Iwe Ọhụhị Imosiisi ana aa hị́ Ọyịvatụrọda 4:16 - IWE ỌNỊNỊ

¹⁶ Asị ẹnịnị mẹ̀ ebira odivi na ku ịsa ẹnyẹnyị jẹẹ dị ọ vị ori ẹnịnị, dị ọ hyakụ ve vene ọnọrụ a vị ọnẹẹ,

Iwe Ọhụhị Imosiisi ana aa hị́ Ọyịvatụrọda 4:16 Referans Kwoze

Odeyi 17:29

Yàa vị ezi Ohomorihi, ẹ yị vọrọ ka ye ro o ka ya zụ sị ịsa anaa sị igooru ọnịrị ọmọ beri ịrẹta bẹ juwe anị. Ịsa ẹnẹẹ vị ụkọrọ ụvọ aza kẹnẹ; ariro aza ẹ jẹẹ yị nị.

Iwe Ọhụhị Imosiisi ana aa hị́ Ọyịvatụrọda 5:8

Asị ẹ na bẹ ịsa ene vene ịsa ọnyọọnyị ana yà ẹbẹẹba, a vị ịsa ana ya uruvo ẹtẹ, àa vị ịnị ẹnyị;

Iwe Ọhụhị Imosiisi ana aa hị́ Ọyịvatụrọda 4:23

Avọọ, ọnị e su ịnị ẹtẹ ọnọnị, dị asị e hi ayị oto ọnị ẹnịrị Ẹnẹyịmavara Ohomorihi ẹnịnị mẹ. Ẹ saasa ọda, dị asị ẹ mẹ̀ ori ẹnyẹẹnyị,

Ọyịkụra 32:7

Dị Ẹnẹyịmavara va hị́ Imosiisi dị ọ ka, “Wụsẹ we chii na agụvị ka aza awụ ọnị ụ kụ́ hụrẹ Ijipiti aa vẹ ẹ sị ngụ ini ebira odivi aa mị. Ẹnịnị ẹ yị kụkụ yẹ mị.

Ịjọọnụ 4:24

Ohomorihi vị ọza ọnị ọza ò yi zụ re. Agụvị avọọ aza ana àa hẹkẹ ẹ, â nyị ka ẹ̀ẹ sị ayị ọnya ọnịrị ịzẹyịzaa hẹkẹ ẹ.”

Ayịsaya 40:18

Ẹnẹ a nyẹngụ sị juwe Ohomorihi kẹ? Sị a zụ sị jiwe anị kẹ?

Iwe Ọhụhị Imosiisi ana aa hị́ Ọyịvatụrọda 4:25

Ịjị wàa na raà ma ezi, dị ụ kụ aazị dọ nị, di u si ku ịnị ẹtẹ ọnọọ nị, asị ụ na mẹ ori ẹnyẹẹnyị ene vee du u nịnị ẹngụ. Ebira odivi ọ vị eyi Ẹnẹyịmavara nị. O vee du ọ ayị nị.

1 Itimoti 1:17

Aza ẹ̀ẹ sị ụbanyị ọnịrị igirimaa yị Ohomorihi pooro zịna-zịna! Ọnị ọ vị ohinọyị pooro zịna-zịna nị; o mē sú, ọza o mē ree. Ọnị kẹnẹ ọ vị Ohomorihi nị. Aamị.

Ireevi 26:1

Ẹnẹyịmavara ộ kà a yị Anisirẹrị nịnị ka, à sị ẹnịnị mẹ ori nịnị yị ẹngụ ẹnịnị o. À sị ẹ sị ụmọmọ ịsa ọnyọọnyị jẹẹ, à sị ẹ́ sị ịrẹta mẹ ọhẹ jẹẹ, à vị ka ẹ̀ bẹ́ ịrẹta jẹẹ ịnị ẹtẹ ẹnịnị dị ẹẹ vàa ku ẹtẹẹ yị ọ o, agụvị ka ọnị ọ vị Ẹnẹyịmavara Ohomorihi ẹnịnị nị.

Iwe Ọhụhị Imosiisi ana aa hị́ Ọyịvatụrọda 5:9

ẹ̀ yị mẹ̀ ori agụvị ka Ẹnẹyịmavara ana vị Ohomorihi ẹnịnị vị anaā kụ́ ụhị, Ọza àa nyị anaa maanị mẹ̀ ebira ọnọnị vị ọnị vaa sị ụya anịị rị ọ ne beri ezi ịrẹma-ịrẹma anị nị.

Iwe Ọhụhị Imosiisi ana aa hị́ Ọyịvatụrọda 9:12

Dị Ẹnẹyịmavara va ka ẹ yị Imosiisi ka ò chi hụrẹ ịrẹsụ ataba obobooro ọnọọ nee tu aza anị ọnị ọ kụ́ hụrẹ Ijipiti vẹ. Ẹnịnị ẹ raà mẹ̀ ebira odivi ene du wa ẹngụ. Ẹ sị va hụụnị ịsa ọnị ọnị mẹ ọda anị yị wa. Ẹ sị ori mẹ yị ẹngụ ẹnịnị.

Iwe Ọhụhị Imosiisi ana aa hị́ Ọyịvatụrọda 27:15

O yi vee ze yị ọza tụra ọza ana aa sị ịrẹta, ọchị, a vị enyusẹ mẹ ori anị, di e were-were hẹkẹ ẹ. Enyisi ori ọyị hẹkẹ vị yị Ẹnẹyịmavara. Dị avaba aza ọ̀ ha aamị!

Iwe Ọhụhị Imosiisi ana aa hị́ Ọyịvatụrọda 31:29

Ọnị ọ yẹ ka ịrẹma ọnị ọnị wusu, ẹnịnị vee divi, di e yi avaba ịrẹyị ọnị ọnị ka yị wa tịtẹ. Ọ vavẹ ịrẹma ẹngụkata vee tù wa agụvị ka ệ mẹ̀ ịsa ana vị enyisi ana kụ́ Ẹnẹyịmavara ayị.

Ireevi 19:4

Ọ kà à sị ẹ và ịrẹma anị naa hẹkẹ ori. À sị ẹ sị enyusẹ mẹ uyi ori nịnị dị waa tana tụra ẹtẹẹ hẹkẹ wa. Ọnị ọ vị Ẹnẹyịmavara, Ohomorihi ẹnịnị nị.

Iwe Ọhụhị Imosiisi ana aa hị́ Ọyịvatụrọda 16:22

A sị ụ sị ịrẹta tụra ọhẹ jẹẹ dị wa jị ọ ori nịnị. Ẹnẹyịmavara Ohomorihi ộ nyị ịhyẹrẹ ẹngụ ịsa ẹnẹnị.

Ayịsaya 44:13

Ịkahunta ọ̀ọ mọ ọchị, dị ọ sị ịchọọkị chẹrẹ ẹ. Ọ̀ọ sị ọ chẹrẹ, dị ọ sị ẹnya ụkọrọ anị bẹ ẹ, dị ọ mẹ̀ ẹ anka ọza avọọ. Dị ọ mẹ̀ ẹ anka ọza ene zoza avọọ, dị ọ sị ọ tụ ini eehi anị.

Ezikẹẹrị 8:10

Ịzẹyịza, ọnị ộ ngụ eehi, dị ọnị ré ka, Anisirẹrị nịnị ệ và uhwoto ẹwụ nịnị ọnịrị uye ana vọ ẹnẹ ẹ̀ yị nị, beri uhwoto ịsa ana vọ ẹnẹ ẹyaa hẹkẹ va hi ịnị ugene nị.