Emọsị 1:11 - IWE ỌNỊNỊ

¹¹ Ẹnẹyịmavara kà ọnị aa pa ịva yị Anedomi nịnị agụvị ebira odivi odivi ọnị ệ mẹ̀. Ẹnịnị ẹ sị ụ̀hwọ̀ wụ̀ Anisirẹrị ẹnị ẹnịrị vị anda. Ọyịha odivi ẹnịnị, ẹ yị zẹ ka ẹ vayị ọza vụrụ-vụrụ. Ẹnịnị ẹ yị mẹ̀ ẹ sị rị.

Emọsị 1:11 Referans Kwoze

2 Ịtọpa 28:17

Ka isoja Anedomi nini ẹ rẹ raà sị ịrẹkụ hụ Anijuda, dị ẹ za wa ọrịhị nị.

Ịmarakayị 1:4

Ezi Iisọ ana vị anẹkụra Edomi ọnọọ ẹ̀ẹ kà ẹkụra ẹnịnị o si du, ẹnị aa varẹma tenyi ọ da. Ẹnẹyịmavara Ochẹtẹẹngụ kà a ẹnịnị èe tenyi ọ da, dị ọnị rẹ varẹma wu ọ za ẹtẹ nẹrẹ-nẹrẹ. Dị aza aa hị́ ịzọọ ẹkụra odivi, anẹkụra ọnị Ẹnẹyịmavara aa kụ ayị hi pooro.

Ijowẹrị 3:19

Ẹkụra Ijipiti ọnịrị Edomi vaa tụ́ osusu, dị ẹ jị eburu agụvị ka ẹnịnị ệ kụ ịrẹkụ tu Anijuda, dị ẹ wụ̀ aza va ha kẹnẹ-kẹnẹ nị.

Ahẹ Ụgama 137:7

Ẹnẹyịmavara, tamayị ebira anị Anedomi mẹ ịhị ịrẹkụ va rị Anijerusarẹmị. Ẹnịnị vi ene ee nowu dị ẹ ka à maanị chaka Ijerusarẹmị za ẹtẹ nẹrẹ-nẹrẹ.

Imika 7:18

Ẹwụ Ohomorihi o, ẹ yị nyị ịsa ọnị ọza zụ si juwe awụ. Aza awụ ana vọ ana mẹ akụvị, dị ẹnịnị rị ịvị awụ Ẹngụ aza ẹnịnị, Ohomorihi, ẹwaa vagu wa. Wẹ mā kụ́ ayị pooro, ẹwụ vi ene eē sì ka wa vayị ọza.

Ịrẹyị Ọzwọzịsa 7:9

Asị ụ rẹ hụra kụ ayị, agụvị ka ọnụra kẹnẹ ọọ hụraa kụ ayị nị.

Iwe Ọhụhị Imosiisi ana aa hị́ Ọyịvatụrọda 23:7

A sị ụ sị eyi wụ Anedomi nịnị, agụvị ka anda awụ nịnị ẹ vị nị. Dị a sị ụ rẹ sị eyi wụ Anijipiti nịnị, agụvị ka azọga ana vịdị ra ịnị ẹtẹ ẹnịnị ụ vị nịnị nị.

Anẹhwẹsọsị 5:1

Ezi Ohomorihi oni o sì ịrẹyị anị ụ vị nịnị nị. Agụvị avọọ, waa mẹ ebiraa véné ebira Ohomorihi nịnị.

Ịmarakayị 1:2

Ẹnẹyịmavara kà ọnị vị eneē sì ịrẹyị Anisirẹrị nịnị. Dị ẹnịnị họ̀ ọ use ka, “Ọ́ mẹmẹ sì ịrẹyị ẹnịnị kẹ?” Dị Ẹnẹyịmavara va ohi wa ka, “Ẹ́ẹ́ yẹ ka Ijekọvụ ana vị ohiku ẹnịnị vị ọyịnyara Iisọ?” Ama dị ọnị sì ịrẹyị Ijekọvụ nị,

Ayịsaya 57:16

Ẹma mẹ ka aza amị yàra nị; mẹ yị maanị vaa kà a pooro ka ệ mẹ divi nịnị, à vị ka ma maanị kụ́ ayịị hi wa pooro. Agụvị ka aza ẹnẹnị gẹdẹ-gẹdẹ ọnị mẹ ka ẹ̀ yàra aanị, vị ene vee su eyi amị.

Ahẹ Ụgama 85:5

Aanị ụ wáá mẹ kụkụ vị vaa kụ́ ayịị hi yi pooro zịna-zịna nị?

Ịzakaraya 1:15

Ọnị nyayịnẹ ee du ayị hi anẹkụra nịnị ana vọ ene ro ka ẹnị ẹ nyị ẹngwọọrọ. Ọnị vị ana kụ́ ayị chee hi aza anị dị ẹnịnị sị ụya rị wa hu avọọ nị.

2 Ịtọpa 20:10

Re booro aanị, Anamọnị, ọnịrị Animowabi ne beri Anedomi nịnị mẹ kụ́ ịrẹkụ tu ẹnị. Avọọ ẹnịnị mẹ rẹẹ̀ vịdị mè jị ẹvẹnẹ-ẹvẹnẹ tụ́ oze ka asị ohiku ẹnịnị ana hụrẹ Ijipiti aa vẹ che ẹkụra ẹnịnị parahu nị. Ẹnịnị ê jesi kara wa dị ẹ navọ wa nị.

2 Ịtọpa 20:11

Aanị ẹ mẹẹ si Anisirẹrị nịnị atọ nị. Ẹnịnị vị ana vaa dụ ẹnị jịnẹ hụụnị ẹtẹ ọnị Ohomorihi sị yị ẹnị.

Ihoseya 8:3

Ka ẹnịnị é yi ịsa ọyịza tịtẹ, ọnịvị ẹnịnị vị ana vaa dụ wa.