Iwe Ọhụhị Imosiisi ana aa hị́ Ọyịvatụrọda 2:1 - IWE ỌNỊNỊ

¹ Imosiisi ka, ịjị Anisirẹrị vavọọ raa vara eyi aa ngụ ụnọmị, dị ẹ vatụra oze ana na ngụ oku ịkẹ-ịkẹ anka Ẹnẹyịmavara mẹ mẹ̀ ọda yị wa nị. Dị ẹ kú ịzọọ ẹtẹẹtẹrẹ, ẹ maa va chị va hịrẹ ịrẹsụ ataba Ịsẹyị nị.

Iwe Ọhụhị Imosiisi ana aa hị́ Ọyịvatụrọda 2:1 Referans Kwoze

Ịrịka 21:4

Dị ẹ hụrị ataba Ihuuri zị oze oku ịkẹ ne jesi kara ẹtẹ Edomi nị. Ẹ vavọọ aa na, dị aza ee du ayị na nị.

Iwe Ọhụhị Imosiisi ana aa hị́ Ọyịvatụrọda 1:40

Dị ọ ka ẹnịnị ẹ vara eyi, ẹẹ ngụ ụnọmị na. Ẹ vara ịrẹsụ ka oze ana na ngụ oku Ịkịịkẹ.

Ịrịka 14:25

Ẹnẹyịmavara kà ẹ vara eyi asị ẹ nọ ịzị Anamarẹkị ọnịrị Anikenaani ya. Ụhwọọ, ẹ̀ na ịnị ụnọmị ana va eyi ka okuha ịkẹ.

Ọdọvịdị 11:18

Ịjẹhwịta ọ rẹ kà a ka Anisirẹrị nịnị vana zị oze ịnị ụnọmị jesi kara ẹtẹ Edomi ọnịrị ẹtẹ Imowabi dị ẹ va ngụ eyi ọnị ọyị zị hụrẹ ẹtẹ Imowabi nị. Ọ kà ịzọọ e tu dị ẹ jị udi va eyi ka irehu Arinọnị nị. Ịjẹhwịta ka ẹyị nyị ụmẹ ọnị Anisirẹrị sị jị ahụ ngụ ẹhwị ẹtẹ Imowabi ana vị Arinọnị.

Iwe Ọhụhị Imosiisi ana aa hị́ Ọyịvatụrọda 1:2

Ẹkụhị ẹwụrọnya ọza a sị zị ụsẹ hụrẹ Ataba Ịhọrẹbị oze ịnị ataba Ịsẹyị va ngụ Ịkẹdẹsị Ibaneya nị.

Iwe Ọhụhị Imosiisi ana aa hị́ Ọyịvatụrọda 2:2

Ụmẹ ọnọọ, Ẹnẹyịmavara ô pe Imosiisi ka ịrẹyị.

Iwe Ọhụhị Imosiisi ana aa hị́ Ọyịvatụrọda 11:4

Wê re Ẹnẹyịmavara mẹmẹ vu isoja Anijipiti ẹnịrị umaata ẹnịnị beri ịkẹkẹ ịrẹkụ ẹnịnị ẹtẹ saka-saka, di enyi Irehu Ịkẹ mụnẹ wa.