Iwe Ọhụhị Imosiisi ana aa hị́ Ọyịvatụrọda 7:3 - IWE ỌNỊNỊ

³ Asị ẹ nyị ezi anẹẹ ẹnịnị, dị asị ẹ rẹ sị ezi anẹẹ ga ọza ẹnyẹẹnyị ẹnịnị.

Iwe Ọhụhị Imosiisi ana aa hị́ Ọyịvatụrọda 7:3 Referans Kwoze

1 Ohinọyị 11:2

Ẹnẹyịmavara ộ vịdị kà Anisirẹrị nịnị ọ̀nọ̀ ka asị ẹnịrị anẹẹ anẹkụra ẹsa nyị ẹngụ agụvị asị ẹ jesi wa ayị naa hẹkẹ ori ẹnịnị. Aza ẹnẹẹ gẹdẹ-gẹdẹ Isoromọnị sị ẹngụ na vaka, di o sì ịrẹyị ẹnịnị nị.

Oyinyima 24:3

dị ò sị Ẹnẹyịmavara Ohomorihi ana mẹ ẹbẹẹba ọnịrị ẹhẹ hị́ eku yị ọnị. Ọ kà ọ̀ hị́ eku ka ọnị ẹ yị vaa nyị ezi Anikenaani ịzị ọnị yà aanị yi ozi anị, ka ọ̀ vi ose anị.

Ọdọvịdị 14:3

Dị ada anị ọnịrị ọnyị anị họ̀ ọ use ka, “Aanị ka ẹ yị nyị ọnẹẹ ịdị anda nịnị ana vọrọ ka wa nyị, dị ụ waa na nyị ọnẹẹ hụrẹ ịdị Anihwirisiti nịnị ẹnẹ ẹ yị maā jị ụvẹvẹnẹ?” Dị Ịsamịsịnị kà a yị ada anị ka, “Nyị ọnẹẹ ọnọnị yị mị ka o zee mị eyi.”

Ẹzịra 9:12

Agụvị avọọ, asị ị sị ezi anẹẹ ayị ga ezi anọrụ ẹnịnị, a vị dị ezi anọrụ ayị ẹ̀ nyị ezi anẹẹ ẹnịnị. Asị ị gụ wa ụvọ ka ẹ jẹẹ, yàa ka ya nyị ẹngwọọrọ ịnị ẹtẹ ọnọọ, dị ya hụrẹ ẹ ụvọ yị ezi ịrẹma, dị ọ vị ogu ẹnịnị pooro zịna-zịna.

Ẹzịra 10:3

Booro aanị, ọ sị vị abaabo ka ẹnị hụrẹ anẹẹ anikinami ẹnịnị ọnịrị ezi ẹnịnị ụvọ ka ẹẹ nọ eehi ẹnịnị anka ajuwe ọnị Ẹzịra ọnịrị aza ana sị ụvọ za ọda Ohomorihi sị yị ẹnị aanị.

Inehemaya 10:30

Dị ẹnịnị wo oto ka ẹnị ẹ yị vaa sị ezi anẹẹ ẹnịnịị ga anẹkụra ọsa ana kara ẹnịnị nị. Ẹnị ẹ yị rẹ vaa nyị ezi anẹẹ ẹnịnịị yị ezi anọrụ ẹnịnị.

1 Ohinọyị 16:31

Ebira odivi oni Ijerobowami ozi Inebati mẹ̀ hyakụ vi ikiiki ini eyi Ahabị. Ọnị vị ana dà ngụ udivi hụ avọọ, dị ọ na nyị Ijezebẹrị ozi Atibaari ana vi ohinọyị Ịsayịdọnị. Dị ọ kụkụ aa hẹkẹ ori ẹnịnị ana aā hị́ Ịbaarị, di ee kú ẹtẹẹ kụ́ ọ nị.