Iwe Ọhụhị Imosiisi ana aa hị́ Ọyịvatụrọda 8:2 - IWE ỌNỊNỊ

² Tamayị Ẹnẹyịmavara Ohomorihi awụ nịnị mẹmẹ zụ wụ oze ịnị ụnọmị ịrayị ẹbẹẹva. Ọ sị ẹngụkata ọrụrụ zama ẹnịnị re agụvị dị e ka ịrẹsụ hi yị ọnị, dị ọ rẹ yẹ wee yị hi ayị nịnị ọnịrị waa saasa ọda ọnị ộ mẹ̀.

Iwe Ọhụhị Imosiisi ana aa hị́ Ọyịvatụrọda 8:2 Referans Kwoze

Ijemiisi 1:3

Wáa yẹ ka àa zama ẹdọwụ awụ nịnị re, ọ vaa mẹ ka ayị awụ nịnị ọ̀ nyị ụkata hu avọọ.

1Ipita 1:7

Iruvo ẹzamare ẹnẹẹ ọ vị ka è zu ré ka ẹdọwụ obooro ụ nyị nịnị nị. Wâ yẹ igooru nịnị, ana ahịka oō du; ịra aā sịị zama a re ka à yẹ, àa vị obooro ọ vị nị. Avọọ ọ mẹ rẹ vị yị ẹdọwụ awụ nịnị nị, ana ahịka óo huna igooru ẹtẹẹtẹrẹ. Àa zama ẹdọwụ awụ nịnị re, dị ọdịrẹma anị vị ụga ọnịrị ụbanyị ne beri igirima, ịhị Ijeesu ọ̀ọ sị ẹngụ zụ̀.

Iwe Ọhụhị Imosiisi ana aa hị́ Ọyịvatụrọda 8:16

Ọnị ọ sị ịsọyịrị ọnị ohiku ẹnịnị ẹ yị rị dị yị wa ịnị ụnọmị nị. Ọnị ọ̀ ku ẹngụkata tu wa dị ọ sị zama wa re nị. Ọvavẹ ịrẹma vị ọnị ọ vana sị ịsa ọyịza-ọyịza yị wa.

Ọyịkụra 16:4

Dị Ẹnẹyịmavara kà a yị Imosiisi dị ọ ka ọnị vaa zụ̀ ịsọyịrịị hụrẹ ẹbẹẹba hi ẹtẹẹ yị wa. Ọ kà aza ẹnẹẹ ẹ̀ jịnẹ nọ ẹhẹ eyinị-eyinị dị ẹ̀ na kụ́ ana hụ wa rị ịnị ẹkụhị. Ọ kà ọnị aa sị ọnọọ zama waa re ẹ̀ẹ daka vaa saasa ịrẹyị anị.

Iwe Ọhụhị Imosiisi ana aa hị́ Ọyịvatụrọda 2:7

Dị Imosiisi ka, asị ayị hi wa ka Ẹnẹyịmavara vene sere wa ịrayị ẹbẹẹva ịhị ụnọmị paragada. Ộ mẹ̀ ẹhẹ rọ wa ẹngụ, ẹ yị nyị ịsị ẹ zwọ wa.

2 Ịtọpa 32:31

Ụmẹ ọnị ohinọyị Ịbabịrọnị sị tụ́ va họ̀ Ihezekaya use ịrẹyị ịvọpa ana mẹ̀ ịnị ẹtẹ anị. Ohomorihi ộ navọ ka Ihezekaya ộ zama ebira anị re dị ộ yẹ ayị anị.

Ọyịkụra 15:25

Di Imosiisi ve nowu na za Ẹnẹyịmavara nị. Dị Ẹnẹyịmavara va sị ọchị ọnya zụ̀ ọ nị. Di Imosiisi sị ọchị ọnọọ di o ne e ngụ enyi ọnọọ nị. Di enyi ọnọọ kụkụ sị rụra hú nị. Dị Ẹnẹyịmavara mẹ ọda yị wa ịzọọ ka ẹ̀ẹ saasa a nị. Dị ọ rẹ zama wa re ịzọọ nị.

Ijemiisi 4:10

Kà ẹngụ awụ nịnị chi ọvịdị Ohomorihi Ananyị yị, ka ọ vaa sị wụ nịnịị tụ́ ẹba!

Ịjọọnụ 2:25

Ẹ yị nyị ka ọza ọ̀ naa kà ịrẹyị azaa yị Ijeesu, agụvị ka ộ yẹ ịsị ẹ yà ịnị ayị aza.

Ijemiisi 4:6

Ama ụkata oni Ohomorihi sị yị ọ banyị hu nị, agụvị ka Iwe Ohomorihi ọ́ kà a ka: Ohomorihi o yi sì aza anaā sịị ẹngụ ẹnịnịị̄ tụ́ ẹba ama ọọ̄ mẹ̀ ọyịzaa yị aza anaā kà ẹngụ ẹnịnịị chi.

Iwe Ọhụhị Imosiisi ana aa hị́ Ọyịvatụrọda 29:5

Ịrayị ẹbẹẹva Ẹnẹyịmavara zụ ẹnịnị oze ịnị ụnọmị nị. Ịnị avaba ụmẹ ọnọọ achị ẹnịnị ọnịrị adava ẹnịnị e yi re vee bó za wa ẹngụ.

Iruuku 18:14

Dị Ijeesu ka, “Dị ma kà a wụ nịnị ka ọdẹkẹhirehi ọnọọ Óhomorihi jị ịhị yị, dị aa nọ eehi nị, ẹ yị vị Anihwarisi ọnọọ. Agụvị ka ọza ana àa kà ẹngụ anị hịrẹ, vị Ohomorihi vaa kà a chí nị; ọza ana àa rẹ kà ẹngụ anị chí, dị Ohomorihi kà a hịrẹ.”

Emọsị 2:10

Avọọ ọnị mẹ dọ wa ha hụụnị ụvọ Anijipiti nịnị, dị ẹ ya ịnị ụnọmị ịrayị ẹbẹẹva nị. Dị ẹ dọ ẹtẹ Anamọnị nịnị nị.

Ayịsaya 2:17

Dị ọ za avaba ịsị ọza ee sii wu ika dị ọ vara a ụtẹ, ịsa aza aa sịị mẹ eyi dị ọ vara a ịrẹyị ụhị. Ịhị ọnọọ Ẹnẹyịmavara ịnya kẹnẹ aza vaa sị ụbanyịị yị nị.

Ụhịrẹyị 17:3

Ịra aā sịị zama isiriva ọnịrị igooru re dị a yẹ ana vị obooro anị nị, ama Ẹnẹyịmavara vị anaā zama ayị ọzaa re.

Ahẹ Ụgama 136:16

Waa kụ́ ọ avọ ka ọnị ọ kụ̀ aza anị zị oze ịnị ụnọmị na para hu nị. Vi óō sì ịrẹyị ọza pooro zịna-zịna nị.

Ahẹ Ụgama 106:7

Óhiku ayị me hi Ijipiti, ẹnịnị ẹ yị sị ayị ro ịnị ịvọpa ọnị ụmẹ. Ẹ yị tamayị ịsa irenyi-irenyi ọnị ụ mẹ yị wa, dị ẹ yaa kụ̀ụ hịrẹ wụ ụtọ Okuha Ịkịịkẹ nị.

Ahẹ Ụgama 81:7

Ohomorihi ka ụ maà rị ụya, di u nowu va za ọnịnị nị, ọnị ộ ba wụ nịnị owu. Ọ kà ọnị yà ịzị opomi yà aa tụ́, dị ọnị tụ́ wụ nịnị ohi nị. Ọ rẹ ka ọnị ộ zama wụ nịnị re ini okuha Imeriba.

Ahẹ Ụgama 77:11

Mị ka maa tamayị ụkọrọ ẹbanyị-ẹbanyị ẹnị Ẹnẹyịmavara mẹ ịnị ịyẹẹyẹ.

Ijoovu 33:17

Ohomorihi vị anaa vavọọ ka a agụvị e ro ịnẹ hụụnị ebira odivi ẹnịnị, dị asị ẹ rẹ sị ẹngụ tụ ẹba.

2 Ịtọpa 33:12

Ịjị ụya sị hụ ọ, dị ọ ka ẹngụ chi di o ro ịnẹ vaka Ẹnẹyịmavara ana vị Ohomorihi anị, dị ọ da ịpẹ ka ọ mẹ̀ ọgụvọ yị ọnị nị.

Iwe Ọhụhị Imosiisi ana aa hị́ Ọyịvatụrọda 13:3

Asị ụ dọ ịrẹyị anị tụ ịzọọ agụvị ka Ẹnẹyịmavara vị ana aa sị zama wụ re ka ọnị ọ yẹ wàa sị avaba ayị wụ sì ịrẹyị anị.

Iwe Ọhụhị Imosiisi ana aa hị́ Ọyịvatụrọda 7:18

À sị u hí angwa ẹnịnị; tamayị ịsị Ẹnẹyịmavara Ohomorihi awụ nịnị mẹ ohinọyị Ijipiti ọnịrị aza anị.

Iwe Ọhụhị Imosiisi ana aa hị́ Ọyịvatụrọda 1:33

Ohomorihi vana dọ ọvịdị ẹnịnị nee si aha ịzị ẹ vaa jị udi tụ́. Ọnị ọ vị ịra ọbanyị yị wa ịrahụ, dị ọ vị eguhi yị wa ọọdụ, dị aa zụ wa oze ẹnẹ vaa zị.

Iwe Ọhụhị Imosiisi ana aa hị́ Ọyịvatụrọda 1:3

Ịnị ẹkụhị ịpaapa ịnị ụhwẹ ẹwụrọnya ịrayị ana tụ́ ọ ịrayị ẹbẹẹva ọnị ẹ sị kwẹẹtẹ hụrẹ Ijipiti, Imosiisi maanị ka avaba ịrẹyị ọnị Ẹnẹyịmavara mẹ̀ ọda yị ọ ka ọ̀ ka yị Anisirẹrị wa nị.

Oyinyima 22:1

Ộ dà kù che ẹnị ẹ maanị hị́ eku yị ẹngụ, di Ohomorihi va zama Abụrahamị re ịnị ụmẹ ọnya nị. Di Ohomorihi hị́ Abụrahamị, di Abụrahamị ka, “Hèé, ụmẹ ka.”

Ẹtore 2:23

Ọnị vaa wụ̀ aza ana aa saasa a, dị avaba anịragụ Ohomorihi ẹ̀ yẹ ka ẹmaa yẹ ariro aza ọnịrị ịsa ana ayị anị sì nị. Mị vaa sị ọgụ ụkọrọ awụ nịnịị yị wụ nịnị.

2 Ịtọpa 33:19

Avaba ịsa ọnị ohinọyị Ịmanasẹ mẹ̀ ịnị ụmẹ anị vị ana chẹrẹ tụ́ ịnị iwe ịtọpa ọnịsẹ nịnị. Aa chẹrẹ ohinọyị mẹmẹ mẹ̀ aduwa, ohi ọnị Ohomorihi sị yọ ọnịrị avaba ịvị ọnị ọ mẹ̀ dị ọ vee ro ịnẹ hụụnị ebira odivi. Avaba irehi ori ọnị ọ dà, ọnịrị uyi ori neberi ori Asẹra ọnị ọ kụ́ aha irenyi-irenyi dị aa hẹkẹ wa vị ana chẹrẹ tịtẹ.

Ọyịkụra 16:35

Anisirẹrị nịnị ệ rị imana mẹ ịrayị ẹbẹẹva. Ọnị ẹ rị pooro dị ẹ va ngụ ịnị ẹtẹ Ikanaani ịzị ẹ na ra nị.

Ọyịkụra 20:20

Di Imosiisi ka, “Asị u rè hí angwa nịnị. Ohomorihi vị ana va zama wụ nịnị re. Ee sì ka wee hí angwa anị nịnị agụvị dị asị ụ na mẹ̀ ịvị nịnị.”

Ịrịka 14:33

Ezi ewu nịnị vene vee sere atẹmẹ ịnị ụnọmị ịrayị ẹbẹẹva, ka we yị sị ayị tụra a nịnị, ezi ewu nịnị vaa rị ụya pooro dị avaba ẹnịnị e su ha saka-saka.

Ọdọvịdị 2:22

Ộ kà ọnị a sị zama wa re, ẹnịnị ẹ vaa tẹsị ka ẹnị ẹ saasa oze anị anka ohiku ẹnịnị

Ọdọvịdị 3:4

Ẹnẹyịmavara vị ana sị wa zama Anisirẹrị nịnị re ka ọnị ọ yẹ ẹ̀ẹ vaa saasa ọda anị ọnị ọ tụ Imosiisi ka ọ mẹ yị ohiku ẹnịnị.

Inehemaya 9:19

Ama Ohomorihiī vayị ọza ẹtẹẹtẹrẹ, dị ọ̀ yị navọ ka è vú ẹtẹ ịnị ụnọmị nị. Eguhi ộ zụ wa oze ọọdụ, dị ịra a sị ẹtohweyi zụ wa ịrahụ nị.

Ezikẹẹrị 20:19

Ọ kà, ọnị Ẹnẹyịmavara ọ vị Ohomorihi awụ nịnị, waa saasa ịrẹyị anị nịnị, dị wa tangwa sị ụvọ za ọda anị nịnị o.

Iwe Ọhụhị Imosiisi ana aa hị́ Ọyịvatụrọda 32:7

Tamayị ịrẹma, ịsa ana mẹ ịnị ịyẹẹyẹ. Họ̀ aza ana ma wụ nịnị ọnịrị azọkụ use ịrẹyị. Ẹ vaa pa ịta ịsa ana mệ ịnị ịyẹẹyẹ yị wụ.

Ahẹ Ụgama 103:2

 vọrọ ka maa kụ́ Ẹnẹyịmavara, dị maa tamayị avaba ịsa ọnị ọ mẹ mị.

Ijeremaya 2:6

Ẹnẹyịmavara kà ọnị ọ kụ ụ nịnị hụrị ẹtẹ Ijipiti dị ọnị kụ ụ nịnị zị oze ịnị ẹtẹ ọpaapara nị: Ụnọmị ọnọọ vị ẹtẹ aarẹ-aarẹ ọnị orihi ẹ yị ma hụra zụ ịnị anị, ẹtẹ ọyị wụ ene divi ẹtẹẹtẹrẹ ọ vị nị. Ọza ẹ́ yị ma ra ịnị anị, ẹ́ yị nyị ọza anaa dọ ka ọnị ọ zị avọọ jịnẹ. Ama ayị anị o ve hi ụ nịnị.