ana vọ ọrịhị ne hi ẹkụra ọsa.

Ihoseya 10:8

Ụta ori ene hi aveni ịzị Anisirẹrị nịnị ya mẹ̀ ịvị vị ana vee wú ha, di igegenechi hụ kụ wa ịrẹsụ. Dị ọzọza aa da ịpẹ ka ataba ọnịrị otutu o wu za ẹnị ịrẹsụ.

Emọsị 5:5

Ọ kà asị ẹ nọ Ịbẹẹsẹba na mẹ ahẹkẹ. Asị e ne si ọnị Ịbẹtẹrị. Ịbẹtẹrị vị ene vee vu ẹtẹ. Asị ẹ nọ Igirigari agụvị ka aza ene hi Igirigari vị ana vaa za ọrịhị na ẹkụra ọsa.