Emọsị 1:1 - IWE ỌNỊNỊ

¹ Â nyị ọnọrụ ọnya aanị ana aā hị́ Emọsị. Ọza ịnya ọ vị ịnị ẹnị anaā pa ịsụpa ẹkụra ana aā hị́ Itekowa nị. Ẹnẹyịmavara ộ tụ ọ ụtụ hi Anisirẹrị ịnị ụmẹ ọnị Uziya si vị ohinọyị ẹtẹ Ijuda. Ụmẹ ọnọọ Ijerobowami, ozi Ijehowasi ọnị rẹ sị vị ohinọyị tụ ẹtẹ Isirẹrị nị. Ịrayị ana tụ́ ọ ọhụva ọnị Emọsị kà enube ọnọọ kwooze, ẹtẹ ve henyi jigi-jigi nị.

Emọsị 1:1 Referans Kwoze

Ịzakaraya 14:5

Anijerusarẹmị nịnị vee zwe zị oze ịnị upoporo ataba ẹyịva ẹnẹẹ. Upoporo anị ộ gọdọ na ngụ Azeeri. Ẹnịnị vee zwe anka ụmẹ ọnị ẹtẹ sị ziizi ịnị ụmẹ Uziya ohinọyị Ijuda. Ẹnẹyịmavara vaa vẹ, dị avaba anggẹẹrị ọnịnị saasa a vẹ.

Emọsị 7:14

Dị Emọsị tụ́ ohi ka, ọnị ẹ yị vị ọnụtụ Ẹnẹyịmavara, dị ọnị ọ rẹ hụrẹ ịpa ọnọọ vẹ nị. Dị ọ ka, ọnị vị ọgẹrẹva ana pa ịsụpa.

Ijeremaya 6:1

Ẹwụ nịnị Anịbẹnjamịnị, ọzọza o zwe na tẹ̀ o! Zwe hụrẹ Ijerusarẹmị nịnị. Hú ịkakanchị nịnị ẹtẹ Itekowa dị wa nọ̀ọ nịnị ẹtẹ Ịbẹtị Ihakeremi. Kà ẹ yị wa ka, ịsa odivi ene vee du ịsaa ha ẹtẹẹtẹrẹ vaa hụrẹ eyi ẹbẹẹba vẹ.

2 Ịtọpa 20:20

Ẹnẹnẹ viri-viri eyinẹhẹ anị, dị aza kwẹẹtẹ nọ ịnị ụnọmị ana gụrị Itekowa nị. Ẹnịnị màa kwẹẹtẹ, dị Ijehosahwati ka ịrẹyị ẹnẹnị yị wa nị. Ọ kà a, ẹnị anọrụ Ijuda ọnịrị Ijerusarẹmị ẹ sị ayị ẹnịnị tụra Ẹnẹyịmavara Ohomorihi ẹnịnị, dị ẹẹ jẹẹ geri-geri. Ẹnịnị ẹ dọ ịrẹyị ọnị ọnịsẹ nịnị ka yị wa, ka ẹ vaa nyị ehuna.

2 Ịtọpa 11:6

Ẹkụra ọnị ọ jị ọvọ kara ẹ vị, Ịbẹtịrẹhẹmị, Etami, Itekowa,

1 Ohinọyị 19:19

Ịzẹyịza di Erija hụụ ịzọọ aa na, di o re Erisa ozi Isahwati ka ọ kụ ọkẹẹkẹrẹ tụ́ imaaru ẹwụrẹva hi ọvịdị ee sii hura ẹtẹ nị. Erisa vị ana jẹẹ pè imaaru ana tụ́ ọ ẹwụrẹva. Di Erija para hu ne tù ọ, di o ne awuru anị ne kú ọ nị.

2 Ịsamụwẹrị 14:2

Di Ijowabi va tụ́ nọ ịzị aā hị́ Itekowa dị ọ na sị ọnẹẹ ọnya aanị ana yẹ ịrẹyị hụụ ịzọọ vẹ nị. Ọ́ mẹ̀ na sị ọ dị ọ kà a yọ ka ọ̀ và ịta kú ẹngụ, dị ọ̀ mẹ anka ọza oni oku sú dị aa jị òrèrè avọọ. Ọ kà asị ọ da ịsa sisi ẹngụ, dị ọ̀ sị mẹ̀ ẹ ka o si kú ọnị ọ hụrẹ aa jị òrèrè oku ene sú ọ.

Ijeremaya 1:1

Ụmẹ ọnya, â nyị ọnọrụ ọnya aanị ana aā hị́ Ijeremaya ọnị ịrẹha ada anị rị Ihirikaya, ọnyara ịnị ẹnị ohirẹsụ irehi Ohomorihi ene hi ẹkụra ana aā hị́ Anatọtị ịnị ẹtẹ Ịbẹnjamịnị ọ vị nị. Ijeremaya ọnọọ ộ kà ịrẹyị ẹnẹnị nị.

Ayịsaya 1:1

Iwe ọnọnị vị iwe etore oni Ohomorihi si zụ̀ Ayịsaya ana vị ozi Amozi. Ịnị ụmẹ ọnọọ Uzaya, Ijotami ọnịrị Ahazi ne beri Ihezekaya ẹ vị avọọ vị ohinọyị Ijuda tù ẹngụ tù ẹngụ nị. Ohomorihi ộ sị ẹtẹ ọnọnị zụ̀ Ayịsaya, dị ọ kà a yọ ịrẹyị ene vee tù Ijuda ọnịrị Ijerusarẹmị nị.

2 Ohinọyị 14:23

Ịnị ana tụ ọ ịrayị ẹwụrẹhị ọnị Amaziya ozi Ijoyasi ohinọyị Ijuda rị, Ijerobowami ozi Ijoyasi ộ rị ohinọyị Ísirẹrị. Ịsamarịya ọ yà mẹ ohinọyị anị ịrayị ẹbẹẹva tụra ọnyara nị.

1 Anịkọrịntị 1:27

Ohomorihi ọ raà nyị ịsị anẹhẹ ro ka ịyẹyẹ ọ vị nị, ka ọnị ọ̀ sị mẹ̀ ụhị nyị ọyẹrẹyị nịnị. Ọ rẹ nyị ịsị anẹhẹ ro ka ẹyị nyị ụkata ka ọnị ọ̀ rẹ sị mẹ̀ ụhị nyị ọnụkata nịnị.

Imika 1:1

 nyị ụmẹ ọnya aanị, ịnị ụmẹ ọnọọ Ijotami ọnịrị Ahazi ne beri Ihezekaya vavọọ vị ohinọyị tù ẹngụ tù ẹngụ tụ́ Ijuda nị. Ịnị ụmẹ ọnọọ Ẹnẹyịmavara mẹ ka Imika ana vị Animoreseti ò re ẹtẹ. Ini etore ọnọọ, dị Ẹnẹyịmavara pè e kà ịrẹyị nị. Ẹtẹ ọnị Imika re vị ịrẹyị ene vee tù Ịsamarịya ọnịrị Ijerusarẹmị.

Ihoseya 1:1

 nyị ọza ọnya aanị ana aa hị́ Ihoseya, ana vị ozi Ibeeri. Ẹnẹyịmavara ộ tụ́ ọ ụtụ ịnị ụmẹ ọnị Uziya, Ijotami, Ahazi, ọnịrị Ihezekaya nịnị sị mẹ̀ ohinọyị Ijuda vọ yị ẹngụ. Ịnị ụmẹ ọnọọ gẹdẹ-gẹdẹ, Ijerobowami ozi Ijowasi ọnị rẹ sị vị ohinọyị Isirẹrị nị.

2 Ohinọyị 14:21

Anijuda nịnị ệ sị ozi anị ana aā hị́ Uzaya rị ohinọyị dọ ọ ịrẹsụ. Ozi ịrayị ẹwụrịhịnọnyị ọ vị nị.

Ijeremaya 7:27

Ẹnẹyịmavara ộ kà a yị ọnị Ijeremaya ka ọnị ọọ maanị na kà avaba ịrẹyị ẹnẹnị yị aza anị, ẹnịnị ẹ yị vaa wụ̀; ọnị ọ̀ọ hị́ wa, ẹnịnị e yi vee tụ́ ohi.

Ọyịkụra 3:1

 nyị ụmẹ ọnya dị ahịka Imosiisi ọọ̄ kụ́ atẹmẹ ọnịrị ẹvụ Ijetiro ọyẹ anị na rị. Ijetiro a rẹẹ̄ hị́ Iruweri nị. Ọnị ọ vị ohirẹsụ irehi Ohomorihi tụ́ Imidiyani nị. Ẹkụhị ọnya ộ kụ́ Ịsụpa ẹnẹẹ na ngụ ịnị ụnọmị na huu. Ọ na ngụ ịnị ataba Ịhọrẹbị ana aā hị́ ataba Ohomorihi.

Imatiwu 4:18

Ijeesu màa zị ụsẹ ụtọ irehu Igariri, ô re ẹyịnyara ẹẹva, Ịsayịmọnị ana aā hị́ Ipita, ọnịrị Andụrụ ọyịnyara anị. Eyee ne ọhaa ngụ enyi, agụvị ka ozube ivovo ẹ vị nị.

Ijeremaya 28:8

Ijeremaya ka, ọnịsẹ nịnị ana yà ọvịdị ọnịrị Ịhananịya ệ kà a da ka ịrẹkụ, ụngwẹ ọnịrị ụkụ vee tù anẹkụra ọrụrụ-ọrụrụ ọnịrị ohinọyị nịnị ana nyị ụkata ẹtẹẹtẹrẹ.