Iwe Ọhụhị Imosiisi ana aa hị́ Ọyịvatụrọda 6:3 - IWE ỌNỊNỊ

³ Batọ, wàa sị vụrị dị u saasa ọda ọnọọ nị, ẹhẹ awụ e zoza, dị wáa yara ịnị ẹtẹ ozoza ọnị Ẹnẹyịmavara ana vị Ohomorihi ohiku awụ nịnị hị́ eku anị yị wa.

Iwe Ọhụhị Imosiisi ana aa hị́ Ọyịvatụrọda 6:3 Referans Kwoze

Oyinyima 22:17

Ọ kà ọnị vaa mẹ ka ezi anị ịrẹma-ịrẹma ẹ̀ rụrụ anka ụzọmị avọọ ọnịrị ààrẹ ene hi ụtọ òkū. Ọ kà ụnaka anị e vee huna ọnịvị ẹnịnị nị dị ẹ dọ wa ẹkụra ẹnịnị.

Ọyịkụra 3:8

Ọ kà ọnị o reè chi vẹ ka ọnị ọ vaa dọ waa ha hụụnị ụvọ Anijipiti nịnị. Ọ kà ọnị aa kụ́ waa hụụnị ẹtẹ ọnọọ dị ọnị ọ̀ kụ́ wa nọ ịnị ẹtẹ Ikanaani. Ẹtẹ Ikanaani ô zoza ẹtẹẹtẹrẹ. Ộ nyị avị ana vọrọ ka ịsụpa ẹ̀ rị, avọọ ọ mẹ̀ rẹ zụ mẹ̀ ịsa nị. Aza ana vịdị ra hi Ikanaani ẹ vị Anihiti, Anamọrị, Aniperizi ọnịrị Anihivi ne beri Anijebusi.

Oyinyima 28:14

Ọ rẹ ka ezi anị ịrẹma-ịrẹma vị ana vaa rụrụ anka ezi ini eteesu avọọ. Ọ kà vị ọ vaa yara ngụ avaba ẹhẹẹ zị nị. Anẹhẹ vị ana va mẹ̀ aduwa ka ò zee yị ẹnị anka o mè zee yọ.

Oyinyima 26:4

Ọ rẹ ka ọnị vaa mẹ ka ezi anị ịrẹma-ịrẹma ẹ̀ rụrụ anka ụzọmị ene hi ini eguhi. Ọ rẹ ka Ezi anị ọnị vaa sị avaba ẹtẹ ẹnẹnị yị nị. Anẹkụra vị ana vaa kà a ka ò zee yị ẹnị anka o mè zee yọ.

Oyinyima 15:5

Di Ohomorihi sị Abụramị jịnẹ nọ ẹhẹ dị ọ kà a yọ ka: Ò Re ẹbẹẹba di a re, ọ̀ọ zụ za ụzọmị ẹnẹẹ ịrịka ọ za a. Dị ọ rẹ kà a yọ ka avọọ ezi anị ịrẹma-ịrẹma mẹ̀ vaa rụrụ nị.

Odeyi 7:17

“Ộ da kù, ụmẹ maa gụrị ẹtẹ oni Ohomorihi aà vaa sị mẹ oto oni o wo yị Abụrahamị, dị anda ayị ene hi Ijipiti sị rụrụ hu avọọ nị.

Ayịsaya 3:10

Kà a ka vi o vee zee yi ọza ana aa mẹ̀ ebira ana vọrọ nị, agụvị ka ẹ vaa rị ọgụ ebira ẹnẹ ẹ̀ẹ mẹ.

Ịrẹyị Ọzwọzịsa 8:12

Ọ̀ọ daka vị ka ọza odivi mẹ̀ ebira odivi ụpẹ ẹchẹẹhị dị o ki ku orubo, ọnị ọọ yẹ ka ọza ene hí angwa Ohomorihi o vee zozaa yị hu nị.

Iwe Ọhụhị Imosiisi ana aa hị́ Ọyịvatụrọda 4:6

Ẹnịnị mẹmẹ sị ịzẹyịza saasa a ọ̀ vaa sị zụ anẹkụra ana vọ ka ẹnịnị ẹ yẹ ịrẹyị nị. Anẹkụra ẹnẹnị ẹ̀ wụ́ ịrẹyị ọda, dị ẹ yaa ga wa ka ẹ̀ nyị ịrẹyọyẹ ẹnẹmẹhị.

Ọyịkụra 1:7

Ama Anisirẹrị nịnị vị ana nyayịnẹ ha ẹnẹmẹhị. Ẹnịnị ệ rụrụ ẹtẹẹtẹrẹ dị ẹ kụkụ gwẹtẹ kẹnẹ nị.

Oyinyima 13:16

Ọ kà ọnị vaa mẹ ka ịpa anị ẹ̀ rụrụ anka ezi ene hi ịnị ẹhẹ. Ọ kà ọza ana àa zụ za ezi ịrịka ọ rẹ va zụụ za ịpa anị nịnị ịrịka nị.

Oyinyima 12:2

Ohomorihi ka ọnị vaa mẹ ka ọ̀ vara anẹkụra ọbanyị, dị ọnị mẹ ka ò zee yọ, dị mị mẹ ka ịrẹha anị ọ̀ yārā. Ohomorihi ka agụvị anị ọnị vaa mẹ ka ò zee yị avaba anẹhẹ nị.

Ọyịkụra 3:17

Ọ kà ọnị ọ sị ọ kà ka ẹ yị nyị ịsị ẹẹ̄ mẹ ka, ka ọnị ọ yị kụ́ wa hụụnị ụya ana aa sịị rị wa ịnị ẹtẹ Ijipiti. Ọ kà ọnị aa kụ́ wa nọ ịnị ẹtẹ Ikanaani. Ịzọọ Anihiti ọnịrị Anamọrị ne beri Aniperizi ọnịrị Anihivi beri Anijebusi ra hi aanị nị. Ọ kà ẹtẹ ọnọọ ộ nyị avị ana vọrọ ka ịsụpa ọ̀ rị, avọọ ọ mẹ rẹ zụ mẹ̀ ịsa nị.

Iwe Ọhụhị Imosiisi ana aa hị́ Ọyịvatụrọda 4:40

Imosiisi ka ẹ saasa avaba ọda anị ọnị ọnị raà sị yị wa ajịnị agụvị o ze yị wa ẹnịrị ezi ịrẹma-ịrẹma ẹnịnị. Ẹ vaa ra ịnị ẹtẹ ọnị Ẹnẹyịmavara Ohomorihi ẹnịnị aa sị yị wa ka ọ vị ẹẹnịnị pooro zịna-zịna.

Ijeremaya 7:23

Ọ kà, ama ọnị ộ mẹ̀ ọda yị wa ka: ẹnịị ẹẹ wụ́ chire ọnị, ka ọnị vaa vị Ohomorihi ẹnịnị, dị ẹnịnị vị aza anị, ọnị ộ ka ẹ yị wa ka, ẹnịnị ẹẹ mẹ ẹhẹ ẹnịnị ọnị mẹ mẹ̀ ẹ ọda yị wa, ka ọ va rọ wa ẹngụ nị.

Ijeremaya 42:6

Ẹ ka òo zoza, òo divi, ẹnị vaa saasa ịrẹyị Ẹnẹyịmavara, Ohomorihi ẹnịnị, ọnị ẹnị tụ́ ọnị ee nee tu aanị. Ẹ ka o vee zozaa yị ẹnị, ẹnị ẹ̀ẹ saasa a.

Ọyịkụra 3:6

Di Ohomorihi rẹ ka, “Ọnị ọ̀ vị Ohomorihi ana ada Imosiisi hẹkẹ nị. Ọnị ọ̀ rẹ vị Ohomorihi ana Abụrahamị, Ayiziiki ọnịrị Ijekọvụ hẹkẹ nị.” Di Imosiisi wụsẹ sị eyi anị tẹ nị. Angwa ee hi ọ ka ọnị ve re Ohomorihi.

Iwe Ọhụhị Imosiisi ana aa hị́ Ọyịvatụrọda 8:8

Ẹtẹ anaā mẹ̀ ihwiti, ibaari, ịvayịnị ọnịrị Ipomegiraneti, ọchị orivi ne beri ẹhụ.

Iwe Ọhụhị Imosiisi ana aa hị́ Ọyịvatụrọda 11:9

ọnị Ẹnẹyịmavara hị́ eku anị yị ohiku ẹnịnị ọnịrị ezi anị ka ẹ vaa ra a gọdọ. Ẹtẹ ọnọọ oo zoza ẹtẹẹtẹrẹ.

Iwe Ọhụhị Imosiisi ana aa hị́ Ọyịvatụrọda 26:9

Ộ sị yị vẹ ịzẹnị, dị ọ sị ẹtẹ ozoza ọnọnị yị nị.

Iwe Ọhụhị Imosiisi ana aa hị́ Ọyịvatụrọda 26:15

Kana eyi hụrị aha ọnịnị awụ ẹbẹẹba dị wa mẹ̀ aduwa yị aza awụ Isirẹrị. Sị ụvọ pe ẹtẹ ozoza ọnị ụ sị yị anka u me wo oto yị ohiku ayị nịnị.

Iwe Ọhụhị Imosiisi ana aa hị́ Ọyịvatụrọda 27:3

dị ẹ chẹrẹ avaba ọda ẹnẹnị hi ini anị. Ịjị wàa sị ngụ ịnị ẹtẹ ozoza ọnị Ẹnẹyịmavara Ohomorihi ohiku ẹnịnị wo oto anị yị wụ nịnị.

Iwe Ọhụhị Imosiisi ana aa hị́ Ọyịvatụrọda 31:20

Ẹnẹyịmavara kà ọnị vaa kụ́ wa nọ ịnị ẹtẹ ozoza ọnị ọnị wo oto anị yị ohiku ẹnịnị. Ịzọọ ẹ vaa nyị avaba ịsọyịrị ọnị e yee si. Ẹ vaa ra ẹhẹ ana rọ wa ẹngụ. Ama ẹ vaa sị eyi wụ́ ọnị, di e yi oto ọnị ọnịrị wa mẹ̀, dị ẹ varẹma na hẹkẹ ori nịnị.

Ahẹ Ụgama 119:4

Ẹnẹyịmavara, wa raà sị zụ̀ ịsị u sì, ẹngụ ịsa ẹnẹẹ a vọrọ ka àa saasa nị.