Iwe Ọhụhị Imosiisi ana aa hị́ Ọyịvatụrọda 4:3 - IWE ỌNỊNỊ

³ Ẹwụnị ụvọta ò re ịsị ọnị Ẹnẹyịmavara mẹ̀ Ịbaarị-Ịpẹyọ. Avaba aza anaa mẹ̀ ori ịzọọ ô vú ẹtẹ nị.

Iwe Ọhụhị Imosiisi ana aa hị́ Ọyịvatụrọda 4:3 Referans Kwoze

Ihoseya 9:10

Ohomorihi kà ịpaapa ọnị re Isirẹrị, ọ sị mẹ anka ọza oo rere re ẹtụtụ igirepi ọwọọwa ịnị ụnọmị avọọ nị. Ohiku ẹnịnị vị Ọnịrị re anka ẹtụtụ ọchị ihwigi ene vi sọkọ-sọkọ ịnị ụmẹ anị avọọ nị. Ama dị ẹnịnị va ịrẹma anị na sị ẹngụ ẹnịnị chire ori ana a hị́ Ịbaarị-Ịpẹyọ ụvọ nị. Dị ẹ kụkụ aa nyị ọza īhyẹrẹ anka ori ọnị ẹ yaa hẹkẹ nị.

Ijosuwa 22:17

Ọpa ịvị ọnị ị mẹ ẹtẹ Ịpẹyọ avọọ e yi zee? Ẹnẹyịmavara ộ hụvị avọọ sị ụya rị aza anị, dị ọ tụ yị ụkụ nị. Ụya ọnọọ ẹ́ẹ yị va ta yị rị booro aanị.

Ịrịka 31:16

Ẹnịnị Ịbaraamị tụ́ ịrẹyị ka e vene Anisirẹrị nịnị na hẹkẹ ori ịzị aā hị́ Ịpẹyọ nị. Akamawụ ọnọọ ẹ̀ mẹ̀ hí Ẹnẹyịmavara ana vị isu aza ọrụrụ-ọrụrụ ẹnịnị nị.

Ịrịka 26:64

Nyị ọza ịnị ẹngụ aza ọnị Imosiisi ọnịrị Eerọnị za ịrịka ịnị ụnọmị Ịsịnayị ana kụkụ yara va ngụ ụmẹ ọnọọ.

Iwe Ọhụhị Imosiisi ana aa hị́ Ọyịvatụrọda 4:4

Ẹwụ nịnị ana sị ịzẹyịza saasa a kẹnẹ ọ̀ yara ve tù ịhị ọnọọ nị.

Ezikẹẹrị 20:18

Ọnị ộ kà a yị ezi ẹnịnị ịnị ụnọmị ka, a sị ẹ saasa ọda ada ẹnịnị, dị asị ẹ mẹ ịsị ada ẹnịnị aa mẹ o. Asị ẹ na mẹ ori dị è ve si du ẹngụ ẹnịnị ẹngụ o.

Iwe Ọhụhị Imosiisi ana aa hị́ Ọyịvatụrọda 11:7

Eyi awụ nịnị Ẹnẹyịmavara mẹ̀ avaba ịsị ẹdẹngụ ẹnịnị nị.