Iwe Ọhụhị Imosiisi ana aa hị́ Ọyịvatụrọda 12:3 - IWE ỌNỊNỊ

³ Ệ gara ụta ori ẹnẹẹ va ha, dị ẹ chaka ịrẹta ẹnẹ sị jị ọhẹ, dị ẹ rị ọchị ana sị mẹ uyi ori ẹnịnị ana vị Asẹra ịra. Ê wú avaba irehi ori ẹnẹẹ va ha, dị asị a vana kụkụ wụ́ ịrẹha ẹnịnị vụrụ-vụrụ.

Iwe Ọhụhị Imosiisi ana aa hị́ Ọyịvatụrọda 12:3 Referans Kwoze

Ọdọvịdị 2:2

Ộ kà a yị wa ka asị ẹnịrị aza ana raa hi ịzọọ hị́ eku ẹnyẹnyị yị ẹngụ. Ẹnịnị wu ụta ori ene hi ịzọọ ha. Ama ẹnịnị ẹ yị vaa saasa ọda anị. Ẹnịnị ee re ịsị ẹ mẹ aanị.

Ịrịka 33:52

ẹ dụ avaba aza ana ra ịzọọ jịnẹ eyi anị, dị gara avaba ịrẹta ẹnẹẹ̄ mẹ̀ ịsọvọ ịrẹsụ anị, dị wú avaba ụta ịsọvọ ẹnịnị.

Ịzakaraya 13:2

Ịhị ọnọọ, Ẹnẹyịmavara Ochẹtẹẹngụ kà ọnị vaa kụ́ ịrẹha ori hụrẹ ẹtẹ, dị ayị ẹnịnị hí. Dị ọnị rẹ kụ́ aza ana hị́ ẹngụ ẹnịnị ọnịsẹ ẹnịrị ọyị hẹkẹ ori nịnị hụrẹ ẹtẹ.

Ahẹ Ụgama 16:4

Ama aza ana aa hẹkẹ ori avọọ, ụya ẹnịnị vaa da dẹngụ Ẹ̀ẹ yàa mẹ̀ ịsọvọ, ama mẹ yị va bẹ ụvọọ tụ́ ọ yị wa Mẹ yị vaa kà ịrẹyị kanyị wa.

Iwe Ọhụhị Imosiisi ana aa hị́ Ọyịvatụrọda 7:5

Èe tu ịzọọ, e wu ụta ori ẹnịnị ha, ẹ chaka ịrẹta ori ẹnịnị rugurugu va ha, ẹ dà ọchị ana a sị mẹ uyi yị ori Asẹra, dị ẹ rị wa ịra.

Ọyịkụra 23:13

Re ka avaba ịsị mị kà wụ aanị, wâ sị eyi pè e waa saasa a. Asị ụ na hị́ ịrẹha ori ọnyọọnyị, asị a hyakụ wụ́ ka wa si irenu awụ kà ịrẹyị ẹnịnị.

Ẹtore 13:1

Mê re uye ịnị avị ọnya aanị, ana aa jịnẹẹ hụụnị okuu vẹ. Ộ nyị ịrẹsụ ịhịmba, dị ọ nyị ọpanyị ẹẹwụ nị. Ọ́ nyị ọkẹkẹrẹkụ ọnya tụ́ ịnị ọpanyị anị ọnya-ọnya. Dị a chẹrẹ ịrẹha ịrẹyị edivi hi ịnị ịrẹsụ anị ẹnẹẹ nị.

Imika 5:14

Ọ kà ori Asẹra ini u hì jẹẹ vị ọnị vee hu, dị ọnị chaka ẹkụra awụ nịnị.

Ihoseya 2:17

Ẹnẹyịmavara kà ọnị vaa mẹ ka Isirẹrị o hi ayị ori Ịbaarị nịnị, dị ọza ẹ yị kụkụ hị́ ịrẹha ẹnịnị vụrụ-vụrụ.

Ijeremaya 17:2

Aza awụ nịnị anaa mẹ ahẹkẹ ịzị ụta ọnọọ yà, dị ụ raa nọ iruvo avaba ọchị ọnịrị ịrẹsụ ataba ịzị asị ụmọmọ ori ọnyẹnẹẹ ana aā hị́ Asẹra tụ nịnị nị.

2 Ịtọpa 34:3

Ịnị ịrayị ana tụ́ ọ ịhịnta ọnị Ijosaya rị ohinọyị, ọ mẹ yị vị ozweyi, ó nyima aa hẹkẹ Ohomorihi ohiku anị Idevidi. Ịnị ịrayị ọhụna ana vatụra a, o nyima aa chata irehi ori nịnị ọnịrị ọchị ana bẹ́ mẹ uyi ori ọnẹẹ ana a hị́ Asẹra ọnịrị ori ana vọ.

2 Ịtọpa 31:1

Ịrẹma ọnị eche ọyịparahu ọnọọ ta wa rị, dị avaba Isirẹrị ana nọ Ijerusarẹmị kụ́ ẹngụ aa ngụ ẹkụra-ẹkụra ene hi ẹtẹ Ijuda, Ịbẹnjamịnị, Ehwireemi ọnịrị Ịmanasẹ nị. Ịzị èe tu dị ẹ́ gara ịrẹta ori ana a kụ́ gụ, di é che avaba ọchị ana a bẹ jẹẹ yị ori ọnẹẹ ana aā hị́ Asẹra, dị ẹ́ chata ụta ịsọvọ, di é wú avaba irehi ori ẹnịnị ha. Ịjị ẹ sị mẹ̀ ta, dị ọzọza va nọ eehi anị nị.

2 Ịtọpa 19:3

Ama ẹ yị vị avaba ebira ọnị ọ mẹ o divi, â nyị ebira ọyịza ọnị ọ vịdị mẹ. Ộ kụ́ avaba ọchị ori ọnẹẹ anaā hị́ Asẹra hụụnị avaba ẹtẹ, dị ọ sị avaba ẹngụ anị a sị dụ ịrẹyị Ẹnẹyịmavara nị.

2 Ohinọyị 23:14

Ộ chaka ịrẹta ori Asẹra rugu-rugu, dị ọ ma ọchị ana a sị mẹ uyi anị jẹẹ nị, dị ọ kụ́ ẹchụkụ aza ana wụ̀ ene hi ịzọọ nị.

2 Ohinọyị 18:4

Avaba ịzị aza anaā hẹkẹ orii yaa mẹ ori, vị oni o du ha saka-saka; di o wu ọhẹ ẹnẹ ẹ sị ịrẹta mẹ jẹẹ nị. Uyi Asẹra ori ọnẹẹ ẹnịnị vị ọnị ọ gara ha. Â nyị ẹ́wụ́ ọnị Imosiisi sị enyusẹ mẹ vị ọnị ọ rẹ gara ha. Ẹwụ ọnọọ aā hị́ Inehusitanị nị. Va ngụ ụmẹ ọnọọ, Anisirẹrị nịnị vị anaa rị eturare ịraa yị ẹ́wụ́ ọnọọ.

1 Ohinọyị 15:13

Ọnyị anị Imaaka ộ nyị ori anaā nyị ọza ịhyẹrẹ ana aā hị́ Asẹra agụvị avọọ dị Asa jị ọ hụụnị udi ose ohinọyị nị. Dị Asa za ori anaā nyị ọza ịhyẹrẹ ọnọọ dị ọ dà a, dị ọ na rị wa ịra ini orosi Ikidironi nị.

2 Ịtọpa 14:3

Ộ kụ́ avaba ụta ori ana a dà va ngụ ẹkụra ọnịrị avaba aha anaā ya hẹkẹ wa kwooze. Ộ chaka ịrẹta udi ori ẹnịnị va ha, di ộ dà avaba ọchị ene hi jẹẹ mẹ uyi ori ọnẹẹ anaā hị́ Asẹra.

Ọyịkụra 23:24

Asị u ku ẹtẹ yi ori ẹnịnị, asị ụ rẹ mẹ wa. Asị ụ saasa ịsị ẹ yaa mẹ. Ori ẹnẹẹ vị ọnị ụ vaa chakaa ha, dị ụ gara ịrẹta ịzị a yàa mẹ wa.

Ọyịkụra 34:13

Wèe tù ịzọọ ụ chaka ụta ịzị ẹ yàa mẹ̀ ịsọvọ, rẹ za avaba ịrẹta ẹnị ẹ sị mẹ ori dị wa chaka wa. Â nyị ọchị ẹnị ẹ bẹ yị ori ẹnịnị ẹnị ẹẹ̄ hị́ Acherimi. Ọchị ọnọọ vi oni u wee che nịnị.

Iwe Ọhụhị Imosiisi ana aa hị́ Ọyịvatụrọda 7:25

Ụ vaa rị ọnyọọnọkụmị ori ẹnịnị ịra. Asị eyi awụ nọ ịnị igooru ọnịrị isiriva ene hi ini ori ẹnịnị. Asị kụ wa mẹ awụ agụvị ka ẹ vaa ịrẹpa za wụ. Ịsa enyisi ẹ vị yị Ẹnẹyịmavara Ohomorihi awụ nị.

Iwe Ọhụhị Imosiisi ana aa hị́ Ọyịvatụrọda 12:4

Asị hẹkẹ Ẹnẹyịmavara Ohomorihi ẹnịnị ịnị oze ọnị ẹẹ̄ hẹkẹ ori ẹnịnị.

1 Ohinọyị 14:15

Ẹnẹyịmavara vee tụ́ Anisirẹrị, di o henyi wa anka a mèe henyi ịkẹ ana yà ini enyi. Dị ọ hụ́ Anisirẹrị hụụnị ẹtẹ ozoza ọnọnị ọnị ọ sị yị ohiku ẹnịnị, dị ọ sì wa na va ha akẹnẹ okuha. Iruvo ọnị ọ vavọọ vaa sị mẹ wa ọ vị ka ệ mẹ ori ana aā hi Asẹra nịnị ka ẹnị ẹ̀ sị mẹ ayị kụ́ Ẹnẹyịmavara.

2 Ohinọyị 11:18

Dị aza ẹnẹnị nọ irehi Ịbaarị, di e wú ọ ha nị. Ụta ịsọvọ ọnịrị uyi ana a mẹ hi ịzọọ vị ẹnẹ ẹ chaka ha, dị ẹ wụ̀ Ịmatanị, ohirẹsụ irehi Ịbaarị tụ ọvịdị ụta ịsọvọ ẹnẹẹ nị. Ijehoyada ộ kụ aza kara irehi Ohomorihi ka ee sere e.

Ayịsaya 27:9

Ộ dị ịhị Anisirẹrị ẹ̀ẹ raà chaka ịrẹta ịzị ẹ yaa mẹ̀ ịsọvọ hi ori ana aā hị́ Asẹra nẹrẹ-nẹrẹ dị ẹnẹ ẹ̀ yị mā vara ọ̀ va vagu wa ini ebira odivi ẹnị ẹ yaa mẹ, kụkụ vaa nyị ọchị ori ọnọọ ikonya ana vọ jẹẹ.

2 Ịtọpa 14:2

Asa ộ mẹ̀ ayị Ẹnẹyịmavara Ohomorihi anị hine agụvị ka ộ mẹ̀ ebira ozoza dị ọ mẹ̀ ịsa ana vọrọ nị.