Iwe Ọhụhị Imosiisi ana aa hị́ Ọyịvatụrọda 13:1 - IWE ỌNỊNỊ

¹ Àa nyị Ọnịsẹ, a vị ọza anaā kà etore ana kwẹẹtẹ ịnị ẹngụ awụ nịnị di o wo oto ịvọpa a vị apọtẹrẹwa ohyozirenu.

Iwe Ọhụhị Imosiisi ana aa hị́ Ọyịvatụrọda 13:1 Referans Kwoze

1 Ịjọọnụ 4:1

Ẹwụ nịnị anda ayị, asị ụ dọ avaba aza ana kà a ka ẹnị ẹ́ẹ nyị Ụhwẹ Ọnịnị wụ́. Ama zama wa re, dị ụ wa yẹ ịzẹyịza àa vị Ụhwẹ Ọnịnị Ohomorihi ẹ nyị nị, agụvị ka ọnịsẹ onireche ẹ sị gara hi ẹhẹ.

Ijeremaya 29:8

Ọ kà ọnị Ẹnẹyịmavara, Ohomorihi Anisirẹrị aa kà wụ nịnị ọ̀nọ̀ ka, asị ụ zẹẹ ọnịsẹ ene hi ịnị akakana awụ nịnị ẹnịrị aza ana ka ẹnị ẹ zụ kà ịsị ana va mẹ ụhwọọ è vene ụ nịnị o. Asị ụ wụ́ ịrẹyị ụra ẹnẹ ẹ ka ẹnị aa rá avọọ o.

Ijeremaya 27:9

Ọ kà, asị ụ wụ́ ịrẹyị ọnị ọnịsẹ awụ nịnị, aza eneē ré ẹtẹ wụ nịnị, aza anaā kà iruvo ụraa wụ nịnị ọ̀ọ va vị ọmahọnọ awụ nịnị aa kà. Ẹnịnị ka wẹ́ yị vaa kụụ hẹkẹ ohinọyị Anibabironi nịnị.

Ayịsaya 9:15

Azọkụ ana aza aa sị ụbanyị yị ẹ vị ịrẹsụ ọnọọ nị, dị ọnịsẹ ana aa sị ịrẹyị ireche kọ aza ẹnị vị omuta nị.

1 Ohinọyị 13:18

Dị ọnịsẹ ọzọkụ ọnọọ cheeche yọ dị ọ ka, “Ẹmị rẹ vị ọnịsẹ ộ anka ẹwụ. Ẹnẹyịmavara ộ tụ́ anggẹẹrị ka ọ̀ va kà a mị ka ẹmịrị wụ ọ̀ zị và nọ ini eehi amị, dị wa rị ịsa, di we re hú enyi.”

2 Anịtẹsaronika 2:9

Ọza odivi ọnọọ vịdị vaa sị ụkata Echuu vẹ, dị aa sịị mẹ̀ ụkọrọ ịvọpa ọnịrị ohyozirenu ireche.

Iruuku 6:26

Wa sị dà nịnị, wèe re ka avaba aza ee gono wu nịnị, agụvị ka avọọ gẹdẹ-gẹdẹ óhiku ẹnịnị mè re gono ọnịsẹ ireche nịnị nị.”

Ịmaakị 13:22

agụvị ka onireche nịnị ana ka ẹnị vị Ikirisiti, ọnịrị ọnịsẹ ireche nịnị vaa kwẹẹtẹ, dị ẹyaa mẹ̀ ụkọrọ ohyozirenu ẹbanyị-ẹbanyị, agụvị di è si vene aza. Ẹ hyakụ vaa sịị vụrị ka eni è vene aza oni Ohomorihi sị nyị bẹẹ.

Imatiwu 24:24

Agụvị ka onireche nịnị ana ka ẹnị vị ikirisiti, ọnịrị ọnịsẹ ireche nịnị vaa kwẹẹtẹ, dị ẹyaa mẹ̀ ụkọrọ ohyozirenu ẹbanyị-ẹbanyị, agụvị ẹ̀ nyẹngụ si vene aza oni Ohomorihi sị nyị, ẹ̀ẹ zụ mẹ̀ ẹ.

Imatiwu 24:11

Ọnịsẹ ireche nịnị vaa vẹ, di e vene aza ọrụrụ-ọrụrụ.

Imatiwu 7:15

“Sị eyi pe ẹngụ awụ nịnị agụvị ọnịsẹ ireche nịnị. Ẹẹ̄ sị ịtụmpaha atẹmẹẹ kú ẹngụ, ama ịnịnẹ ẹnịnị, akatapooro odivi ẹ vị nị.

Ịzakaraya 13:4

Ịjị ụmẹ ọnọọ o tụ́, nyị ẹ yị ọza ene vee wo ka ọnị a kà ịsẹ, a vị ka ọnị ee re ẹtẹ, di o chire awuru ọnịsẹ ka ọnị ọ sị vene aza.

Ịzakaraya 10:2

Ori nịnị ẹ yị ka ịrẹyọyẹ, ọhẹva nịnị vị ene cheeche, aza ana ka ụra vị enee vene aza. Agụvị avọọ aza aa woowo zị anka atẹmẹ ene vu avọọ nị. Ẹnịnị ẹẹ nyị ẹngụkata agụvị ka ẹnịnị ẹ yị ọza ene sere wa.

Ezikẹẹrị 13:23

Avọọ, we yi me vene ré ẹtẹ apaapẹ ọnị ụ ré nịnị. Wẹ́ ma rẹ vana zụ kà ịsẹ ọnị wee sii vene aza nịnị avọọ. Ọnị vaa dọ aza anịị hụrẹ wụ nịnị ụvọ, dị wa yẹ nịnị ka ọnị ọ̀ vị Ẹnẹyịmavara nị.

Ijeremaya 23:11

Ẹnẹyịmavara kà, ọnịsẹ nịnị ẹnịrị ohirẹsụ ireehi Ohomorihi nịnị bẹẹ ẹ yị mẹ ịsị e zee Ohomorihi eyi. Aza edivi ẹ vị nị. Ọ kà ọnị ộ za wa ẹ́ maa mẹ̀ ịsị odivi ịnị irehi anị bẹẹ.

Ijeremaya 6:13

Ọ kà, hụụnị ozweyi ẹnịnị na ngụ azọkụ ẹnịnị vị anaa sị asuvuu sị ẹkẹhị. Ọnịsẹ ẹnịnị ọnịrị ohirẹsụ irehi Ohomorihi ẹnịnị vị anaa mẹ ọzaa rị.

2Ipita 2:1

Ịnị ịyẹẹyẹ, ọnịsẹ ireche nịnị hi ini Aniju nịnị. Ọnịsẹ ireche nịnị ẹnị rẹ vaa jịnẹ ịnị akakana awụ nịnị. Di e were vẹ, dị ẹyaa sị irechee zụ̀ aza, ana vaa mẹ azaa nyeeyi. Ẹ vaa kà a ka ẹnị ẹ́ yị yẹ Ijeesu Ikirisiti Ananyị yị, ọza ana hị́ wa varẹma. Agụvị avọọ, ẹ́ yị vaa jẹẹ, dị ẹ̀ wụ ẹngụ ẹnịnị và ha.

Ijeremaya 29:24

 nyị ọnọrụ ọnya ana aā hị́ Isemaya ana vị anẹkụra ana aā hị́ Ineherami. Ijeremaya ka Ẹnẹyịmavara ộ tụ́ ọnị ka ọnị ọ̀ kà a yọ ka:

Iwe Ọhụhị Imosiisi ana aa hị́ Ọyịvatụrọda 18:20

Ama ọnịsẹ ọnị mẹ̀ yị tụ ụtụ, dị aa dà ịrẹyịị kà ka ẹ̀ ma tụ ọnị nị, àa va nyị ọnịsẹ anaa sị ịrẹha ori ọsa nịnịị kà ịrẹyị, vị a vaa wụ̀ ọ nị”.

Ijeremaya 23:32

Ẹnẹyịmavara kà, ịzẹyịza, ọnị ọ raa và eyirazị ka ẹnị ọnịsẹ enee cheeche ka vị ẹnị ra ụra aanị nị. Avọọ ẹ maa kà a dị ẹyaa sị ireche ẹbanyị-ẹbanyị ẹnịnị kụ aza anịị nyeeyi nị. Ama ọnị ẹ́ yị tụ wa ụtụ. Ẹ́ yị nyị aha ẹnịnị ana aza aa rị vụrụ-vụrụ.

Ijeremaya 29:26

Ẹnẹyịmavara ọ sị ọ dọ ọnọrụ ana aā hi Ijehoyada ịrẹsụ ka ọ̀ vị ohirẹsụ irehi Ohomorihi nị, dị a hịka ọnị ọ kụkụ vị ohirẹsụ avaba anụkọrọ irehi Ohomorihi booro aanị. Ụ ka ọnị ọ vị ụkọrọ anị ka avaba ọnụra anaa mẹ apẹ ka vị ẹnị aa kà ịsẹ nị. Ọ̀ tụ wa ịchẹkẹchẹkẹ dị ọ sị enyusẹ kara wa ọrọkọ nị.

Iwe Ọhụhị Imosiisi ana aa hị́ Ọyịvatụrọda 4:1

Ụmẹ ọnọọ Imosiisi ộ hị́ Anisirẹrị, dị ọ̀ ka, Ẹwụ nịnị Anisirẹrị navọ wa saasa avaba ọda Ẹnẹyịmavara ọnị maa sị zụ wụ nịnị aanị, wàa dọ ọ, eyi awụ Ẹnẹyịmavara ana vị Ohomorihi ohiku awụ nịnị aa sị ẹtẹ ọnọnị yị wụ, dị ọ̀ vị awụ nịnị nị.

Iwe Ọhụhị Imosiisi ana aa hị́ Ọyịvatụrọda 4:2

Asị ụ da tụ́ ịnị ọda ọnọọ, asị ụ da hụụnị anị, saasa avaba ọda anị ọnị mị ra ka yị wụ.

1 Ohinọyị 13:19

Ịzẹyịza dị ọ saasa a nọ ịnị eehi anị, dị ọ rị ịsa ini eehi anị, di o re hú enyi nị.

Ụhịrẹyị 30:6

Asị ụ da tụ́ ịnị ịrẹyị anị agụvị asị ọ tụ̀ wụ ohuvọ ka onireeche ụ vị nị.