Iwe Ọhụhị Imosiisi ana aa hị́ Ọyịvatụrọda 3:10 - IWE ỌNỊNỊ

¹⁰ Anisirẹrị ệ dọ avaba ẹtẹ ọnị Ọgị ohinọyị Anịbasanị nyị. Avaba ẹkụra ọbanyị ene hi ịrẹsụ ataba, avaba ẹtẹ Igiriyadi, ọnịrị Ịbasanị hùuu na ngụ Isareka ọnịrị Edireyi.

Iwe Ọhụhị Imosiisi ana aa hị́ Ọyịvatụrọda 3:10 Referans Kwoze

Ijosuwa 13:31

Ẹtẹ ọnọọ ọ za achẹva Igiriyadi beri Asịtarọtị ọnịrị Edireyi ana vị ohyẹtẹ ẹkụra Ọgị ohinọyị Ịbasanị. Avaba ẹtẹ ẹnẹnị vị ana a sị yị achẹva evere Imakiri ozi Ịmanasẹ.

Iwe Ọhụhị Imosiisi ana aa hị́ Ọyịvatụrọda 4:49

Ẹtẹ ana ya eyi ọnị ọyịị̄ zịị vẹ okuha Ijodani huuu na ngụ eyi ụvẹtẹ oku anọ-anọ ọnịrị eyi ọnị ọyịị̄ zịị vẹ akẹtẹ Ataba Ipisiga vị ana rẹ ya ịnị ẹtẹ ọnọọ.

Ịrịka 21:33

Dị ẹ va ịrẹsụ ka oze Ịbasanị, dị Ọgị ohinọyị Ịbasanị ọnịrị aza anị jịnẹ tụ́ wa, dị ẹ gẹ ịrẹkụ Edireyi nị.

Iwe Ọhụhị Imosiisi ana aa hị́ Ọyịvatụrọda 4:43

Ẹkụra ẹnẹ ẹ vị: Ibezeri ẹtẹ Irubẹnị ana ya ịnị ụnọmị ana ya ịrẹsụ ataba, Ịramọtị ịnị ẹtẹ Igiriyadi ana vị ẹtẹ Igadi ọnịrị Igoranị ịnị ẹtẹ Ịbasanị ana vị ẹtẹ Anịmanasẹ nịnị.

Ijosuwa 13:16

Ẹtẹ ẹnịnị vị ene nyima hụrị, Aroyeri ana ya ụtọ Irehu Amọnị ọnịrị ẹkụra ana ya ịnị akakana inozi ọnịrị avaba ẹtẹ inozi ịrẹsụ ataba Imedeba,

1 Ịtọpa 5:11

Ezi Igadi nịnị vị ana ra akẹbẹẹba ezi Irubẹnị nịnị ịnị ẹtẹ Ịbasanị, huuu na ngụ eyi ọnị ọyịị̄ zịị hụrẹẹ vẹ ịzị aā hị́ Ịsarẹka.

Ijosuwa 13:30

Ẹtẹ ẹnịnị ọ na ngụ Imahanayimi beri avaba ẹtẹ Ịbasanị ọnị Ọgị vị ohinọyị anị. Avọọ ọ mẹ̀ za ẹkụra Ịjarị eweyi-eweyi ẹbẹẹta ịnị ẹtẹ Ịbasanị nị.

1 Ohinọyị 4:13

Ịbẹnịgẹbẹrị ô sị eyi pe ẹkụra Ịramọtị-Igiriyadi ẹnịrị ẹkụra eweyi-eweyi Anigiriyadi ana vị ịrẹsụ Ịjarị ọnị ohiku ẹnịnị vị Ịmanasẹ. Ịbẹnịgẹbẹrị ọnọọ ọ rẹ si eyi pè okokooro Arigobi ana yà Ịbasanị nị. Ẹkụra anị vị ẹbẹẹta, dị ẹ banyị, dị a jị ọvọ kara wa, dị ahịka oze enyusẹ ọbanyị e si gù oze ana na ngụ ọ nị.