Iwe Ọhụhị Imosiisi ana aa hị́ Ọyịvatụrọda 4:2 - IWE ỌNỊNỊ

² Asị ụ da tụ́ ịnị ọda ọnọọ, asị ụ da hụụnị anị, saasa avaba ọda anị ọnị mị ra ka yị wụ.

Iwe Ọhụhị Imosiisi ana aa hị́ Ọyịvatụrọda 4:2 Referans Kwoze

Iwe Ọhụhị Imosiisi ana aa hị́ Ọyịvatụrọda 12:32

Re ka wa tangwa saasa avaba ịsa ọnị mẹ ọda yị wụ nịnị aanị. A sị ụ dà tụ ọ, dị a sị ụ rẹ da hụụnị anị nịnị.

Ụhịrẹyị 30:6

Asị ụ da tụ́ ịnị ịrẹyị anị agụvị asị ọ tụ̀ wụ ohuvọ ka onireeche ụ vị nị.

Ijosuwa 1:7

Ẹnẹyịmavara ô hu Ijosuwa ọvụ ka ọ̀ jẹẹ gere-gere, dị ọ̀ nyị ọtụtụrụma ẹtẹẹtẹrẹ, di o re ka ọnị óo si eyi pè avaba ịrẹyị oni Imosiisi ozi ahụ anị ka yị ọ, dị ọ̀ saasa a. Ộ kà asị o jesi hụụnị ịrẹyị aanị zị oze ọnyọọnyị. Asị ọ ha zị eyi ụvọrị, a vị eyi ụvọha. Ọ kà ẹ̀ẹ vavọọ mẹ, ọnị ọ vaa mẹ ka ò re mẹ, o ve re mẹ ịnị ịsa tụra ịsa tụra ịsa ọnị ọ̀ọ sị ụvọ tụra ka ọnị aa mẹ.

Imatiwu 5:18

Ịzẹyịza, mị kà wụ nịnị nị, pooro dị ẹbẹẹba ọnịrị ẹhẹ ọ̀ ta, ẹ yị nyị ikonya ịnị ọda ana vaa jịị ha vụrụ-vụrụ. Avaba anị saka-saka ọ vaa sẹ nị.

Anigaratiya 3:15

Ẹwụ nịnị ẹyịnyara amị, jẹẹ ma sị ịsa ẹhẹ ọnọnị juwe ịrẹyị ọnọnị, oo! Aza ẹnị ẹẹva ẹ̀ẹ dọ ka ẹnị aa mẹ̀ ịsa ọnya, dị ẹ raà hị́ eku tụ́ ọọ nị, ẹ yị nyị ọza ana kụkụ nyẹngụ du ọọ, à vị ka dị ọ̀ dà tụ́ ọọ.

Ịrẹyị Ọzwọzịsa 12:13

Ya sị avaba ịrẹyị wụ, ịsị aa sị za ịrẹyị ịrẹsụ yị. Hi angwa Ohomorihi, dị waa saasa ọda Anị, agụvị ka avaba ụkọrọ ọnị Ohomorihi sị yị ẹyị ọza ịnị ẹhẹ ọ vị ọnọọ nị.

Imatiwu 5:43

“Wâ wụ́ nịnị, a mẹ̀ kà a nịnị ka: ‘Sì ịrẹyị ọnọhụva, dị ụ wa nyị ịhyẹrẹ ọnịvị awụ!’

Iwe Ọhụhị Imosiisi ana aa hị́ Ọyịvatụrọda 1:3

Ịnị ẹkụhị ịpaapa ịnị ụhwẹ ẹwụrọnya ịrayị ana tụ́ ọ ịrayị ẹbẹẹva ọnị ẹ sị kwẹẹtẹ hụrẹ Ijipiti, Imosiisi maanị ka avaba ịrẹyị ọnị Ẹnẹyịmavara mẹ̀ ọda yị ọ ka ọ̀ ka yị Anisirẹrị wa nị.

Iwe Ọhụhị Imosiisi ana aa hị́ Ọyịvatụrọda 4:5

Imosiisi ka, ọnị ọ̀ ra sị avaba ọda zụ wa anka Ẹnẹyịmavara Ohomorihi anị mẹ ka yị ọnị. Ẹnịnị ẹ̀ saasa a ịzị ẹ̀ yaa va dọ dị ọ vị ẹ̀nịnị aanị.

Iwe Ọhụhị Imosiisi ana aa hị́ Ọyịvatụrọda 4:14

Imosiisi ka ộ ka yị ọnị ka ọnị ọ zụ wa avaba ọda agụvị dị ẹ saasa ịzị ẹnịnị aa va dọ dị ọ vị ẹnịnị.

Iwe Ọhụhị Imosiisi ana aa hị́ Ọyịvatụrọda 4:40

Imosiisi ka ẹ saasa avaba ọda anị ọnị ọnị raà sị yị wa ajịnị agụvị o ze yị wa ẹnịrị ezi ịrẹma-ịrẹma ẹnịnị. Ẹ vaa ra ịnị ẹtẹ ọnị Ẹnẹyịmavara Ohomorihi ẹnịnị aa sị yị wa ka ọ vị ẹẹnịnị pooro zịna-zịna.

Iwe Ọhụhị Imosiisi ana aa hị́ Ọyịvatụrọda 33:4

Ẹnị ẹ saasa avaba ọda ọnị Imosiisi sị yị ẹnị, dị ọ vị ogu yị ẹnị evere Ijekọvụ nị.

Ahẹ Ụgama 78:7

Ọnọọ vaa mẹ ka ẹ̀ zụ sị ayị tụra Ẹnẹyịmavara dị asị e hi ayị ịsa ọnị Ẹnẹyịmavara mẹ, dị ẹ̀ zụ sị ụvọ za ọda anị

Ijeremaya 26:2

Dị Ẹnẹyịmavara kà a yị ọnị ka, ọnị ọ̀ na jẹẹ ịnị akakana irehi Ohomorihi nị. Ọ kà ọnị ọ̀ kà a yị aza anaa hụrẹ Ijuda vaa mẹ ahẹkẹ ịzọọ, avaba ụtụ ọnị ọnị tụ ọnị. Asị a nyị ọnị ọnị dà tịtẹ.

Iwe Ọhụhị Imosiisi ana aa hị́ Ọyịvatụrọda 5:29

Dị Ẹnẹyịmavara kà, àa vị ịzẹyịza ẹnịnị hí angwa anị, dị ẹ saasa avaba ọda anị nị, o vee zee yị wa ọnịrị evere anị pooro-pooro zịna-zịna nị.

Iwe Ọhụhị Imosiisi ana aa hị́ Ọyịvatụrọda 5:32

Sị eyi pe ẹtẹ dị ụ wa mẹ ịsị Ẹnẹyịmavara raa mẹ ọda yị wa. Asị ẹ mẹ akamawụ.

Iwe Ọhụhị Imosiisi ana aa hị́ Ọyịvatụrọda 13:1

Àa nyị Ọnịsẹ, a vị ọza anaā kà etore ana kwẹẹtẹ ịnị ẹngụ awụ nịnị di o wo oto ịvọpa a vị apọtẹrẹwa ohyozirenu.

Ijosuwa 8:35

Avaba ọda Imosiisi vị ọnị Ijosuwa za ịrịka eyi avaba ịragụ Anisirẹrị nịnị, anẹẹ, ezi, beri azọga ana ra ịnị akakana ẹnịnị.